2 Timoteo 1:9 - Kaqchiquel Bible

⁹ Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Ri Dios xojrukal, y xojroyoj chin ndiqakꞌuaj jun chꞌajchꞌaj kꞌaslen. Rijaꞌ xojroyoj ma roma ta chi kꞌo utz qabꞌanun. Xa kin roma ri nimalej ru-favor rijaꞌ, y roma chuqaꞌ keriꞌ runojin pe xe pa nabꞌey atoq kꞌajani tubꞌen ri rochꞌulew. Xe jampeꞌ atoq riꞌ runojin chi nduyaꞌ ru-favor chaqe roj ri xe jun qabꞌanun rikꞌin ri Cristo Jesús.

Kaqchikel Santa Maria de Jesus

⁹ Ri Dios xojrucol chupan ri ka-pecados, y xojrayuoj chi nakucꞌuaj jun sak cꞌaslien. Y nojiel ri xuꞌon man ruma ta chi cꞌo otz i-kabꞌanun, xa ruma ri ru-favor, y ruma jeꞌ quireꞌ ranun-pa pensar chikij ojier can tiempo antok majaꞌ cꞌo ri roch-ulief. Ri Dios can ranun-pa pensar chi nutak-pa ri Jesucristo chi nuꞌon ri favor chika chi nkojrucol.

Kaqchikel Central Guatemala

⁹ Ri Dios xojrucol chupan ri kamac, y xojroyoj richin nikac'uaj jun lok'olej c'aslen. Y ronojel ri xuben man roma ta ri utz ri kabanon roj. Xa can roma ri rutzil rija', y roma chuka' can queri' ruch'obon chikij. Ojer-ojer can tok man jani c'o ta re ruvach'ulef, ri Dios xuch'ob yan chi nutek-pe ri Jesucristo richin nuya' ri rutzil chike.

Re C'ac'a Testamento pa Kach'abal

⁹ Re Dios xojrucol chupan re kamac, y xojrayoj chin nakac'uaj jun utzulaj c'aslen. Y ronojel re xuban man roma-ta che yoj c'o cosas otz je'kabanalon. Xa roma camas xojrajo', y roma chuka' quire' runojin chakij. Ajuer tak c'amaje-na tic'ue' re ruch'ulef, re Dios xunojij-yan che nutak-pa re Jesucristo chin nuya' re utzil chaka.

Kaqchikel Western Solola

⁹ Ri Dios xojrucol chupan ri kamac, y xojrusiq'uij (xojroyoj) riche (rixin) chi nikac'uaj jun lok'olaj c'aslen. Y ronojel re' xuben, ma ruma ta chi c'o utz ri kabanon riyoj, xa can ruma ri rutzil Riya' y ruma chuka' can queri' ruch'obon pe chikij. Ojer ca tek c'a ma jane c'o ta re ruwach'ulef, ri Dios xuch'ob yan chi nuya' ri rutzil chake riyoj ri xa jun chic kabanon riq'ui ri Cristo.

2 Timoteo 1:9 ပူးပေါင်းရင်းမြစ်များ

Romanos 16:25

Tiya' k'a ruq'ij ri Dios, roma xaxe rija' ri nitikir nibanon chiwe chi más nikuquba' ik'u'x rik'in. Keri' nubij ri utzilej ch'abel richin kolotajik, ri ruch'abel ri Jesucristo ri nintzijoj yin. Re ch'abel re' man kan ta q'alajirisan-pe roma ri Dios, xa k'a ja re q'ij re' ri xuq'alajirisaj jebel.

Tito 1:2

Y rik'in ri' kan qoyoben k'a ri utzilej k'aslen ri man jun bey xtik'is. Y ja k'aslen ri' ri sujun roma ri Dios ojer kan toq k'a man jani k'o ta re ruwach'ulew. Y kan nuya-wi, roma ri Dios kan nuben-wi ri rubin.

Romanos 9:11

Jak'a toq man jani ke'alex, ri Dios xubij*f18* yan chire ri te'ej chi ri nimalaxel xtrilij ri chaq'laxel. Y roma ri xkik'uluwachij kik'in ri ka'i' ak'uala' ri', kan niq'alajin-wi chi ri Dios man xerucha' ta roma ri utzilej kibanobal, o xeretzelaj roma ri kibanobal man utz ta. Jak'a rija' yerucha' ri nrajo' rija'.

San Juan 17:24

Nata' Dios, yin kan ninwajo' k'a chi konojel ri e aya'on chuwe xkebek'oje' ta k'a wik'in richin chi nikitz'et ri nuq'ij-nuk'ojlen ri aya'on. Xaya' chuwe roma xinawajo' yan toq k'a man jani k'o ta re ruwach'ulew.

Efesios 1:11

Kan roma k'a ri Cristo toq roj xojcha'ox richin xojok ralk'ual ri Dios, roma keri' ruch'obon pe pa qawi' ri Dios ri ronojel nuben achi'el ri rurayibel.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.

1 Pedro 1:20

Ri Cristo kan cha'on-pe richin ri' roma ri Dios toq k'a man jani k'o ta re ruwach'ulew, jak'a xa k'a juba' toqa ri q'ij richin xpe chuwech re ruwach'ulew richin xuk'en-pe utzil chiwe.

San Juan 17:9

Wakami kan nink'utuj k'a ri awutzil rat pa kiwi' rije', jak'a man ja ta ri pa kiwi' ri winaqi' ri k'a kikuquban na kik'u'x rik'in re ruwach'ulew. Kan pa kiwi' k'a re winaqi' re xe'aya' chuwe nink'utuj chi taya' ri awutzil, roma kan e awichin chuqa' rat.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

Hebreos 3:1

Roma ri', rix loq'olej wach'alal ri ix oyon chuqa' junan qik'in roj roma ri Dios, kan ja ri Cristo Jesús titzu'. Ja rija' ri qaniman, y niqaq'alajirisaj chi rija' kan ja ri Dios ri xtaqon-pe richin, y ja chuqa' rija' ri qanimalej sacerdote.

Efesios 2:5

Xojrajo' stape' k'a oj kaminaqi' na chupan ri qamak. Y roma ruya'on ruk'aslen ri Cristo, keri' chuqa' xuben qik'in roj. Xojkolotej k'a pe chupan ri qamak roma ri rutzil ri Dios.

1 Tesalonicenses 4:7

Ri Dios man xojroyoj ta richin niqak'uaj jun itzel k'aslen. Rija' xojroyoj richin niqak'uaj jun k'aslen ri kan loq'olej.

1 Corintios 1:18

Ri tijonik pa ruwi' ri rukamik ri Cristo chuwech ri cruz, kan uchuq'a' ri nipe rik'in ri Dios chiqe roj ri qachapon bey richin kolotajik. Jak'a ri winaqi' ri xa pa tojbel-mak kichapon bey, chike rije', ri tijonik ri' xa ch'ujerik.

San Juan 6:37

Konojel k'a ri e cha'on chik roma ri nata', kan xkepe chinukanoxik. Y man jun bey xkenwetzelaj-el ri xkepe wik'in.

Apocalipsis 17:8

Ri chikop ri xatz'et, xk'oje' ojer kan y wakami maneq chik. Jak'a xa xtibek'ulun chik pe y xtel-pe chupan ri itzel siwan ri ruyon q'equ'm rupan richin xtibe chupan ri tojbel mak. Y ri janila chi winaqi' ri man xtz'ibex ta kibi' chupan ri wuj richin k'aslen, ri kan pa rutikeribel-pe ri ruwach'ulew, kan xtikimey k'a ri chikop ri xk'oje' ojer kan y xa maneq chik tz'eton, y xa kan xtibek'ulun chik pe jun bey.

Efesios 3:11

Ri Dios kan ruch'obon-wi-pe chi keri' nibanatej. Y ronojel re' xbanatej roma ri utzil ri xuk'en-pe ri qajaw Jesucristo.

Romanos 3:20

Man jun wineq roma kan rubanon ri nubij ri pixa', roma ta ri' nitz'etetej roma ri Dios chi man jun rumak. Man keri' ta. Ri pixa' xaxe nuk'ut chiqawech chi kan oj aj-maki'.

1 Timoteo 1:1

Yin Pablo, jun chike ri e taqon roma ri Cristo Jesús roma keri' xubij ri Dios ri qakolonel y ri Cristo Jesús, ri qoyoben chi nipe chiqak'amik.

Efesios 1:9

Kan xuq'alajirisaj-wi k'a chiqawech ri ruch'obon chi nuben ri kan rewan-pe. Rija' rubanon chi ronojel ri' nibanatej roma ri Cristo.

Romanos 9:24

Man xaxe ta roj judío ri oj royon-pe; xa kan keri' chuqa' ri e royon-pe chikikojol ri man e judío ta.

San Lucas 10:21

Chupan k'a ri ramaj ri', ri Loq'olej Espíritu janila kikoten xuya' pa ránima ri Jesús. Y xubij: Matiox ninya' chawe nata' Dios, rat ri rajaw ri kaj y re ruwach'ulew, roma man xaq'alajirisaj ta ronojel re' chikiwech ri winaqi' ri kan nikina' chi janila k'iy ketaman. Xa ja ri chikiwech ri winaqi' ri maneq ketamabal, xa chikiwech rije' xaq'alajirisaj-wi re'. Kan keri' wi k'a nata' Dios, roma jari' ri arayibel rat, xcha' ri Jesús.

San Mateo 1:21

Ri ak'ual ri xtralaj, ti ala', y Jesús*f1* ri rubi' ri xtaya'. Keri' xtubini'aj roma ja rija' xtikolon kichin ri awinaq chupan ri kimak, xcha'.

Hechos 2:47

Rije' utz k'a yetz'et koma ri winaqi'. Nikiya' k'a ruq'ij ri Dios, y kan q'ij-q'ij k'a ek'o más ri yekolotej, roma kan ja ri ajaw ri nibanon chike chi yek'iyer.

Hechos 15:18

Kan keri' k'a ri nubin ri ojer, nicha'.

Romanos 11:14

Y rik'in re' ninwajo' k'a nink'asoj jun itzel rayibel kik'in ri nuwinaq chiwij rix richin yekolotej ta.

Romanos 11:29

Roma toq ri Dios nuya', kan man nrelesaj ta chik. Y toq nroyoj ri rutinamit, kan man nutzolij ta ri' chirij.

Filipenses 3:14

Kan nintej-wi k'a nuq'ij richin yinapon ri akuchi nitane' wi ri anin, roma ninwajo' chi kan nok wichin yin ri sipanik richin ch'akonik ri nuya' ri Dios roma ri Cristo.

2 Timoteo 1:1

Yin Pablo, in jun taqon roma ri Jesucristo, roma kan rurayibel wi ri Dios chi xirucha' richin nintzijoj ri k'aslen ri nusuj chike ri winaqi', ri nikikuquba' kik'u'x rik'in ri Cristo Jesús.