2 Timoteo 2:20 - Kaqchiquel Bible

²⁰ Chupan jun nimalej jay man xaxe ta samajibel, ri e banon rik'in q'anapueq y saqipueq ri ek'o; xa kan ek'o chuqa' ri e banon rik'in che' y rik'in ulew. Ri ch'aqa' ye'ukusex xaxe richin nimaq'ij y ri ch'aqa' chik richin ye'ukusex ronojel q'ij.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Pa jun nimalej achoch, ma xe ta bꞌambꞌel bꞌanun chare qꞌanapueq y saqipueq ekꞌo, xa kin ekꞌo chuqaꞌ bꞌambꞌel ebꞌanun chare cheꞌ y chare chꞌabꞌeq. Ekꞌo bꞌambꞌel ngekusex chin ndiyoꞌox achikejeꞌ ri santienta keqalen chikipan y ekꞌo bꞌambꞌel ri ngekusex chin ndiyoꞌox achikejeꞌ ri ma kꞌiy ta keqalen chikipan.

Kaqchikel Santa Maria de Jesus

²⁰ Chupan jun nem jay qꞌuiy trastos icꞌo. Icꞌo ri i-bꞌanun cha oro, ri i-bꞌanun cha plata, ri i-bꞌanun cha chieꞌ, y ri i-bꞌanun cha barro. Icꞌo ncaꞌcusas richin kax otz, y icꞌo ncaꞌcusas richin kax ri man otz ta.

Kaqchikel Central Guatemala

²⁰ Chupan c'a jun nimalej jay q'uiy lek, bojo'y y yaconabel ec'o. Ec'o ri e banon riq'uin k'anapuek, ec'o ri e banon riq'uin sakipuek, ec'o ri e banon riq'uin che', y riq'uin ulef. Ec'o ri nima'k quejkalen, y ec'o chuka' ri man nima'k ta quejkalen.

Re C'ac'a Testamento pa Kach'abal

²⁰ Chupan jun nema-jay q'uiy cosas jec'o. Jec'o cosas re je'banalon cha k'anapuak, jec'o cosas re je'banalon cha sakapuak, jec'o re je'banalon cha che' y jec'o re je'banalon cha ulef. Jec'o re más otz y c'aja tak ye'oc c'ajare' ye'belisas-pa chin ye'cusas, y c'o re nojel tiempo ye'cusas.

Kaqchikel Western Solola

²⁰ Chupan c'a jun nimalaj jay q'uiy ruwech lek y bojo'y yec'o. Yec'o ri ye banon riq'ui k'anapuek, yec'o ri ye banon riq'ui sakapuek, yec'o ri ye banon riq'ui che', y yec'o ri ye banon riq'ui ulef. Yec'o ri ye'ucusex chare ri cosas nima'k quejkalen, y yec'o chuka' ri ye'ucusex chare ri ma can ta c'o quejkalen.

2 Timoteo 2:20 ပူးပေါင်းရင်းမြစ်များ

1 Pedro 2:5

Y roma ixk'o rik'in ri Jesucristo, rix chuqa' ix achi'el abej ri k'o ik'aslen, ri yixukusex richin nipabex-q'anej ri rachoch ri Dios. Y kan ix loq'olej sacerdote, richin nisuj sipanik ri kan niqa' chuwech, pa rubi' ri Jesucristo.

1 Timoteo 3:15

roma man jani wetaman ta wi xkitikir xkinapon chi'anin yan. Y ninwajo' chi nawetamaj ri achike chi k'aslen ri k'o chi nikik'uaj ri molaj qach'alal ri e ralk'ual chik ri k'aslik Dios ri etemeyon ri qitzij tijonik achi'el ri ruxe' y xata't richin jun jay.

1 Corintios 3:9

Roma qachibil-qi' pa rusamaj ri Dios, y rix ix achi'el rulew ri Dios ri kan nusamajij-wi. Chuqa' kan ix achi'el jun jay ri nuben ri Dios.

Wuj Richin ri K'uxla'anik 4:2

Ri nuwinaq richin ri tinamit Sión kan janila xya'ox kejqalen. Xk'oje' kejqalen achi'el rejqalen ri q'anapueq. Jak'a re wakami xa maneq chik kejqalen, achi'el niban chire jun bojo'y ri xa banon rik'in xeq-ulew roma jun wineq.

Wuj Richin ri Esdras 6:5

Y pa ruwi' ronojel ri samajibel ri banon rik'in q'anapueq y saqipueq richin ri jay ri', ri xeruk'en-pe ri Nabucodonosor pa Jerusalem y xeruk'uaj pa Babilonia, nik'atzin chi yetzolix pa Jerusalem. Y keya'ox pa ruk'ojelibal pa rachoch ri Dios, nubij chupan ri wuj.

Efesios 2:22

Rik'in rija', rix beneq-q'anej ik'iyinen junan kik'in konojel ri ch'aqa' chik ralk'ual ri Dios achi'el jun jay, richin yixok ri akuchi nik'ase' wi ri Espíritu richin ri Dios.

2 Corintios 4:7

Ri ruwaq'ijaj ri ruya'on-pe ri Dios chiqe, kan jun beyomel-wi, jak'a roj ri oj rukusan xa maneq ok qejqalen. Xa oj junan ok rik'in jun ulew leq, y re' richin chi tiq'alajin chi ri nimalej uchuq'a' ri k'o qik'in, rik'in ri Dios peteneq-wi y xa man qik'in ta roj.

Wuj Richin ri Esdras 1:6

Y konojel k'a ri ek'o chikinaqaj kan janila xekito-el. Xkiya' k'a el saqipueq, q'anapueq y ri achike nik'atzin chike, y xekiya' chuqa-el kawej y jebelej taq k'ojelibel chike.

Dn 5:2

Ri rey Belsasar, roma ri ruq'abarik ri kan xik'o ruwi' ri xuben, kan xuteq k'a ruk'amik ri qumbel ri e banon rik'in q'anapueq y saqipueq ri e ruk'amon-pe ri Nabucodonosor chupan ri rachoch ri Dios ri k'o pa Jerusalem, toq rija' xq'aton-tzij. Kan xebek'amer k'a pe ri qumbel ri', y ri Belsasar xuqum vino chupan, e rachibilan ri e rixjayilal, ri e ru-concubina y ri achi'a' ri k'o kiq'ij.

Ex 27:3

Ronojel ri xke'ukusex chire ri porobel, k'o chi yeban rik'in ri q'enq'oj-pueq, achi'el ri k'ulbel-chaj, ri chapbel-q'aq', ri chapbel-ti'ij, ri nima'q taq leq, ri jik'bel-ti'ij y ri akuchi nik'oje-wi ri racheq-q'aq'.

San Juan 8:49

Jak'a ri Jesús xubij chike: Yin man jun itzel espíritu ri k'o ta wik'in. Yin kan ja ri nata' ri ninya' ruq'ij, jak'a rix xa man niya' ta nuq'ij.

Romanos 9:20

Jak'a man yojtikir ta niqabij chire ri Dios*f22* chi man utz ta ri nuben chiqe. Jun bojo'y man nubij ta chire ri banoy richin: ¿Achike roma ja nubanikil re' ri naben chuwe? Man nicha' ta chire.