2 Timoteo 1:13 - Kaqchiquel Bible

¹³ Y rat Timoteo, ninbij k'a chawe chi kan tatzeqelibej ri utzilej taq tijonik ri nuya'on chawe pa ruwi' ri kuqubabel-k'u'x y ri ajowabel ri k'o chiqakojol roma ri Cristo Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Y nibꞌij kꞌa chawa rat Timoteo, chi kin achel ri utzulej teq tijonik ri nuyoꞌon chawa, kin keriꞌ rubꞌeyal ri tijonik tayaꞌ chake chꞌaqa chik. Y kin ta kuqul akꞌuꞌx keriꞌ ndabꞌen, y ngatojowan chuqaꞌ roma xe jun abꞌanun rikꞌin ri Cristo Jesús.

Kaqchikel Santa Maria de Jesus

¹³ Inreꞌ niꞌej chava Timoteo chi incheꞌl ri utzulaj tak kax ri nucꞌutun chavach, jareꞌ tacꞌutuꞌ atreꞌ. Can tikꞌalajin cꞌa chi acukubꞌan acꞌuꞌx riqꞌuin ri Jesucristo, y siempre caꞌvajoꞌ quinojiel ruma joꞌc jun abꞌanun riqꞌuin ri Jesucristo.

Kaqchikel Central Guatemala

¹³ Y rat Timoteo, ninbij c'a chave chi can achi'el ri utzilej tak tijonic ri nuyo'on chave, can que c'a chuka' ri' taya' chique ri ch'aka' chic. Roma can jun c'a abanon riq'uin ri Jesucristo, can acukuban ac'u'x riq'uin, y yatajovan chuka'. Man c'a taya' can ri'.

Re C'ac'a Testamento pa Kach'abal

¹³ Y rat Timoteo, nimbij chava che can ancha'l re otz tak enseñanzas re nc'utun chavach, can quire' chuka' tac'utu' chiquivach re nic'aj chic. Y chuka' nimbij chava che can tabana' confiar-avi' riq'uin re Jesucristo y cajovan, y xcatiquir xtaban quire' roma xa jun abanon riq'uin reja'.

Kaqchikel Western Solola

¹³ Y riyit Timoteo, nbij c'a chawe chi ma taya' ta ca ri utzilaj tak ch'abel achi'el ri awac'axan wuq'ui. Can tik'alajin c'a chi can acukuban wi ac'u'x y ye'awajo' quinojel ruma xa jun chic abanon riq'ui ri Jesucristo.

2 Timoteo 1:13 ပူးပေါင်းရင်းမြစ်များ

Tito 1:9

Nik'atzin chi kan kuqul-wi ruk'u'x rik'in ri ruch'abel ri Dios ri xqatzijoj, roma kan qitzij wi. Y rik'in ri' nitikir nuya' utzilej taq tijonik chike ri qach'alal, richin chi rije' más nikikuquba' kik'u'x rik'in ri Dios. Chuqa' nitikir nuben chike ri winaqi' ri e kojqan tijonik ri man e qitzij ta, chi niketamaj chi man utz ta ri kitzeqeliben.

2 Timoteo 3:14

Jak'a rat Timoteo, man taya' kan ri utzilej tijonik ri awetaman y akuquban ak'u'x rik'in. Rat jebel awetaman ri achoq ik'in xak'ul-wi re tijonik re'.

Filipenses 4:9

Kan ja ri xiwetamaj, ri xik'ul, ri xiwak'axaj y ri xitz'et chuwij yin kan jari' k'a tibana'. Y wi keri' xtiben, ri Dios ri niya'on ri uxlanen, kan xtik'oje-wi iwik'in.

Romanos 6:17

Toq rubanon kan, xa xixok ix achi'el loq'on samajel pa ruq'a' ri mak. Jak'a re wakami matiox chire ri Dios chi rix rik'in ronojel iwánima xinimaj ri xink'ut chiwech.

2 Timoteo 2:2

Ri tijonik ri xinya' chawe chikiwech e k'iy, kan jak'a chuqa' ri' taya' chike ch'aqa' chik achi'a' ri kan yetikir-wi yekitijon.

Apocalipsis 3:11

Kan chi'anin k'a xkipe chik jun bey, y roma ri' kan tichajij jebel ri k'o iwik'in, richin chi man jun xtelesan chiwe ri i-corona.

Apocalipsis 3:3

Toqaqa chi'ik'u'x ri tijonik ri ik'ulun, titzeqelibej y titzolej-pe ik'u'x. Roma wi xa man xkixk'ase' ta; xkipe pan iwi' achi'el jun eleq'om y man xtinabej ta k'a achike ramaj toq xkinoqaqa.

1 Timoteo 1:14

Jak'a ri Dios janila nim rutzil xuya' pa nuwi'. Roma xuben chuwe chi xinkuquba' nuk'u'x rik'in ri Jesucristo y xuya' chuqa' ajowabel pa wánima.

Judas 1:3

Wach'alal ri yalan yixinwajo', yin kan janila k'a wajowan chi nutz'iban ta el jun wuj chiwe, pa ruwi' ri qakolotajik. Jak'a wakami ninna' chi k'atzinel ninbij chiwe chi rik'in ronojel iwánima tiwojqaj ri utz taq tijonik ri xeqak'ul toq xqanimaj ri Jesucristo, tijonik ri man nijalatej ta, ri xjach chike ri e ralk'ual ri Dios.

Hebreos 10:23

Y roj ri qoyoben ri nimalej utzil ri xtuya' ri Dios pa qawi', kan kow k'a qojk'oje' y man kaka' ta qak'u'x chupan ri oyobenri'il ri' ri k'o qik'in, roma ja ri Dios ri xbin chi xtuya' ri nimalej utzil pa qawi', y rija' kan xtuben-wi.

2 Timoteo 1:14

Kan tachajij k'a ronojel ri utzilej taq tijonik. Y ri Loq'olej Espíritu ri k'o pa taq qánima, jari' ri xtito'on awichin.

Romanos 2:20

chi ye'itijoj ri winaqi' e nakaneq y chuqa' ri man jun ketaman y chi kan chiwe rix ya'on-wi ri pixa' ri k'o etamabel y k'o ronojel ri qitzij chupan.

Tito 2:1

Jak'a rat, Tito, toq yatijon kan taya' ri utzilej taq tijonik.

1 Timoteo 6:3

Y wi k'o jun, ri nuya' tijonik ri man junan ta rik'in ri utzilej tijonik ri ruk'amon-pe ri qajaw Jesucristo, y man junan ta rik'in ri tijonik ri nuk'en-pe ri k'aslen utz chuwech ri Dios,

Filipenses 1:27

Wakami k'a, ruk'amon chi rix tik'uaj jun k'aslen utz achi'el nubij ri ruch'abel ri Cristo. Wi xkinapon chik iwik'in, kan keri' ta ri ik'aslen xtinbenwila', y wi man xkinapon ta, xtinwak'axaj ta k'a chiwij, chi kan kuqul ik'u'x rik'in ri Cristo, chi xa jun ta iwech ibanon, y kan ta ito'on-iwi' richin itzeqeliben ri utzilej ch'abel richin kolotajik.

Wuj Richin Etamabel-Tzij 23:23

Rat, kan tatija' k'a aq'ij richin ye'awil ri k'o kejqalen; y man ke'awisq'opej-el ri qitzij, ri na'oj, ri tijonik y ri etamabel.

1 Timoteo 1:10

pa kiwi' ri achi'a' y ri ixoqi' e k'ulan chik, y nikikanola-ki' richin yemakun, ri achi'a' ri man chik yekajo' ta ixoqi' y xa kik'in chik achi'a' yek'oje-wi, ri ye'eleq'an winaqi', ri e tz'ukuy taq tzij stape' kijikiban chi qitzij, y pa kiwi' ri winaqi' ri ye'etzelan ri utz taq tijonik,

Wuj Richin Etamabel-Tzij 3:21

Rix walk'ual alaboni', kan jantape' k'a tik'oje' ri na'oj y ri utzilej ch'obonik iwik'in, kan man tiya' q'ij richin chi nisach-el chiwech.

Apocalipsis 2:25

xaxe k'a ninwajo' chi ri k'o iwik'in kan tichajij jebel, k'a toq yin xkipe chik jun bey.

Hebreos 4:14

Roj kan k'o k'a jun qanimalej sacerdote apowineq chila' chikaj ri kan xapon rik'in ri Dios, y ri' ja ri Jesús ri Ruk'ajol. Roma ri' man tiqaya' kan ruq'alajirisaxik chi qaniman.

Hebreos 3:6

Jak'a ri Cristo man choj ta samajel richin ri Dios, achi'el ri Moisés. Rija' kan Ruk'ajol-wi ri Dios. Y man xqojrumalij ta kan roj ri oj ruwinaq chik ri Dios, wi niqakuquba-apo qak'u'x rik'in, y rik'in kikoten niqoyobej-apo ri q'ij toq xtibeqila' ronojel ri utzil.

Tito 2:8

Kan tachajij k'a awi' rik'in ri nabij, richin chi ri ye'etzelan ri ruch'abel ri Dios kan xkek'ixbitej, roma man nikil ta achike nikibij chiqij roj ri niqatzeqelibej ri Cristo.

1 Tesalonicenses 5:21

Xa tiwak'axaj ri nubij, richin keri' rix ninabej wi qitzij o man qitzij ta. Y wi qitzij, tiwojqaj k'a.

Colosenses 1:4

Niqamatioxij roma qak'axan chi kan kuqul-wi-ik'u'x rik'in ri Cristo Jesús y ye'iwajo' konojel qach'alal.

Wuj Richin Etamabel-Tzij 4:13

Kan tachapa' k'a jebel re tijonik re ninya' chawe, man taya' q'ij chi nibe chawech, kan tayakakej jebel roma kan jare' ri ak'aslen.

Wuj Richin Etamabel-Tzij 3:18

Ri na'oj kan achi'el k'a jun che' ri kan nuya' k'aslen chire ri nikanon richin, y xabachike k'a wineq ri kan nuben richin chire, kan jebel k'a ruwa-ruq'ij.

Wuj Richin Etamabel-Tzij 8:14

Kan pa nuq'a' k'a yin, ri na'oj, k'o-wi ri ch'obonik y ri ruchojmilal, kan pa nuq'a' k'a yin ri etamabel k'o-wi ri uchuq'a'.

2 Timoteo 1:1

Yin Pablo, in jun taqon roma ri Jesucristo, roma kan rurayibel wi ri Dios chi xirucha' richin nintzijoj ri k'aslen ri nusuj chike ri winaqi', ri nikikuquba' kik'u'x rik'in ri Cristo Jesús.

2 Timoteo 4:3

Roma kan xtoqaqa ri q'ij toq ri winaqi' xa man chik xtikikoch' ta xtikak'axaj ri utzilej taq tijonik. Xa xtikiben ri kirayibel rije', y xkekikanola' k'a achike ri yetijon kichin chire ri tijonik ri yekirayij rije'.