2 Timoteo 1:5 - Kaqchiquel Bible

⁵ Chuqa' noqaqa chinuk'u'x chi kan qitzij akuquban-ak'u'x rik'in ri Dios, achi'el xkiben ri Loida ri awati't, y ri Eunice ri ate'. Y yin wetaman chi rat chuqa' kan junan ri akuqubabel-k'u'x kik'in rije'.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Nimatioxij chare ri Dios porque nikꞌuxlaꞌaj chi rat qetzij kuqul akꞌuꞌx rikꞌin ri Cristo Jesús, achel xkibꞌen ri awatiꞌ Loida y ri ateꞌ Eunice ri xkuqeꞌ kikꞌuꞌx más nabꞌey chawech rat. Kin ndunaꞌ wánima chi rat chuqaꞌ kuqul akꞌuꞌx rikꞌin ri Cristo Jesús.

Kaqchikel Santa Maria de Jesus

⁵ Y nalka jeꞌ panoꞌ chi ketzij acukubꞌan acꞌuꞌx riqꞌuin ri Dios, incheꞌl ri xquiꞌan ri avateꞌt Loida y ri atieꞌ Eunice. Ijejeꞌ ri xquicukubꞌaꞌ quicꞌuꞌx riqꞌuin ri Dios naꞌay chavach atreꞌ. Y inreꞌ vataꞌn chi atreꞌ jeꞌ ketzij acukubꞌan acꞌuꞌx riqꞌuin ri Dios.

Kaqchikel Central Guatemala

⁵ Y chuka' yatoka' chinuc'u'x chi can acukuban-vi ac'u'x riq'uin ri Dios, achi'el ri xquiben ri avati't Loida y ri ate' Eunice. Rije' can quicukuban quic'u'x riq'uin ri Dios. Y yin vetaman chi rat chuka' can acukuban-vi ac'u'x riq'uin ri Dios. Pero xa ja ri avati't y ri ate' xquicukuba' quic'u'x nabey.

Re C'ac'a Testamento pa Kach'abal

⁵ Y chuka' yate'ka chinuc'o'x che can abanon-va confiar-avi' riq'uin re Dios, ancha'l re xquiban re avate't Loida y re ate' Eunice. Reje' can quibanon confiar-qui' riq'uin re Dios. Y yen ntaman che rat chuka' can abanon confiar-avi' riq'uin re Dios. Pero ja re avate't y re ate' xquiban confiar-qui' nabey.

Kaqchikel Western Solola

⁵ Y chuka' yatoka chinuc'u'x chi can kitzij acukuban ac'u'x riq'ui ri Dios, achi'el ri xquiben ri awati't Loida y ri ate' Eunice. Riye' ri nabey ri xquicukuba' quic'u'x riq'ui ri Dios. Y riyin wetaman chi riyit chuka' can kitzij chi acukuban ac'u'x riq'ui ri Dios.

2 Timoteo 1:5 ပူးပေါင်းရင်းမြစ်များ

1 Timoteo 1:5

Ronojel re' ninbij chawe, richin kan ta konojel qach'alal nikajo-ki' rik'in ch'ajch'oj kánima ri nuna' chi utz k'o chuwech ri Dios, y rik'in jun qitzij kuqubabel-k'u'x.

Hechos 16:1

Ri Pablo y ri Silas xe'apon k'a ri pa Derbe y k'ari' xebe pa Listra. Ri chiri' k'o jun qach'alal ala' rubini'an Timoteo, y ri rute' jun israelita ri kan rukuquban ruk'u'x rik'in ri Jesucristo, jak'a ri rutata' aj-Grecia.

1 Timoteo 4:6

Y rat Timoteo, wi xke'atijoj ri qach'alal chire ri xinbij yan qa chawe chupan re wuj re', at jun utzilej rusamajel ri Jesucristo, tijon rik'in ri kuqubabel-k'u'x rik'in rija' y rik'in ri utzilej taq tijonik.

2 Timoteo 3:15

Roma kan k'a at ko'ol toq xawetamaj-pe ri tz'ibatel kan chupan ri loq'olej ruch'abel ri Dios. Y ri ch'abel ri' xuya' ana'oj y xuk'ut chawech chi k'o chi xakuquba' ak'u'x rik'in ri Cristo Jesús richin xakolotej chupan ri amak.

Romanos 15:14

Wach'alal, yin wetaman chi kan utz wi ri ik'aslen, chi kan ix nojineq rik'in etamabel y chuqa' yixtikir ye'itijoj ri qach'alal.

Hebreos 6:9

Qach'alal ri yalan yixqajo', stape' k'o yan ch'abel ri xqabij-qa, roj qakuquban qak'u'x iwik'in chi rix man xtiben ta keri', xa kan qakuquban qak'u'x iwik'in chi ri ik'aslen niwachin chuwech ri Dios ri ruk'amon-pe ri kolotajik.

2 Timoteo 1:12

Y roma ri' nintej poqon, jak'a man yik'ix ta, roma kan wetaman-wi ri achike nuniman y kan kuqul-nuk'u'x rik'in chi nuchajij ri wánima ri nujachon pa ruq'a', k'a toq xtapon ri ruk'isibel q'ij.

2 Corintios 6:6

Kan niq'alajin-wi chi oj rusamajela' ri Dios roma ch'ajch'oj ri qak'aslen, qetaman ri qitzij, nim qánima, oj utz kik'in ri winaqi', ri ajowabel ri k'o qik'in kan qitzij, k'o ri Loq'olej Espíritu qik'in,

Romanos 8:38

Y yin kan kuqul nuk'u'x chi kan man jun xqojch'aro rik'in ri rajowabal ri Dios: Ni ri kamik, ni ri k'aslen; ni ri e ángel, ni ri itzel taq espíritu; ni man jun chire ri ek'o wakami, ni man jun chuqa' chire ri xtipe chiqawech-apo.

Romanos 4:21

Rija' kan jebel wi chik retaman chi ri Dios ri janila uchuq'a' rik'in, kan xtuben-wi ri rubin.

Wuj Richin Bix Chire ri Dios 116:16

Jehová, kan qitzij na wi chi yin in asamajel rat. Xkatinsamajij achi'el xarusamajij ri nte', roma kan xinawelesaj-pe chupan ri ximonri'il.

Wuj Richin Bix Chire ri Dios 86:16

Kinatzu' y tajoyowaj nuwech, taya' wuchuq'a' y kinakolo' yin ri in asamajel; yin ri in ral kan ri xok chuqa' asamajel.

Hebreos 11:13

Konojel k'a rije' xkikuquba-el kik'u'x rik'in ri Dios y keri' xeken-el. Y stape' man xkik'ul ta el ri rusujun ri Dios chike, jak'a roma ri kikuqubabel-k'u'x k'anej xkitzu-wi-apo y xekikot rik'in; rije' kan xkiq'alajirisaj k'a chi xa e q'axel chuwech re ruwach'ulew.

Romanos 14:14

Yin wetaman y kuqul nuk'u'x rik'in ri ajaw Jesús chi kan man jun ri nitij xajan ta chuwech ri Dios. Jak'a wi chuwech jun qach'alal k'o ri xajan yetij, kan ke k'ari' chuwech rija' ri'.

Romanos 14:5

Ek'o qach'alal ri yebin chi k'o q'ij ri k'o chi yechajix, y ri ch'aqa' chik q'ij xa man nik'atzin ta richin yechajix. Y ek'o qach'alal chuqa' ri yebin chi ronojel q'ij xa e junan. Jak'a ruk'amon chi tiqach'obo' jebel chiqajujunal achike niqaben.

Hechos 26:26

Wawe' k'o-wi ri rey Agripa. Roma ri' man k'a ninxibij ta wi' yich'on-apo, roma yin ninch'ob chi kan ronojel ri e banatajineq retaman, roma xa kan pa saqil ri banatajineq-wi.

San Juan 1:47

Toq ri Jesús xutz'et ri Natanael chi xa napon yan apo rik'in, xubij chike ri winaqi' ri ek'o chiri': Titzu' la jun achin la'. Rija' jun qitzij israelita y kan man jun q'oloj k'o rik'in, xcha'.

Wuj Richin ri Jeremías 3:10

Man rik'in ri' ri aj-Judá xa xkiben achi'el xkiben ri kach'alal. Xa man xtzolin ta pe kik'u'x wik'in rik'in ronojel kánima. Ja yin Jehová ri yibin.

Wuj Richin Bix Chire ri Dios 81:15

Keri', ri winaqi' ri yinketzelaj yin Jehová, kan ta xkiqasaj-ki' chikiwech rije'; ri rutojbalil-mak pa kiwi' ri winaqi' ri' kan ta richin q'asen.

Wuj Richin Bix Chire ri Dios 77:6

Xoqaqa k'a chinuk'u'x ri nubix ri xenbixala' pa taq tokoq'a', ronojel re' kan xinquqa' k'a rij y xink'utuj k'a qa chuwe yin;

Wuj Richin Bix Chire ri Dios 66:3

Kan kere' k'a tibixaj chire ri Dios: ¡Janila k'a e meyel ri abanobal! Roma ri runimirinen ri awuchuq'a', nikiqasaj-ki' chawech ri e etzelanel awichin.

Wuj Richin Bix Chire ri Dios 22:10

Kan k'a man jani k'a yinalex, kan ja yan ri' in achajin chik. Kan ja yan toq ri nte' xyawej kan chuwij, ja yan ri' rat at nu-Dios.

Wuj Richin Bix Chire ri Dios 18:44

Kan xaxe k'a xkak'axaj ri nuch'abel, kan xkinimaj ri nutzij. Chuqa' ri man e nuwinaq ta, kan xkiqasaj-ki' chinuwech.

Wuj Richin Bix Chire ri Dios 17:1

Jehová, rat atz'eton chi yin maneq numak, tawak'axaj k'a ri nuch'abel. Tabana' utzil tawak'axaj ri nuch'owen, roma re' kan man richin ta q'oloj.

1 Pedro 1:22

Y toq xinimaj ri qitzij, kan xch'ajch'ojir ri ik'aslen richin nik'oje' qitzij ajowabel iwik'in chike ri ch'aqa' chik. Wakami kan janila k'a tiwajo-iwi' rik'in ronojel iwánima y rik'in ruch'ajch'ojil.