2 Timoteo 3:17 - Kaqchiquel Bible

¹⁷ Richin chi ri rusamajel ri Dios kan ta tz'aqet. Roma ronojel ri' nik'atzin richin chi kan nitikir nuben ronojel ri utzilej samaj.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Chin keriꞌ, ri ndibꞌanun rusamaj ri Dios kin runabꞌan riꞌ chin ndubꞌen ri samaj riꞌ, y kin ta kꞌo nojel rikꞌin ri ndikꞌatzin chin nditiker ndubꞌen nojel ruwech utzulej samaj.

Kaqchikel Santa Maria de Jesus

¹⁷ Chi quireꞌ ri i-rusamajiel ri Dios, can otz ticꞌujieꞌ quinoꞌj riqꞌuin ri i-tzꞌibꞌan can. Chi quireꞌ i-preparados chi niquiꞌan nojiel utzulaj samaj.

Kaqchikel Central Guatemala

¹⁷ Richin chi ri rusamajela' ri Dios can ta e tz'akatinek. Roma ronojel ri' nic'atzin chique richin chi can yetiquir niquiben ronojel ri utzilej samaj.

Re C'ac'a Testamento pa Kach'abal

¹⁷ Roma yoj re yoj rusamajela' re Dios ja re ruch'abal re nibano chaka che yoj tz'akat, y can yojtiquir nakaban ronojel re utzulaj samaj.

Kaqchikel Western Solola

¹⁷ Rumari' ri tz'ibatal ca nic'atzin chi netamex cuma quinojel ri ye rusamajel ri Dios riche (rixin) chi queri' nic'oje' jun na'oj tz'aket quiq'ui riche (rixin) chi yecowin niquiben ronojel ruwech utzil.

2 Timoteo 3:17 ပူးပေါင်းရင်းမြစ်များ

Efesios 2:10

Ja ri Dios xbanon qichin roj, y xuben chiqe chi junan qawech rik'in ri Cristo, richin niqaben banobel ri kan e utz, roma jari' ri runaban-pe chiqe ojer yan ri' richin niqaben.

2 Timoteo 2:21

Keri' chuqa' ri ralk'ual ri Dios, wi nucher-pe-ri' rik'in ri etzelal, kan xtok achi'el ri samajibel ri k'o rejqalen, loq'olej y runaban ri' richin nuben ronojel ruwech utzilej samaj.

2 Corintios 9:8

Wi keri', kan janila k'a k'iy ri utzil ri xtik'ul pa ruq'a' ri Dios ri janila uchuq'a' k'o rik'in, richin nuya' k'iy chiwe. Keri' kan jantape' k'o ri nikusaj y k'o chuqa' richin ye'itobej ri ch'aqa' chik, richin ye'ibanala' utzilej taq banobel.

1 Timoteo 6:11

Jak'a rat, Timoteo, ri at rusamajel ri Dios, katanimej chuwech ronojel re'; kan tatija' aq'ij nak'uaj jun k'aslen choj, jantape' tabana' ri niqa' chuwech ri Dios, kan takuquba' ak'u'x rik'in ri Cristo, katajowan, kakoch'on y tak'uaj jun k'aslen ch'uch'uj.

Hebreos 10:24

Y tiqakanoj k'a achike rubanik niqaben richin niqatola-qi' qonojel, richin niqetamaj yojajowan, y más ta niqarayij niqaben ri utzilej taq banobel.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Hechos 9:36

Chupan ri tinamit Jope, ri q'ij ri' k'o k'a jun qach'alal ixoq rubini'an Tabitá, y Dorcas*f23* nibix chire ri pa ch'abel griego. Re ixoq k'a re' janila jebel kik'in ri winaqi', y rija' yerutola' k'a ri winaqi' ri man jun k'o kik'in.

Tito 3:1

Kan tabij k'a chike ri qach'alal chi nikinimaj ta kitzij ri q'atoy taq tzij. Kan nikiben ta k'a ri nibix chike, y kan chi'anin ta nikiben ronojel ruwech utzilej taq samaj,

Wuj Richin ri Nehemías 2:18

Jari' toq xinq'alajirisaj chike chi ri qa-Dios kan janila rutzil ruya'on pa nuwi', y keri' chuqa' ri ch'abel ri rubin-pe ri rey Artajerjes chuwe. Y toq rije' xkak'axaj re ch'abel re', jari' toq xkibij chi yeyakatej richin nikipaba-q'anej. Y keri' xkitun ri kuchuq'a' richin xkiben ri samaj ri'.

Tito 1:16

Nikibij chi ketaman ruwech ri Dios, jak'a kan niq'alajin chi man qitzij ta, roma ri itzel ri nikiben. Rije' itzel yekitz'et konojel, y man yeniman ta tzij. Chuqa' man jun utz ri yetikir nikiben.

Hebreos 13:21

xtuya' ta k'a ronojel rutzil chiwe, y xkixtikir ta xtiben ri utzilej taq banobel richin niben ri rurayibel rija'. Y nuben ta qik'in roj ri niqa' chuwech rija' rik'in ri rusamaj ri Jesucristo ri ruk'amon chi nuk'ul ruq'ij-ruk'ojlen richin jantape'. Keri' ta k'a.