2 Timoteo 2:19 - Kaqchiquel Bible

¹⁹ Jak'a roj ri qakuquban qak'u'x rik'in ri Dios, rija' rubanon chiqe achi'el jun jay ri yalan utz ri ruxe'. Y chuwech ri ruxe' ri' tz'ibatajineq chik kan chi ri Dios retaman kiwech ri e richin chik rija', y chuqa' chi konojel ri e richin chik rija', tikich'ara-pe-ki' chire ri etzelal.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Pero roj ri kuqul qakꞌuꞌx rikꞌin ri Dios, rubꞌanun chaqe achel jun jay ri jabꞌel utz ri ruxeꞌ. Y chirij ri ruxeꞌ, tzꞌibꞌan kan chi ri Ajaw retaman kiwech ri erichin rijaꞌ. Y tzꞌibꞌan chuqaꞌ chi konojel ri ngebꞌiꞌin chi ja ri Ajaw ri kikolonel, tikiyaꞌ kan rubꞌanik ri ma utz ta.

Kaqchikel Santa Maria de Jesus

¹⁹ Pero ri Dios rubꞌanun cꞌa chika ojreꞌ ri kacukubꞌan kacꞌuꞌx riqꞌuin ri Jesucristo incheꞌl ru-cimiento jun jay ri otz bꞌanun cha. Y paroꞌ ri cimiento reꞌ, nuꞌej: Ri Ajaf rataꞌn quivach ri i-richin chic jajaꞌ. Y quinojiel ri ncaꞌyoꞌn rukꞌij ri rubꞌeꞌ ri Ajaf, caꞌiel-el chupan ri itziel tak kax.

Kaqchikel Central Guatemala

¹⁹ Jac'a roj ri kacukuban kac'u'x riq'uin ri Dios, rija' rubanon chike achi'el jun jay ri yalan utz ri ru-cimiento. Y pa ruvi' ri rutiquiribel ri jay ri' tz'ibatajinek chic can chi ri Ajaf retaman quivech ri e richin chic rija'. Y chuka' tz'ibatajinek chiri', chi conojel ri quiniman ri Ajaf, tiquich'ara-pe-qui' chire ri etzelal.

Re C'ac'a Testamento pa Kach'abal

¹⁹ Jac'a yoj re kabanon confiar-ki' riq'uin re Dios, reja' rubanon chaka ancha'l jun jay re otz ru-cimiento. Y pa rue' re cimiento re' tz'iban can che re Ajaf rutaman quivach re je richin chic reja'. Y chuka' tz'iban chire', che conojel re quiniman re Ajaf, tiquiya' can ronojel re etzelal chin re ruch'ulef.

Kaqchikel Western Solola

¹⁹ Yac'a ri Dios rubanon c'a chake riyoj ri kacukuban kac'u'x riq'ui ri Jesucristo achi'el jun cimiento ri cof c'o, y tz'ibatajnek jun tzij chuwech ri nubij: Ri Ajaf retaman quiwech ri ye riche (rixin) chic Riya'. Y chuka' nubij chi que'el pe chupan ri etzelal quinojel ri yeya'o ruk'ij ri rubi' ri Ajaf.

2 Timoteo 2:19 ပူးပေါင်းရင်းမြစ်များ

San Juan 10:14

Ja yin k'a ri utzilej yuq'unel y wetaman kiwech ri kan e wichin yin, y rije' kan ketaman k'a chuqa' nuwech.

1 Corintios 8:3

Jak'a wi k'o jun ri qitzij nrajo' ri Dios, niq'alajin chi kan richin chik, y ri Dios retaman chik ruwech.

Wuj Richin ri Nahum 1:7

Ri Jehová kan janila utz; rija' kan jun tobel chupan ri q'ij toq k'o q'axomal. Kan yeruto' ri kikuquban kik'u'x rik'in.

Wuj Richin ri Q'axanri'il 16:5

Y k'ari' xubij chire ri Coré y chike konojel ri e tzeqelibeyon richin: Ri chua'q nimaq'a' yan ri Jehová xtuq'alajirisaj ri achike ri kan qitzij ruch'aron richin nok sacerdote. Rija' kan xtroyoj k'a apo chunaqaj ri rachoch. Y ri xtucha' y xtroyoj ri Jehová, kan xtuben k'a chire chi xtijel-apo rik'in, xcha'.

San Lucas 13:27

Jak'a ri rajaw jay xtubij-pe chiwe: Xinbij yan chiwe chi man wetaman ta akuchi kixpe-wi. Kan tich'ara' k'a el iwi' wik'in yin, rix ri ix banoy-etzelal, xticha' ri ajaw.

Gálatas 4:9

Jak'a re wakami, kan iwetaman chik ruwech ri Dios. O más utz ninbij chi ja ri Dios ri etamayon chik iwech rix. ¿Achike k'a roma toq rix niwajo' chik nisamajij ri jalajoj ruwech pixa' richin ri ruwach'ulew?

Apocalipsis 3:8

Yin wetaman ronojel ri ibanobal, roma ri' kan nujaqon jun ruchi-jay chiwech, ri man jun nitikir nitz'apen. Stape' juba' ok iwuchuq'a' k'o, kan ninimaj ri nubij ri nuch'abel y man jun bey iwewan chi iniman ri nubi'.

Apocalipsis 22:4

Kan xtikitz'et k'a ruwech ri Dios y chuqa' xtikik'uaj ri rubi' ri Karne'l, nik'aj-kiwech.

Efesios 4:30

Man tiqaya' pa bis ri Loq'olej Espíritu, roma rija' kan k'o pa taq qánima, y roma k'o qik'in nel chi tzij chi kan xqojkolotej-wi-el, chupan ri q'ij toq ri Jesucristo xtipe chiqak'amik.

1 Corintios 1:2

ninben-el re wuj re' chiwe rix molaj qach'alal ri ixk'o pa tinamit Corinto, ri ix oyon richin yixok loq'olej roma ri rusamaj ri Cristo. Rix wach'alal xixoyox roma ri Dios richin xixch'ajch'ojirisex, achi'el xuben kik'in ri ch'aqa' chik ri nikiya' ruq'ij ri qajaw Jesucristo ri ek'o pa ch'aqa' chik tinamit. Kan ja rija' k'a ri qajaw qonojel roj ri qakuquban qak'u'x rik'in.

Wuj Richin ri Isaías 28:16

Roma ri' ri Jehová nubij: Kan xtinya' chiri' pa Sión jun abej ri cha'on y janila rejqalen. Ja abej ri' ri xtok k'atzinel chire ri ruxe' ri jay. y xtitike' kan jebel. Y xabachike k'a ri rukuquban ruk'u'x rik'in, kan man jun xtiberuk'uluwachij.

2 Pedro 3:14

Roma ri' wach'alal ri iwoyoben ronojel re', titija' k'a iq'ij chi toq xtipe ri Jesús, ch'ajch'oj ta ri ik'aslen, man jun ta chuqa' imak yixorila-qa, y k'o ta chuqa' uxlanen pa taq iwánima.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

Apocalipsis 2:13

Yin wetaman chi ri akuchi ixk'o-wi, chiri' k'o-wi ri rutz'uyubal ri Satanás. Y man rik'in ri', kan ikuquban ik'u'x wik'in y man in imalin ta kan, stape' xitz'et chi ri Antipas ri xutzijoj ri nuch'abel xkamisex chiri' akuchi k'o-wi rachoch ri Satanás.

Wuj Richin Bix Chire ri Dios 1:6

Roma ri Jehová retaman rubeyal ri kik'aslen ri e choj, jak'a ri rubeyal ri kik'aslen ri e banoy etzelal xa kan xtik'is.

San Mateo 7:23

Jari' toq yin xtinq'alajirisaj chike: Yin kan man jun bey k'a xinwetamaj iwech. Kixel-el re wawe', rix xa ix banoy taq etzelal, xkicha' chike.

Efesios 3:15

Y qonojel roj ri ojk'o chuwech re ruwach'ulew y ri aj-chikajil kan xqak'ul yan ri qitzij k'aslen roma rija'.

Wuj Richin Etamabel-Tzij 3:7

Man jun bey tatzu-qa-awi' chi kan k'o-wi ana'oj, xa tik'oje' rukiy ri Dios chawech y xtajech'ej-awi' chuwech ri etzelal.

Wuj Richin Bix Chire ri Dios 37:18

Ri Jehová kan e ruchajin k'a ri choj kik'aslen. Ri kichinan rije' kan man k'isel ta, xa richin q'asen.

Wuj Richin Bix Chire ri Dios 34:14

Tijech'ej-iwi' nej chire ri etzelal, y tibana' ri utz. Tikanoj ri uxlanibel-k'u'x y jari' ri titzeqelibej.

Romanos 15:20

Keri' ninben richin ninq'alajirisaj ri utzilej ch'abel richin kolotajik ri akuchi man ak'axan ta. Richin keri' man ninben ta el jun samaj ri akuchi xa chapon chik el koma ch'aqa' chik.

Hechos 15:17

Y ri ch'aqa' chik winaqi' xkinkikanoj k'a yin; xa kan konojel ri man e judío ta ri e nucha'on chik.

San Mateo 7:25

Xqaqa k'a job, xepe raqen taq ya' y kaq'iq' chirij ri jun jay ri', jak'a ri jay man xtzaq ta, roma ri ruxe' kan chupan ri abej tikil-wi.

1 Juan 2:19

Xek'oje' chiqakojol, jak'a xa xe'el-el roma man e qachibil ta. Wi ta e qachibil, ek'o ta qik'in wakami. Xe'el k'a el qik'in, xaxe richin chi xeq'alajin chi kan man ek'o ta qik'in.

Romanos 12:9

Kan kixajowan k'a rik'in ronojel iwánima. Tiwetzelaj ri man utz ta y tiwojqaj ri utz.

Marcos 13:22

Roma kan ek'o k'a ri xkebek'ulun-pe y xtikibila' chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

Wuj Richin Etamabel-Tzij 10:25

Roma ri' toq nipe ruk'ayewal chirij ri banoy etzelal, jari' ri nuk'uan-el richin, jak'a ri wineq ri choj ruk'aslen, kan ja ri Dios ri kow nichapo richin.

Wuj Richin ri Achin Job 28:28

Roma ri' ri Ajaw kan rubin wi k'a chike ri winaqi': Jun wineq ri kan k'o rukiy ri Dios chuwech, kan q'alaj k'a chi k'o na'oj rik'in, y jun wineq ri kan nuch'er-pe ri' chike ri itzel taq banobel, kan q'alaj k'a chi k'o etamabel rik'in.

Romanos 9:11

Jak'a toq man jani ke'alex, ri Dios xubij*f18* yan chire ri te'ej chi ri nimalaxel xtrilij ri chaq'laxel. Y roma ri xkik'uluwachij kik'in ri ka'i' ak'uala' ri', kan niq'alajin-wi chi ri Dios man xerucha' ta roma ri utzilej kibanobal, o xeretzelaj roma ri kibanobal man utz ta. Jak'a rija' yerucha' ri nrajo' rija'.

Wuj Richin Bix Chire ri Dios 97:10

Ri ye'ajowan richin ri Jehová, kan tiketzelaj k'a ri itzel taq banobel, roma rija' kan yeruchajij ri e ralk'ual rija'. Kan yerukol pa kiq'a' ri e itzel taq winaqi'.

Wuj Richin ri Q'axanri'il 6:27

Y ri Dios xubij chik: Keri' rije' xtikinataj ri nubi' pa ruwi' ri nutinamit Israel y yin kan xtinya' ri urtisanik pa kiwi', xcha'.

1 Timoteo 6:19

Richin keri' nikimol yan ta apo ri beyomel ri xtik'atzin chike ri chikiwech-apo, richin keri' y nikil ta ri k'aslen ri man k'isel ta.

Romanos 8:28

Qetaman chi ronojel ri niqak'owisaj utz nuben chiqe roj ri niqajo' ri Dios, roma xojroyoj rija' richin xojok ralk'ual.

Hechos 9:14

Y re k'o wawe' pa Damasco wakami, kan ya'on k'a chuqa' pe q'atbel-tzij pa ruq'a' koma ri sacerdote richin chi yeruxim-el konojel ri kan nikiya' aq'ij, xcha' ri Ananías.

San Juan 13:18

Kan ninbij k'a chi man chi'iwonojel ta keri' xtiben, roma yin kan wetaman iwech chi'iwonojel ri xixincha'. Y chuqa' ri tz'ibatel kan, k'o k'a chi nibanatej na, roma nubij: Jajun ri wachibil ri kan nutej ruway wik'in, kan xyakatej chuwij, nicha'.*f18*

San Mateo 24:24

Roma kan ek'o k'a ri xkebek'ulun-pe y xtikibila' k'a chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

Wuj Richin Bix Chire ri Dios 112:6

Roma ri' kan man jun bey xtitzaq. Y jantape' xtinatex.

Efesios 2:20

Rix chuqa' ix achi'el jun jay ri paban-q'anej pa ruwi' ri ruxe' ri k'iya'on kan ri e taqon roma ri Cristo, y ri e q'alajirisey ruch'abel ri Dios. Y ri abej ri niya'on ruchuq'a' ri jay ri' ja ri Jesucristo.

Romanos 11:2

Ri Dios man retzelan ta k'a kan ri rutinamit ri e rucha'on-pe ojer: ¿Man iwetaman ta k'a ri nubij chupan ri ruch'abel ri tz'ibatel kan, chirij ri Elías? Rija' xch'on rik'in ri Dios chikij ri ruwinaq judío, y xubij:*f39*

San Lucas 6:48

Rija' junan rik'in ri jun achin ri xupaba' jun rachoch, y xuben-qa ri jul y nej xbe-qa richin ri ruxe' ri jay. Kan pan abej k'a xuk'ot-wi-qa re jul re'. K'ari' xuya' ri ruxe' ri jay, y xuchop k'a samaj. Y toq k'achojineq chik k'a ri jay, xk'iy-pe ri raqen-ya'. Y ri ya' xberila' ri jay rik'in uchuq'a'. Jak'a ri jay man xsilon ta, roma jebel banon chire.

Wuj Richin ri Hageo 2:23

Chupan ri q'ij ri', yin Jehová ri k'o ronojel uchuq'a' wik'in, xkatinjikiba' chi ja rat nusamajel Zorobabel xtaq'et-tzij pa nubi'. Yin Jehová ri k'o ronojel uchuq'a' wik'in kere' ninbij, xcha' ri Dios.

Romanos 15:9

Y xpe chuqa' richin chi ri man e judío ta nikiya' ruq'ij-ruk'ojlen ri Dios roma ri rutzil. Toqaqa chi'ik'u'x ri nubij chupan ri ruch'abel ri Dios, ri tz'ibatel kan:*f52* Roma ri' yin kan xtinya' ruq'ij chikikojol ri winaqi' ri man nikitzeqelibej ta rija'. Y roma ri' kan xtinbixaj k'a ri rubi', nicha'.

Wuj Richin ri Isaías 14:32

Y wi k'o jun taqonel richin ri ruwach'ulew ri' xtapon, man jun itzel xkixtikir xtibij chire. Jak'a ri Jehová xtuyek chik el jun bey ri tinamit Sión, y chiri' k'a xkeruya-wi konojel ri ek'o pa bis richin ri rutinamit.

Apocalipsis 21:14

Y ri ruxe' ri tz'aq ri', kablajuj abej ri ruk'uan ri kibi' ri e kablajuj ri e taqon roma ri Karne'l.

Hebreos 11:10

Ri Abraham xuben keri', roma kan royoben ri jun chik tinamit ri kan jebel jikil ri ruxe' y kan ja ri Dios ri xch'obo y xbanon richin.

San Mateo 28:19

Roma ri' re wakami kan ninbij-wi chiwe chi kixbiyin k'a ronojel ruwach'ulew y tibana' chi ri winaqi' ye'ok ta tzeqelibey wichin. Tiqasaj ya' pa kiwi' pa rubi' ri Dios Tata'ixel, pa nubi' yin ri K'ajolaxel y pa rubi' ri Loq'olej Espíritu.

Wuj Richin ri Zacarías 3:9

Yin Jehová xtinya' jun abej chawech rat Josué. Y chuwech k'a re abej re' ek'o wuqu' wachaj. Y ja yin ri xkitz'iban chuwech ri abej ri'. Xeri', pa jun q'ij xtinwelesaj ronojel ri mak pa ruwi' re jun ruwach'ulew re'.

Apocalipsis 17:8

Ri chikop ri xatz'et, xk'oje' ojer kan y wakami maneq chik. Jak'a xa xtibek'ulun chik pe y xtel-pe chupan ri itzel siwan ri ruyon q'equ'm rupan richin xtibe chupan ri tojbel mak. Y ri janila chi winaqi' ri man xtz'ibex ta kibi' chupan ri wuj richin k'aslen, ri kan pa rutikeribel-pe ri ruwach'ulew, kan xtikimey k'a ri chikop ri xk'oje' ojer kan y xa maneq chik tz'eton, y xa kan xtibek'ulun chik pe jun bey.

Hechos 11:26

Chiri' xek'oje-wi jun juna' kik'in ri molaj qach'alal richin xekitijoj janila chi winaqi' rik'in ri ruch'abel ri Dios. Y chiri' pan Antioquía ri nabey xbix nimanela' chike ri e tzeqelibey richin ri Jesucristo.

Wuj Richin ri Isaías 65:15

Yin xtinben chiwe chi rix xkixken, y ri nusamajela' kan xtikikusaj ri ibi' rix richin nikoyoj itzel. Jak'a rije' xtinya' jun k'ak'a' kibi'.

Wuj Richin ri Isaías 63:19

Kan qitzij, roj xa qabanon achi'el xa ta man jun bey aq'aton-tzij pa qawi', y achi'el xa ta man jun bey qak'uan ri abi'.

Ez 9:4

Y xubij chire chi tibe chukojol ri tinamit y tuya' ketal nik'aj-kiwech ri winaqi' ri yebison y yejilon, roma ri itzel taq banobel ri yekiben ch'aqa' chik winaqi' chiri', ri kan nrixowaj rija'.

San Juan 3:33

Ri wineq k'a ri niniman ri nuq'alajirisaj ri jun ri peteneq chila' chikaj, kan nuq'alajirisaj k'a chi ri Dios kan qitzij wi.

1 Timoteo 3:15

roma man jani wetaman ta wi xkitikir xkinapon chi'anin yan. Y ninwajo' chi nawetamaj ri achike chi k'aslen ri k'o chi nikik'uaj ri molaj qach'alal ri e ralk'ual chik ri k'aslik Dios ri etemeyon ri qitzij tijonik achi'el ri ruxe' y xata't richin jun jay.

Marcos 12:16

Rije' xbekik'ama' k'a pe ri saqipueq richin nikik'ut chuwech. K'ari' rija' xuk'utuj chike: ¿Achoq wachibel la'? ¿Achoq bi'aj la k'o chuwech la méro?, xcha'. Y rije' xkibij chi richin ri rey César.