2 Tesalonicenses 3:2 - Kaqchiquel Bible

² Tik'utuj chuqa' chire chi man yojqaqa pa kiq'a' ri itzel taq winaqi', roma xa man konojel ta kiniman ri Jesucristo.

နောက်ထပ်ဗားရှင်းများ

Kaqchikel Santo Domingo (Xenacoj)

² Tikꞌutuj chuqaꞌ chare ri Dios chi ma qojqaqa pa kiqꞌaꞌ itzel teq wineq ri kin emachꞌikilik chikibꞌanik. Keriꞌ nibꞌij chiwa, porque ma konojel ta wineq ndikitaqij ri utzulej teq tzij ri ndichꞌaꞌa pa ruwiꞌ ri kolotajik nduyaꞌ ri Ajaw.

Kaqchikel Santa Maria de Jesus

² y chi quireꞌ jeꞌ man nkojka ta pa quikꞌaꞌ itziel tak achiꞌaꞌ, ruma man quinojiel ta vinak niquicukubꞌaꞌ quicꞌuꞌx riqꞌuin ri Jesucristo.

Kaqchikel Central Guatemala

² Tic'utuj c'a chuka' chire ri Dios chi man yojka' pa quik'a' itzel tak achi'a', ri xa man quiniman ta ri Jesucristo.

Re C'ac'a Testamento pa Kach'abal

² Tic'utuj chuka' cha re Dios che man kojka pa quik'a' itzel tak achi'a', re man quiniman-ta re Jesucristo.

Kaqchikel Western Solola

² Tic'utuj c'a chuka' chare ri Dios chi ma yojka ta pa quik'a' ri itzel tak achi'a', ruma xa ma quinojel ta ri winek quiniman ri Jesucristo.

2 Tesalonicenses 3:2 ပူးပေါင်းရင်းမြစ်များ

Romanos 15:31

chi man ta xkiqaqa pa kiq'a' ri winaqi' ri man kiniman ta ri Jesucristo ri chiri' pa Judea. Y chuqa' xtik'utuj ta chire ri Dios chi ri qach'alal ri ek'o pa tinamit Jerusalem jebel ta ruk'ulik xtikiben chire ri sipanik ri xtinjech chike.

Deut 32:20

Y roma ri' kere' k'a xubij rija': Yin kan man xtinya' ta chik nuxikin chire ri ich'abel, y achike na k'a xkixk'ulun. Roma rix xa ix winaqi' ri xotoxeq ik'aslen y man jun ri niqa' chiwech. Rix xa ix alk'ualaxela' ri man niben ta ri ninwajo' yin richin niben rix.

Romanos 10:16

Jak'a xa man konojel ta winaqi' ri yeniman ri utzilej ch'abel richin kolotajik, achi'el ri rutz'iban kan ri Isaías: ¿Achike ta k'a xtiniman re niqabij?, nicha'.*f34*

Hechos 28:24

Ek'o k'a ri xeniman ri xubij ri Pablo, y ek'o ri man xeniman ta.

1 Tesalonicenses 2:18

Xqaben richin yojbe. Yin ka'i-oxi' bey xinben chi yojbe ta, jak'a ri Satanás xojruq'et.

Hechos 14:2

Jak'a ri judío ri man xkinimaj ta, xkiyala' kina'oj ri man e judío ta, richin keketzelaj ri xeniman ri ajaw Jesucristo.

Hechos 13:50

Jak'a ri winaqi' judío ri man nikinimaj ta ri Jesús, xebe kik'in ri achi'a' ri k'o kiq'ij chikikojol ri winaqi', y kik'in ri ixoqi' ri kan k'o-wi kiq'ij, ri man e judío ta y kan nikiya-wi ruq'ij ri ki-dios, richin xbekiya' kina'oj, richin xekoqotaj-el ri Pablo y ri Bernabé ri chiri' pa kiruwach'ulew.

Hechos 13:45

Roma ri', ri ch'aqa' chik judío ri man nikinimaj ta ri Jesús, toq xkitz'et chi e janila winaqi' ri xe'apon, janila itzel xkina', y nikibila' chi ri nubij ri Pablo xa man ja ta ri qitzij, y nikiyoq' k'a.

San Lucas 18:8

Yin kan ninbij k'a chiwe chi chi'anin xkeruto-pe. Jak'a toq yin, ri xiqaqa-pe achi'el wineq chi'ikojol, xkipe chik jun bey wawe' chuwech re ruwach'ulew, ¿xkenwil kami winaqi' ri kikuquban kik'u'x rik'in ri Dios?, xcha' ri Jesús.

San Mateo 23:23

¡Xa kan toq'ex k'a iwech rix etamanela' chirij ri pixa' y rix fariseo ri xa ka'i' ipalej! Roma rix kan niya' ri lajujteq chire ronojel ri man kan ta janila rejqalen, achi'el ri q'ayis menta, ri anís y ri comino. Jak'a xa iya'on kan rubanik ri más rejqalen achi'el nubij chupan ri pixa' chi choj tibana' kik'in ri winaqi', chi tik'oje' joyowanik iwik'in y qitzij chi kuqurineq ta ik'u'x rik'in ri Dios. Jare' ri nabey ta ruk'amon ibanon, y k'a ta ri' niben ri yixajin chubanik.

San Mateo 17:17

Y ri Jesús xubij k'a chi ri winaqi' ri ek'o chiri' jun sol winaqi' ri xa man kuqul ta kik'u'x. Rija' xa man jantape' ta xtik'oje' kik'in y man nukoch' ta nutz'et chi keri' nikiben. K'ari' xubij chi tikik'ama-pe ri ala' chuwech.

2 Timoteo 4:17

Ri Dios xa kan xiruto-wi yin. Xuya' wuchuq'a' richin xintzijoj ri ruch'abel ri Dios chike ri winaqi' ri man e judío ta. Y keri' xikolotej-pe chuwech ri kamik.

1 Corintios 15:32

Wi maneq ta k'astajibel, ronojel ri yenk'uluwachila' man jun ta rejqalen, achi'el ri xink'uluwachij pan Éfeso, toq ri winaqi' kan xeyakatej chuwij achi'el k'uxunela' taq chikopi'. Xa más ta utz niqaben achi'el ri tz'ibatel kan:*f16* Xaxe qojwa' y qojuk'ya', roma xa chua'q-kabij xqojken-el, nicha'.

Hechos 17:5

Jak'a ri ch'aqa' chik judío itzel xkina' chike ri Pablo y ri Silas. Roma ri' toq rije' xebekimolola-pe achi'a' ri e itzel y e q'ori'. Kan e janila k'a winaqi' ri xekimol, roma kan xkiyek-wi ri tinamit. Rije' xebe richin yebe'ok pa rachoch ri jun achin rubini'an Jasón, chikikanoxik ri Pablo y ri Silas. Nikajo' k'a yekelesaj-pe ri pa jay y yekiya-pe pa kiq'a' ri winaqi'.

Hechos 25:27

Roma chinuwech yin kan man ruk'amon ta chi ninteq-el jun ri k'o pa cárcel, y man ninteq ta el rubixik achike rumak e rubanalon, xcha' ri Festo chire ri Agripa.