Am 1:10 - Kaqchiquel Bible

¹⁰ Roma ri' xtinya' ruq'aq'al ri tz'aq ri sutiyon-rij ri tinamit Tiro y ri q'aq' ri' xtuk'is ri jay richin tobel ri richin ri rey.

Am 1:10 ပူးပေါင်းရင်းမြစ်များ

Wuj Richin ri Zacarías 9:4

Jak'a yin Jehová kan xtinwelesaj-el ronojel re' chike. Xtinbenk'aqa' kan k'a chupan ri palou ri tz'aq ri', y ri Tiro xtibek'is roma ri q'aq'.

Am 1:7

Roma ri' xtinya' ruq'aq'al ri tz'aq ri sutiyon-rij ri tinamit Gaza, y ri q'aq' ri' chuqa' xtuk'is ri jay richin tobel richin ri rey.

Am 1:4

Roma ri' xtinya' ruq'aq'al ri rachoch ri rey Hazael, y ri q'aq' ri' xtuk'is k'a chuqa' ri jay richin tobel ri richin ri rey Ben-hadad.

Ez 26:12

Y kan xtikik'uaj k'a ronojel ibeyomel y chuqa' xtikeleq'aj k'a el ri ik'ayij. Xtikiwulaj k'a kan ri tz'aq y chuqa' ri jebelej taq jay. Ronojel k'a ri che', ri abej y ronojel ri xetzaq, kan xkekik'eq kan chupan ri palou.

Wuj Richin ri Jeremías 47:4

Xtapon ri q'ij richin xkixk'is rix aj-Filistea y man xkixtikir ta chik xke'ito' ri aj-Tiro y ri aj-Sidón, roma yin Jehová xkik'ison iwichin rix ri xixpe richin xo'ito-iwi' pa ruwach'ulew Creta.

Ez 26:4

Y xkekiwulaj k'a ri tz'aq ri e rusutin-rij ri kitinamit y chuqa' ri kachoch ri chajinela' ri ek'o pa ruwi' ri tz'aq. Y yin Jehová kan xtinmes k'a el jumul ronojel ri xkek'oje' kan chire ri tz'aq ri'. Y keri' xtitz'anatz'o' kan jumul.

Ez 28:18

Ri amak kan xik'o yan ruwi', y ri ak'ayij kan man pa ruchojmilal ta xaben chire. Roma ri' xaben chi xaqasaj kiq'ij ri a-dios. Roma ri' xinben chi xtzijitej jun q'aq' chi'ikojol rix richin chi xixruk'is. Y wakami konojel ri winaqi' xkitz'et chi ri awajawaren xa xok kan chaj.

Joel 3:4

Wakami rix ri aj-Tiro, ri aj-Sidón y chijun ruwach'ulew Filistea, ¿achike k'a niwajo' chuwe yin? ¿Niwajo' niben ruk'exel chuwe yin? Wi niwajo' niben ruk'exel chuwe yin, yin chuqa' xtinya' ruk'exel pan iwi' rix.