2 Tesalonicenses 2:10 - Kaqchiquel Bible

¹⁰ Y roma ri' e k'iy winaqi' ri kan xkeq'olotej pa ruq'a', roma man xkajo' ta ri qitzij tijonik richin xekolotej ta chupan ri kimak.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Ri itzel achi riꞌ nojel ruwech itzel teq achike ngerubꞌanalaꞌ chin ngeruchꞌakatij ri wineq ebꞌaneq chupan ri bꞌey chin ma ngekolotej ta, porque ma jubꞌaꞌ xkitaqij nixta xkajoꞌ ri rutzij ri Dios ri ndichꞌaꞌa pa ruwiꞌ ri qetzij, chin ta xekolotej.

Kaqchikel Santa Maria de Jesus

¹⁰ Can iqꞌuiy ri xcaꞌan engañar ruma ri itziel ri nuꞌon ri ache reꞌ. Ri xcaꞌan engañar ja ri vinak ri cꞌa pa kꞌakꞌ xcaꞌbꞌaka-ve. Ijejeꞌ xcaꞌan engañar ruma man xcajoꞌ ta xquinimaj ri ketzij chi xaꞌcolotaj ta chupan ri qui-pecados.

Kaqchikel Central Guatemala

¹⁰ Y romari' e q'uiy vinek ri can xquek'olotej na vi pa ruk'a'. Ri xquek'olotej ja ri vinek ri man xcajo' ta ri kitzij tijonic richin xecolotej ta chupan ri quimac, y romari' xa pa k'ak' xquebeka-vi.

Re C'ac'a Testamento pa Kach'abal

¹⁰ Y mare' je q'uiy vinak can xque'k'olotaj-va pa ruk'a'. Re xque'k'olotaj ja re vinak re man xtiquijo-ta re katzij ch'abal chin xque'colotaj chupan re quimac, y mare' xa pa k'ak' xque'bo-va.

Kaqchikel Western Solola

¹⁰ Y quinojel ri winek ri xqueruk'ol riq'ui ri etzelal ri xqueruben, ye winek ri' ri xquebe pa k'ak' ruma ma xcajo' ta xquinimaj ri kas kitzij riche (rixin) chi xecolotej ta pe chupan ri quimac.

2 Tesalonicenses 2:10 ပူးပေါင်းရင်းမြစ်များ

1 Corintios 1:18

Ri tijonik pa ruwi' ri rukamik ri Cristo chuwech ri cruz, kan uchuq'a' ri nipe rik'in ri Dios chiqe roj ri qachapon bey richin kolotajik. Jak'a ri winaqi' ri xa pa tojbel-mak kichapon bey, chike rije', ri tijonik ri' xa ch'ujerik.

Wuj Richin Etamabel-Tzij 1:7

Ri wineq ri kan k'o rukiy ri Dios chuwech, chiri' k'a xtipe-wi ronojel ri runa'oj ri nik'atzin chire. Jak'a ri wineq nakanik kan nrixowaj ri na'oj y ri tijonik.

2 Pedro 2:12

Jak'a ri man e qitzij ta tijonela' kan e achi'el k'a chikopi' ri man yech'obon ta jebel, ri xe'alex xaxe richin yebechap-pe y yekamisex. Rije' itzel yech'on chirij ri xa man niq'ax ta chikiwech; roma ri' chuqa' xa xkekamisex achi'el ri chikopi'.

1 Corintios 16:22

Y wi k'o jun ri man najowan ta richin ri ajaw Jesucristo, tiqaqa k'a itzel oyonik pa ruwi'. ¡Kan katanpe k'a, ajaw!

Romanos 16:18

Roma rije' man ja ta ri rusamaj ri qajaw Jesucristo ri nikiben, xa ja ri nikajo' rije' ri nikiben. Rije' jebel taq ch'abel k'a ri yekibila' y roma ri' yalan utz nikak'axaj ri qach'alal ri man nikich'ob ta rij jebel, y chi'anin yeq'olotej-el pa kiq'a'.

2 Corintios 11:15

Xa roma ri', man k'ak'a' ta chi ri e rusamajela' nikibananej chi kan e samajela' richin ri ruchojmilal. Jak'a ri pa ruk'isibel xa xtikik'ul k'a ruk'ayewal, achi'el ri nuk'utuj ri itzel taq kibanobal.

Wuj Richin Etamabel-Tzij 8:17

Yin yenwajo' ri ye'ajowan wichin; y ri kan nikicha' kik'u'x richin yinkikanoj, kan chi'anin yinbekila-pe.

1 Timoteo 2:4

Rija' nrajo' chi kan ta qonojel niqetamaj ta ri qitzij y yojkolotej.

Efesios 4:14

Keri', man niqaya' ta q'ij chi yojuk'uex koma tijonik ri man e qitzij ta, achi'el nibanatej kik'in ri ak'uala' ri xabachike niq'olon kichin. Roma ri tijonela' ri' xa e q'olonela', y rik'in ri q'oloj ri' nikisech kik'u'x ri qach'alal.

2 Corintios 2:17

Roj man yojq'olon ta, ni man niqaben ta achi'el nikiben ri ch'aqa' chik, ri xa nikik'ayij ri ruch'abel ri Dios. Roj kan oj rusamajela-wi ri Dios ri yojruteq chubanik ri rusamaj, roma jun qabanon rik'in ri Cristo, y kan chuwech ri Dios niqaben ri samaj ri'.

2 Corintios 2:15

Y keri' roj, kan achi'el jubulej pom ri yojapon chuwech ri Dios, ri nusuj ri Cristo chire. Ri jubulej uxla' ri' kan napon-wi k'a kik'in konojel ri winaqi'; kik'in ri xkekolotej y kik'in chuqa' ri man xkekolotej ta.

Romanos 10:1

Wach'alal, nink'utuj chire ri Dios y ri rurayibel chuqa' ri wánima, ja ta chi ri nuwinaq yekolotej.

Romanos 6:17

Toq rubanon kan, xa xixok ix achi'el loq'on samajel pa ruq'a' ri mak. Jak'a re wakami matiox chire ri Dios chi rix rik'in ronojel iwánima xinimaj ri xink'ut chiwech.

San Juan 5:34

Re' ninnataj k'a apo chiwe, richin chi yixkolotej ta. Jak'a man k'atzinel ta chi xa jun wineq ri niq'alajirisan wichin.

San Juan 3:17

Roma ri Dios man xuteq ta pe ri ruk'ajol richin chi noruq'ata-tzij pa kiwi' ri winaqi' y noruya' ta ruk'ayewal ri richin jantape' pa kiwi'. Man keri' ta. Ri Dios xuteq-pe ri ruk'ajol, richin chi yojorukolo-qa chupan ri qamak.

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

Hebreos 3:13

Nik'atzin chi q'ij-q'ij nikuqubala' ik'u'x chi'iwachibil-iwi', roma k'a ruq'ijul na. Tibana' keri', richin chi man jun chiwe ri tiq'olotej roma ri mak y nikowirisaj ri iwánima.

1 Tesalonicenses 2:16

Pa ruwi' ri', toq roj xqajo' xqatzijoj ruch'abel ri Dios richin kolotajik chike ri winaqi' ri man e judío ta, rije' janila itzel xkina', roma man xkajo' ta chi xojbe kik'in. K'iy ri kimak ri qawinaq judío. Y roma ri' ri Dios ruya'on chik ruk'ayewal pa kiwi'.

2 Corintios 11:13

Roma rije' kan nikibananej chi e qitzij e taqon roma ri Cristo, jak'a xa e q'olonela'.

San Mateo 13:11

Ri Jesús xubij k'a chike: Chiwe rix kan ya'on k'a q'ij chi niwetamaj ronojel ri e ewatel chupan ri aj-chikajil ajawaren, jak'a chike re winaqi' re' man keri' ta.

2 Tesalonicenses 2:12

Richin keri' xtiqaqa ruk'ayewal pa kiwi', roma más xqa' chikiwech ri itzel banobel ke chuwech xkikuquba' ta kik'u'x rik'in ri qitzij.

2 Tesalonicenses 2:13

Jak'a roj beneq ruwech k'o chi yojmatioxin chire ri Dios iwoma rix qach'alal, ri janila yixajowex roma ri ajaw, roma kan pa rutikeribel-pe jari' toq xixrucha' yan richin yixkolotej chupan ri imak. Y xixkolotej roma xikuquba' ik'u'x rik'in ri qitzij, y roma ri rusamaj ri Loq'olej Espíritu.