2 Timoteo 3:3 - Kaqchiquel Bible

³ man xtikijoyowaj ta kiwech ri ch'aqa' chik winaqi', ni man xkekuyun ta, xketz'uku tzij, xtik'o ruwi' ri itzel ri xtikiben chire xabachike wineq, jantape' xke'oyower, kan xtiketzelaj ri utz

နောက်ထပ်ဗားရှင်းများ

Kaqchikel Santo Domingo (Xenacoj)

³ Ma xkeꞌojowan ta, jumul xtikꞌuxkꞌut kánima, xtikiqꞌabꞌaj tzij chikij wineq, ma xtikiqꞌet ta kiꞌ chuwech ri mak, emachꞌikilik chikibꞌanik, y nojel ri utz xa itzel xtikitzꞌet chare.

Kaqchikel Santa Maria de Jesus

³ Ijejeꞌ man xtiquijoyovaj ta quivach ri vinak, ni man xcaꞌcachꞌuon ta jubꞌaꞌ, xtiquikꞌabꞌaj tzij chiquij nicꞌaj chic, man niquikꞌil ta quiꞌ chi niquiꞌan pecado, can xtakꞌax ruveꞌ ri niquiꞌan chica ri nicꞌaj chic vinak, man xticajoꞌ ta ri otz.

Kaqchikel Central Guatemala

³ Rije' man xtiquijoyovaj ta quivech ri ch'aka' chic vinek, ni man xquecuyun ta. Xa xtiquibij itzel chique ri ch'aka'. Roma can e uc'uan roma ri etzelal, nic'o ruvi' ri itzel ri xtiquiben chique xabachique vinek. Can xtiquetzelaj-vi ri utz.

Re C'ac'a Testamento pa Kach'abal

³ Reje' man xtiquijoyovaj-ta quivach re nic'aj chic vinak, y chuka' man xtiquicuy-ta quimac. Xa itzel chuka' xque'ch'o chiquij. Roma camas re etzelal c'o pa tak cánma, y can xtak'ax rue' re etzelal re xtiquiban chique re vinak. Can xtiquitzelaj-va re otz.

Kaqchikel Western Solola

³ Riye' ma xtiquijoyowaj ta quiwech ri nic'aj chic winek, ni ma xquecuyun ta. Xa xtiquik'abaj tzij chiquij ri nic'aj chic. Ma niquik'il ta qui' chubanic ri mac, nik'ax ruwi' ri etzelal xtiquiben chique xabachique winek. Can xtiquetzelaj wi ri utz.

2 Timoteo 3:3 ပူးပေါင်းရင်းမြစ်များ

Judas 1:18

Rije' xkibij chi chupan ri ruk'isibel taq q'ij xkepe winaqi' ri yeyojoben, y kan xaxe ri itzel taq rayinik ri k'o kik'in.

Romanos 1:31

Man niq'axon ta kánima nikiben itzel. Nikiq'ej ri kitzij, man jun joyowanik k'o kik'in.

San Mateo 10:21

Xtapon k'a ri q'ij, chi wi ek'o ta e ka'i' kach'alal-ki'; jun chike rije' xtiyakatej y xtujech ri rach'alal pa kamik. Chuqa' ek'o tata'aj ri xkeyakatej chikij ri kalk'ual. Y ri alk'ualaxela' xkeyakatej chuqa' chikij ri kite-kitata' y xkekijech pa kamik.

2 Pedro 2:14

Xabachike ixoq ri nikitz'et, kan jari' nikajo' yek'oje' rik'in. Kan man yekos ta chubanik ri etzelal. Nikiben k'a chike ri kan k'a man jani jebel kuqul kik'u'x rik'in ri Dios chi yemakun. Jebel ketaman ronojel ruwech q'oloj, richin nikimol k'iy méro. Rije' kan xtiqaqa na wi ri ruk'ayewal pa kiwi'.

1 Timoteo 3:11

Y keri' chuqa' wi k'o jun ixoq ri nrajo' nilin: Nik'atzin chi nuk'uaj ta jun k'aslen utz chikiwech ri winaqi', man ta kamuluy-tzij, jun chojilej ixoq ta y kan nuben ta ronojel ri nubij.

San Mateo 4:1

Ri Jesús xban k'a chire roma ri Loq'olej Espíritu chi xbe pa tz'iran ruwach'ulew, richin chi nitejtobex roma ri Itzel-Wineq.

Dn 8:23

Pa ruk'isibel chire ri kiq'atbal-tzij ri e kaji' rey ri', toq ri ketzelal xik'o yan ruwi', jari' toq xtibeyakatej chik pe jun rey ri janila nowineq y q'olonel.

Apocalipsis 17:6

Toq yin xintz'et ri ixoq ri', kan janila xinmey. Roma kan q'abarineq rik'in ri kikik'el ri e janila chi ralk'ual ri Dios ri xerukamisaj, roma xkinimaj ri Jesús.

Apocalipsis 16:6

Roma kan naya' rutojbalil chike ri xekamisan kichin ri awalk'ual y ri e asamajela' ri xeq'alajirisan ri ach'abel. Y kan utz rubanik naben chike chi tikiqumu' kik', roma jari' ri ruk'amon chi nikik'ul, xcha'.

Apocalipsis 13:17

Y man jun k'a chike ri winaqi' ri nitikir ta nuben jun ruloq'oj o jun ruk'ayij wi xa maneq retal. Y ri etal ri' kan ja ri rubi' ri nabey chikop o ri rajlabal ri nuk'exewachuj.

Apocalipsis 13:15

Ri ruka'n chikop xjach k'a uchuq'a' pa ruq'a' richin tuya' ruk'aslen ri ruwachibel ri nabey chikop, richin chi ri wachibel ri' tich'on y tutaqa' kikamisaxik ri man yeya'on ta ruq'ij.

Judas 1:16

Keri' chuqa' ri itzel taq tijonela' ri ek'o chi'ikojol, yexebexot k'a chirij ronojel. Kan xaxe k'a nikisujula-ki', y xaxe ri itzel taq rayinik ri k'o kik'in. Rije' yekibila' k'a chuqa' ch'abel richin nikinimirisaj-ki'. Yekinimirisaj k'a ch'aqa' chik winaqi', xaxe richin yech'akon kan chikij.

2 Pedro 3:3

Y ri nabey ri ninwajo' ninnataj chiwe, chi xkepe winaqi' chupan ri ruk'isibel taq q'ij, ri xa kan xaxe ri nikirayij rije' ri xtikiben. Y rije' xa kan xketze'en chiwij,

Santiago 2:6

Man rik'in ri', rix xa iqasan kiq'ij ri winaqi' ri man jun ok k'o kik'in. ¿Kan man noqaqa ta k'a chi'ik'u'x chi xa ja ri beyoma' ri yeya'on iwichin pa k'ayew? ¿Man noqaqa ta chi'ik'u'x chi xa ja chuqa' rije' ri yixqiriren-apo pa taq q'atbel-tzij richin nikiq'abaj tzij chiwij?

Tito 2:3

Ke'atijoj chuqa' ri rijita'q taq ixoqi' chi nikik'uaj ta jun utzilej k'aslen ri niqa' chuwech ri Dios. Man ta e yakol-tzij chikij winaqi', man ta yeq'aber, y nikik'ut ta jun utzilej k'aslen chikiwech ri ch'aqa' chik.

Tito 1:8

Nik'atzin chuqa' chi kan jebel yeruk'ul-apo ri ye'apon pa rachoch, chi beneq ránima chubanik ri utz, nuq'et-ri' chubanik ri etzelal, ruk'uan jun k'aslen choj y loq'olej y man nuya' q'ij chire ri mak.

1 Tesalonicenses 4:8

Y wi k'o jun ri chi'ikojol ri xa man nrak'axaj ta ronojel ri xqabij yan qa chiwe, man ja ta roj o jun ta chik wineq ri nretzelaj ri ruch'abel. Xa kan nretzelaj ri ruch'abel ri Dios, ri xya'on-pe ri Loq'olej Espíritu qik'in.

1 Corintios 7:9

Jak'a wi man nikikoch' ta, más ta utz yek'ule'. Roma más utz yek'ule' ke chuwech xaxe ri kirayibel ri nikiquqa'.

1 Corintios 7:5

Roma ri' ri k'ulan taq winaqi' man tikiq'et-ki' chi e ka'i'. Jak'a wi rije' nikajo' yech'on rik'in ri Dios, utz chi nikiya' chikiwech chi nikiq'et-ki' chire ri kirayibel richin jun ka'i-oxi' q'ij. Jak'a man utz ta chi richin k'iy q'ij nikiben keri', roma rik'in juba' ri Satanás nuya' pa kich'obonik richin nibekikanoj jun chik.

San Juan 6:70

Jari' toq ri Jesús xubij: Stape' ja yin ri xicha'on iwichin rix ri ix kablajuj, jak'a kan k'o jun achi'el ri Itzel-Wineq xk'ulun chi'ikojol, xcha'.

San Lucas 16:14

Toq ri fariseo xkak'axaj k'a ri xubij ri Jesús, xa xkiyojobej, roma rije' kan beneq kánima chirij ri beyomel.

San Lucas 10:16

Jak'a rix nutijoxela', achike k'a wineq ri xkixruk'ul jebel richin nrak'axaj ri ich'abel, kan ja chuqa' yin ri yiruk'ul. Y ri achike k'a chuqa' ri xkixetzelan kan, ja chuqa' yin ri yiretzelaj. Y ri netzelan wichin yin, kan ja chuqa' ri Dios ri taqayon-pe wichin ri nretzelaj, xcha' el ri Jesús.

Wuj Richin ri Isaías 60:14

Kan janila xtikiqasaj-ki' chiwech ri winaqi' ri xetz'ilon iwichin, y konojel k'a ri xe'etzelan iwichin kan xkexuke' chiwech. Kan xtikibij chi ri itinamit Sión jari' ri nutinamit yin, ri in loq'olej richin ri Israel.

Wuj Richin ri Isaías 53:3

Kan xetzelex k'a, y kan man jun rejqalen xkiben ri winaqi' chire. Rija' jun achin ri kan janila xq'axomer, y kan xuk'owisaj ruk'ayewal. Kan man jun xjoyowan ta ruwech, y kan man jun xpoqonan ta richin, y roj xqapiskolij ri qapalej richin man xqatzu' ta.

Wuj Richin Bix Chire ri Dios 22:6

Jak'a yin xa kan man in wineq ta chik chikiwech ri ch'aqa' chik. Xa kan in achi'el chik k'a jun jut chikiwech. Y kan in ketzelan k'a ri winaqi' richin ri tinamit.

Wuj Richin ri Rutikeribel 49:7

Kan tiqaqa-wi k'a itzel pa kiwi' roma ri koyowal, roma ri koyowal kan nik'uxun, ri etzelal ri k'o pa kánima, kan maneq juba' joyowanik chupan; roma ri' kan xkenwelesaj k'a el chikikojol ri walk'ual yin, Jacob, kan xkentaluj k'a el chikiwech ri walk'ual yin, Israel, xcha'.

2 Pedro 2:19

Nikisuj isq'openri'il, stape' ri tijonela' ri' e ximil chupan ri itzel taq kibanobal, roma xa e qajineq pa ruq'a' ri etzelal.

Wuj Richin Bix Chire ri Dios 15:4

ri nretzelaj ri kan ruk'amon richin netzelex, ri nuya' rejqalen ri niya'on ruq'ij ri Jehová; ri kan nuya' ri nusuj, stape' nik'oje' pa k'ayew rija';

Romanos 1:29

Kan konojel yekibanala' ri man pa ruchojmilal ta, nikibanala' etzelal chike ri ch'aqa' chik, nikirayij ri k'o rik'in jun chik, k'iy etzelal nikirayij nikiben chike ri ch'aqa'. Janila ch'upun-k'u'x ri k'o kik'in, yekamisan, nikiben oyowal, yeq'olon, yekamulun-tzij,