2 Timoteo 3:12 - Kaqchiquel Bible

¹² Y kan qitzij, chi konojel ri jun kibanon rik'in ri Cristo y nikajo' nikik'uaj jun k'aslen utz chuwech ri Dios, kan xtikitej poqon pa kiq'a' ch'aqa' chik.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Y qetzij wi, konojel ri xe jun kibꞌanun rikꞌin ri Cristo Jesús y ndikajoꞌ ndikikꞌuaj jun utzulej kꞌaslen chuwech ri Dios, kin ngetzeqlebꞌex chin ndibꞌan itzel chake.

Kaqchikel Santa Maria de Jesus

¹² Y can ketzij chi quinojiel ri nicajoꞌ niquicꞌuaj jun cꞌaslien ri nika choch ri Jesucristo, can xtiquiꞌan sufrir pa quikꞌaꞌ nicꞌaj chic.

Kaqchikel Central Guatemala

¹² Y kitzij na vi, conojel ri jun quibanon riq'uin ri Cristo Jesús y nicajo' niquic'uaj jun c'aslen utz chuvech ri Dios, can xtiquitej pokon pa quik'a' ch'aka' chic.

Re C'ac'a Testamento pa Kach'abal

¹² Y can katzij-va, conojel re jun quibanon riq'uin re Cristo Jesús y niquijo' niquic'uaj jun c'aslen otz chach re Dios, can xtiquitaj pokan pa quik'a' re nic'aj chic.

Kaqchikel Western Solola

¹² Y kas kitzij na wi, quinojel c'a ri ye'ajowan niquic'uaj jun utzilaj c'aslen ri nika chuwech ri Cristo Jesús, can xtiquik'axaj q'uiy tijoj pokonal pa quik'a' ri winek.

2 Timoteo 3:12 ပူးပေါင်းရင်းမြစ်များ

1 Pedro 3:14

Y wi roma ri chojmilej ik'aslen, rix niwil poqon, jebel ruwa-iq'ij. Y roma ri' man tixibij-iwi' chikiwech ri yebanon keri' chiwe. Ni man tisach ik'u'x.

Hechos 14:22

Ri tinamit ri xebeq'ax-wi-pe, xkikuqubala' k'a kan kik'u'x ri qach'alal, y xkibila' kan chike chi tikuqer kik'u'x rik'in ri Jesucristo. Nikibila' k'a chi rik'in tijoj-poqonal ye'ok pa rajawaren ri Dios.

San Mateo 16:24

K'ari' xubij k'a chike konojel ri rutijoxela': Wi k'o jun nrajo' nitzeqeliben wichin, tuqasaj-ri', man tupoqonaj-ri' richin nuk'owisaj tijoj-poqonal y kirutzeqelibej.

San Juan 16:2

Xkixoqotex k'a pe ri chiri' pa taq jay akuchi nimol-wi-iwi' richin niwak'axaj ri ruch'abel ri Dios. Y kan xtapon-wi k'a chuqa' ri q'ij toq ri winaqi' xtikich'ob chi rusamaj ri Dios nikiben rije' toq yixkikamisaj.

San Juan 16:33

Ronojel k'a re', kan ninq'alajirisaj yan kan chiwe, richin chi kan k'o ta k'a ri uxlanen pa taq iwánima roma rix itunun chik iwi' wik'in. Y ninbij k'a chuqa' kan chiwe, chi kan xtiwil-wi tijoj-poqonal. Jak'a yin xich'akon yan chirij ri Itzel-Wineq ri chapayon richin re ruwach'ulew. Roma ri' kan tikuquba' ik'u'x iwik'in, xcha'.

Marcos 10:30

ri wineq ri' kan xtuk'ul yan k'a, wok'al más rachoch re wakami ke chuwech ri rubanon-pe; keri' chuqa' ruya'on kan rach'alal, rute', ralk'ual o rulew. Stape' ronojel re' kan rik'in wi k'a tijoj-poqonal nuk'ul roma tzeqelibey wichin yin, jak'a ri chiqawech-apo, kan xtuk'ul k'a ri ruk'aslen richin q'asen.

Tito 2:12

Y ri ch'abel ri' chuqa' nuk'ut chiqawech chi niqaya' ta kan rubanik ronojel ri man niqa' ta chuwech ri Dios y ronojel ri itzel taq rayinik richin re ruwach'ulew. Tiqaq'ata-qi' chubanik ri man ruk'amon ta, y tiqak'uaj jun k'aslen choj, jun k'aslen ri niqa' chuwech ri Dios.

2 Pedro 3:11

Roma k'a ronojel ri' rix yalan nik'atzin chi kan nik'uaj jun loq'olej k'aslen ri kan niqa' chuwech ri Dios,

1 Corintios 15:19

Y wi ri oyobenri'il rik'in ri Cristo xaxe ta richin ri k'aslen chuwech re ruwach'ulew, kan ruk'amon ta chi más nijoyowex qawech roj ke chikiwech konojel ri winaqi'.

Apocalipsis 12:4

Y re itzel chikop re', xaxe k'a rik'in ri rujey xerumes-pe jun chire ri oxi' chike ri ch'umila' ri ek'o chikaj, y xeruk'eq k'a pa ruwi' ri ruwach'ulew. K'ari' xbek'oje-apo chuwech ri ixoq ri nik'oje' yan ral. Ruchajin-apo jampe' xtik'oje' ri ak'ual, richin nutej-el.

Apocalipsis 7:14

Y yin xinbij k'a chire: Ja rat ri at etamayon e achike chi winaqi' la', xicha'. K'ari' rija' xubij chuwe: Jere' ri e eleneq chik pe chupan ri nimalej tijoj-poqonal, y kich'ajon chik ri kitziaq y kisaqirisan chik rik'in ri rukik'el ri Karne'l.

Tito 1:1

Yin Pablo, jun rusamajel ri Dios y jun taqon roma ri Jesucristo. Ri Dios xiruteq chikito'ik ri e cha'on roma rija', richin nikikuquba' más kik'u'x rik'in y niketamaj ta jebel ri qitzij, ri yojruk'uaj chupan ri utzilej k'aslen ri nrajo' ri Dios.

1 Timoteo 6:3

Y wi k'o jun, ri nuya' tijonik ri man junan ta rik'in ri utzilej tijonik ri ruk'amon-pe ri qajaw Jesucristo, y man junan ta rik'in ri tijonik ri nuk'en-pe ri k'aslen utz chuwech ri Dios,

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

1 Timoteo 2:2

Tiqak'utuj k'a chire ri Dios chi keruto' ri rey, y chuqa' ri ch'aqa' chik q'atoy taq tzij, richin keri' xqojk'ase' rik'in ch'uch'ujil, y man ta k'o q'axomal xtiqak'owisaj, richin xtiqaya' ruq'ij-ruk'ojlen ri Dios.

2 Corintios 1:12

Ri kikoten ri k'o qik'in roj wakami, kan roma qetaman chi ri qabanobal kan rik'in wi ch'ajch'oj qánima yeqaben, y kan qitzij wi chuwech ri Dios. Man qana'oj ta k'a roj ri niqakusaj, xa kan ja ri na'oj ri qak'ulun rik'in ri Dios. Kan keri' ri qak'aslen ri qak'utun chikiwech ri ek'o chuwech re ruwach'ulew, y más chiwech rix.

San Juan 17:14

Rije' kan nuya'on-wi k'a ri ach'abel chike. Jak'a ri winaqi' ri k'a kikuquban na kik'u'x rik'in re ruwach'ulew xeketzelaj, roma rije' man e richin ta chik re ruwach'ulew, achi'el yin man in richin ta re ruwach'ulew.

San Mateo 23:34

Roma ri' yin jare' ink'o chik richin yenteq-el chi'ikojol: Ri yeq'alajirisan ruch'abel ri Dios, winaqi' ri k'o janila kina'oj y chuqa' tijonela'. Jak'a rix ek'o k'a chike rije' ri xke'ibajij chuwech cruz, y ek'o ri xke'ikamisaj. Ek'o k'a la' xke'ich'ey ri chiri' pa taq jay richin molojri'il, akuchi nikak'axaj ri ruch'abel ri Dios. Chuqa' jujun chike rije' xke'iwoqotaj y xke'itzeqelibej-el pa taq tinamit.

Wuj Richin ri Josúe 17:14

Ri e rijatzul kan ri José xkibij k'a chire ri Josué: ¿Achike k'a roma xaxe jun sakinik ri xaya' chiqe roj richin xqichinaj kan juba' ok qulew, man natz'et ta chi roj xa kan oj jun tinamit ri yalan nim, roma ri Jehová ruya'on urtisanik pa qawi' k'a re q'ij re'?, xecha'.

2 Corintios 4:9

Xabakuchi k'a yojapon-wi, ri winaqi' man utz ta yojkitz'et, jak'a man jun bey qayon ta ojk'o. kan oj qajineq chuqa' pa kiq'a', jak'a man e tikirineq ta oj kikamisan.