2 Timoteo 1:14 - Kaqchiquel Bible

¹⁴ Kan tachajij k'a ronojel ri utzilej taq tijonik. Y ri Loq'olej Espíritu ri k'o pa taq qánima, jari' ri xtito'on awichin.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Y rikꞌin ri toꞌonik nduyaꞌ ri Espíritu Santo ri kꞌo pa qánima, tabꞌanaꞌ cuenta ri utzulej tijonik ruyoꞌon kan ri Dios pa aqꞌaꞌ.

Kaqchikel Santa Maria de Jesus

¹⁴ Tabꞌanaꞌ cuenta ri samaj ri yoꞌn chava ruma ri Dios. Y ri Espíritu Santo ri cꞌo riqꞌuin kánima xtitoꞌn avichin.

Kaqchikel Central Guatemala

¹⁴ Xa tachajij ri samaj ri yo'on chave roma ri Dios. Y ja ri Lok'olej Espíritu ri c'o pa tak kánima ri xtito'on avichin.

Re C'ac'a Testamento pa Kach'abal

¹⁴ Xa tachajij re samaj yi'on chava roma re Dios. Y ja re Espíritu Santo re c'o pa tak kánma re xtita'o avichin.

Kaqchikel Western Solola

¹⁴ Can tachajij c'a ronojel ri yatajnek chawe ruma ri Dios. Y ya ri Lok'olaj Espíritu ri c'o pa tak kánima ri xtito'o awuche (awixin).

2 Timoteo 1:14 ပူးပေါင်းရင်းမြစ်များ

San Juan 14:17

Ri' kan ja ri Loq'olej Espíritu, ri nitijon iwichin chire ri qitzij. Y rija' man tikirel ta richin nik'ul-apo, koma ri winaqi' ri k'a kikuquban na kik'u'x rik'in re ruwach'ulew. Roma ri Loq'olej Espíritu xa man tz'etel ta ni man ketaman ta chuqa' ruwech. Jak'a rix kan iwetaman chik ruwech, roma kan xtik'oje-wi chi'ikojol. Y rija' kan jantape' xtik'oje' iwik'in.

Romanos 8:13

Roma wi xqojkik'uaj ri itzel taq rayibel ri', xa kamik nikik'en-pe chiqe. Jak'a wi yojuk'uex roma ri Loq'olej Espíritu richin nukamisaj ri itzel taq rayibel ri'; xtiqil k'aslen.

1 Timoteo 6:20

Y rat Timoteo, tachajij k'a ri samaj ri ya'on chawe. Man ke'ak'ul ri tzij ri xa man rik'in ta ri Dios e peteneq-wi, ri xa e richin re ruwach'ulew, y xa man jun nikik'en-pe chawe. Ri winaqi' ri yebin keri', nikibij chi k'o etamabel kik'in jak'a xa man keri' ta.

2 Timoteo 1:12

Y roma ri' nintej poqon, jak'a man yik'ix ta, roma kan wetaman-wi ri achike nuniman y kan kuqul-nuk'u'x rik'in chi nuchajij ri wánima ri nujachon pa ruq'a', k'a toq xtapon ri ruk'isibel q'ij.

1 Corintios 3:16

¿Man iwetaman ta k'a rix chi ix achi'el jun rachoch ri Dios, y chi ri Loq'olej Espíritu richin ri Dios k'o iwik'in?

Romanos 8:9

Roj ri k'o ri Loq'olej Espíritu richin ri Dios pa taq qánima, man oj uk'uan ta chik roma ri itzel taq rayibel; kan ja chik ri Loq'olej Espíritu ri uk'uayon qichin. Jak'a ri winaqi' ri man k'o ta ri Espíritu richin ri Cristo kik'in, man e richin ta rija'.

1 Pedro 1:22

Y toq xinimaj ri qitzij, kan xch'ajch'ojir ri ik'aslen richin nik'oje' qitzij ajowabel iwik'in chike ri ch'aqa' chik. Wakami kan janila k'a tiwajo-iwi' rik'in ronojel iwánima y rik'in ruch'ajch'ojil.

1 Tesalonicenses 5:19

Man tiq'et ri rusamaj ri Loq'olej Espíritu.

2 Timoteo 2:2

Ri tijonik ri xinya' chawe chikiwech e k'iy, kan jak'a chuqa' ri' taya' chike ch'aqa' chik achi'a' ri kan yetikir-wi yekitijon.

1 Timoteo 1:11

y ri utzilej ch'abel richin kolotajik ri ruya'on ri Loq'olej Dios ri k'o ruq'ij-ruk'ojlen ri rubin chuwe yin richin nintzijoj.

Efesios 5:18

Man kixq'aber, roma ruyon itzel nuk'en-pe chiwe. Pa ruk'exel ri' tiya' q'ij chire ri Loq'olej Espíritu chi yixruyuqej.

Efesios 2:22

Rik'in rija', rix beneq-q'anej ik'iyinen junan kik'in konojel ri ch'aqa' chik ralk'ual ri Dios achi'el jun jay, richin yixok ri akuchi nik'ase' wi ri Espíritu richin ri Dios.

1 Corintios 9:17

Wi ta ja yin ri xikanon ri samaj ri', kan k'o ta wajel nink'utuj chiwe. Jak'a ri samaj ri ninben, kan ja wi ri Dios ri xya'on chuwe.

Colosenses 4:11

chuqa' nuteq-el rutzil-iwech ri Jesús, ri nibix chuqa' Justo chire. Xa kan xaxe re oxi' qach'alal re' ri e nuwinaq judío ri junan yojsamej kik'in richin chi e k'iy ta ri yeniman richin ri ajaw Jesús y ye'ok ta pa rajawaren ri Dios. Rije' janila nikikuquba' nuk'u'x.

Gálatas 2:7

Pa ruk'exel chi k'o ta xkibij-pe chuwe, xa jari' toq xkinabej chi kan chuwe yin chilaben richin nintzijoj ri utzilej ch'abel richin kolotajik chike ri man e qawinaq ta, achi'el toq xchilabex chire ri Pedro chi tiberutzijoj ri ch'abel ri' chike ri qawinaq judío,

2 Corintios 5:16

Roj re wakami y ri chiqawech-apo man jun chik wineq ri xtiqatzu', achi'el nikitzu' ri aj-ruwach'ulew. Stape' roj chuqa' xqach'ob chirij ri Cristo, chi rija' xa achi'el xabachike wineq. Jak'a re wakami man chik keri' ta niqach'ob chirij.

1 Corintios 6:19

¿Man iwetaman ta k'a chi rix ix rachoch chik ri Loq'olej Espíritu? Rija' peteneq rik'in ri Dios, y pa taq iwánima k'o-wi. Y roma ri' ri ich'akul kan man iwichin ta chik rix.

Romanos 8:11

Ri Dios xuben chire ri Cristo Jesús chi xk'astej-pe chikikojol ri kaminaqi', y keri' chuqa' xtuben chiqe roj ri k'o ri Loq'olej Espíritu pa taq qánima chi xqojruk'asoj chuqa' el chikikojol ri kaminaqi'.

Romanos 3:2

Ja k'a kan k'iy utz ri ruk'amon-pe chiqe. Ri nabey, ja ri ruch'abel ri Dios ri uxqanen kan pa qaq'a'.

San Lucas 16:11

Wi rik'in ri beyomel richin re ruwach'ulew, rix man utz ta niben, ¿xtijach kami ri qitzij beyomel pan iq'a'?