2 Tesalonicenses 3:10 - Kaqchiquel Bible

¹⁰ Y toq xojk'oje' iwik'in, xqabij chiwe chi wi k'o jun ri man nrajo' ta nisamej, chuqa' man tutej ruway.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Porque atoq kꞌa rojkꞌo chiꞌikajal, xqayaꞌ kan re mandamiento reꞌ chiwa: Si jun ma ndirajoꞌ ta ndisamej, ma tiwaꞌ chuqaꞌ.

Kaqchikel Santa Maria de Jesus

¹⁰ Y antok xojcꞌujieꞌ iviqꞌuin, xkaꞌej chiva: Xa cꞌo jun ri man nrajoꞌ ta nisamaj, man tivaꞌ jeꞌ, xojchaꞌ chiva.

Kaqchikel Central Guatemala

¹⁰ Y tok xojc'oje' iviq'uin, xkabij chive chi vi c'o jun ri man nrajo' ta nisamej, chuka' man tutej ruvay, xojcha' chive.

Re C'ac'a Testamento pa Kach'abal

¹⁰ Y tak xojc'ue' iviq'uin, xkabij chiva che vo xa c'o jun re man nrajo-ta nisamaj, chuka' man tiva', xojcha' chiva.

Kaqchikel Western Solola

¹⁰ Y tek xojc'oje' iwuq'ui, can queri' chuka' xkabij chiwe, chi wi c'o jun ri ma nrajo' ta nisamej, chuka' ma ruc'amon ta chi niwa', xojcha' chiwe.

2 Tesalonicenses 3:10 ပူးပေါင်းရင်းမြစ်များ

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

Wuj Richin Etamabel-Tzij 20:4

Ri wineq q'or kan roma nuchop-el ri q'ij richin tew, kan man nibe ta chusamajixik ri rulew; y k'a toq nutz'et na chi ri ch'aqa' nikik'ol ruwech ri kitiko'n, keri' chuqa' nrajo' nuben rija', y xa man jun niberuk'ama-wi-pe.

1 Tesalonicenses 4:11

Y chuqa' man tich'ujerisaj-iwi'. Xa choj tikanoj ri nik'atzin chiwe qa rix. Jantape' kixsamej richin nich'ek iway, achi'el xqabij chiwe toq xojk'oje' iwik'in;

Wuj Richin Etamabel-Tzij 13:4

Ri wineq janila q'or xaxe choj nurayij y man jun nuben, roma ri' man jun nril pa ruk'aslen; jak'a ri wineq ri kan k'o nurayij y kan kow nisamej, nibe pa jotol.

Wuj Richin Etamabel-Tzij 21:25

Ri itzel taq rayibel ri ek'o pa ránima ri wineq q'or, jari' ri nikamisan-qa richin, roma xa kan man nuch'ob ta yerukusaj ri ruq'a' richin nisamej.

1 Tesalonicenses 3:4

Toqaqa k'a chi'ik'u'x chi toq xojk'oje' iwik'in, xqabij chiwe chi nipe q'axomal pa qak'aslen. Y jebel iwetaman chi achi'el ri xqabij kan chiwe, kan keri' wi ri xbanatej.

San Juan 16:4

Kan ronojel k'a re' ninbij yan kan chiwe, richin chi toq xtapon ri q'ij ri' xtoqaqa chi'ik'u'x chi kan qitzij ri rutzijol ri nuya'on kan chiwe. Ronojel re' kan man xinya' ta k'a rutzijol chiwe ri pa rutikeribel, roma kan ink'o-wi-pe iwik'in.

Hechos 20:18

Jak'a toq e oqawineq chik ri qach'alal ri', ri Pablo xubij chike: Rix jebel iwetaman achike rubanik ri nuk'aslen ri xink'uaj chiwech jampe' ri xik'oje' chi'ikojol re wawe' pa ruwach'ulew Asia.

San Lucas 24:44

Y xubij k'a chike: Pa nabey mul, xinbij k'a chiwe chi jare' ri k'o chi nink'uluwachij, y chi kan nik'atzin na wi chi nibanatej ronojel ri e tz'ibatel kan chuwij yin chupan ri ruch'abel ri Dios, achi'el ri e tz'ibatel kan roma ri Moisés, ri xeq'alajirisan ruch'abel ri Dios ri ojer kan, y ri e tz'ibatel kan chupan ri wuj richin bix, xcha'.

2 Tesalonicenses 2:5

¿Kan man noqaqa ta k'a chi'ik'u'x chi xinbij ronojel re' chiwe toq xik'oje' iwik'in?