2 Tesalonicenses 1:9 - Kaqchiquel Bible

⁹ Ri rutojbalil ri xtiya'ox chike kan richin jantape'. Y xke'elesex k'a el nej chire ri ajaw y chire ri ruk'ojlemal y ruchuq'a'.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Y ri castigo ndiyoꞌox chake kin nim, porque chin jumul, y ma ngebꞌekꞌojeꞌ ta chupan ri nimalej ruqꞌij ri Ajaw ri santienta ruchuqꞌaꞌ.

Kaqchikel Santa Maria de Jesus

⁹ Ri castigo ri xtiyoꞌx chica, can nem-ve y can richin nojiel tiempo xcaꞌcꞌujieꞌ chupan. Can man xcaꞌcꞌujieꞌ ta apa riqꞌuin ri Ajaf ri cꞌo ru-gloria y cꞌo ru-poder,

Kaqchikel Central Guatemala

⁹ Ri rutojbalil ri xtiya' chique yalan ruc'ayeval y richin jantape'. Y man c'a xquec'oje' ta apo riq'uin ri Ajaf ri c'o ruk'ij-ruc'ojlen y janíla ruchuk'a'. Y xque'elesex c'a el.

Re C'ac'a Testamento pa Kach'abal

⁹ Re castigo re xtiya' pa quive' camas rupokonal y chin nojel tiempo. Y man c'a xque'c'ue-ta-apo riq'uin re Ajaf re c'o ruk'ij y ru-poder. Xa xque'lisas-a chire'.

Kaqchikel Western Solola

⁹ Y ri rutojbalil c'a ri xtiya'ox (xtya') chique, can sibilaj ruc'ayewal y can riche (rixin) xtibe k'ij xtibe sek. Y xque'elesex c'a el y man c'a xquec'oje' ta apo riq'ui ri Ajaf ri c'o ruk'ij ruc'ojlen y c'o ruchuk'a'.

2 Tesalonicenses 1:9 ပူးပေါင်းရင်းမြစ်များ

San Mateo 25:41

Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

2 Tesalonicenses 2:8

jari' toq xtibek'ulun-pe ri itzel achin ri', jak'a ri ajaw Jesús xa xtuxupuj-el richin xtukamisaj, toq xtipe chik jun bey rik'in ri rusaqil ri ruk'ojlemal.

San Mateo 25:46

Y ri winaqi' ri' kan xkebe-wi k'a pa tijoj-poqonal richin jantape'. Jak'a ri chojmilej taq winaqi' xtikil k'a jun k'aslen ri man k'isel ta. Keri' k'a ri ch'abel ri xubij ri Jesús.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

Wuj Richin ri Isaías 2:21

Xtibanatej ronojel re' toq ri Jehová xtiyakatej richin nusiloj ri ruwach'ulew, y ri winaqi' xtikewaj-ki' chuxe' nima'q taq abej, chuqa' chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Filipenses 3:19

Ri pa ruk'isibel, rije' pa q'aq' k'a xkebeqaqa-wi, roma xa kan xaxe ri itzel taq rayinik ri nikiben. Rije' janila kinimirisan-ki' chubanik ri etzelal ri', ri xa ruk'amon ta richin yek'ix. Kan beneq k'a ri kánima chirij ri ek'o chuwech re ruwach'ulew.

San Mateo 16:27

Yin, ri xiqaqa-pe achi'el wineq chi'ikojol, kan xkipe chik k'a jun bey, y junan chik k'a nuq'ij-nuk'ojlen rik'in ri Tata'ixel y e wachibilan-pe ri nu-ángel. Y jari' toq xtinya' ruk'exel chike konojel winaqi' achi'el ri kibanobal.

San Mateo 7:23

Jari' toq yin xtinq'alajirisaj chike: Yin kan man jun bey k'a xinwetamaj iwech. Kixel-el re wawe', rix xa ix banoy taq etzelal, xkicha' chike.

Apocalipsis 20:14

Chirij ri' ri kamik y ri akuchi yemuq-wi ri kaminaqi' xek'aq chupan ri achi'el choy ri k'o q'aq' xolon rik'in chuwilej-abej chupan. Y ri q'aq' ri' ja ri' ri ruka'n kamik.

2 Pedro 3:7

Y chuqa' xubij chi re ruwach'ulew y ri kaj re yeqatz'et wakami, e yakon-apo roma rija', richin ri q'ij toq xtuya-pe q'aq' pa kiwi'. Y re' e yakon-apo, k'a toq ri Dios xtuq'et-tzij y xkeruk'is konojel ri man utz ta kik'aslen chuwech rija'.

San Lucas 13:27

Jak'a ri rajaw jay xtubij-pe chiwe: Xinbij yan chiwe chi man wetaman ta akuchi kixpe-wi. Kan tich'ara' k'a el iwi' wik'in yin, rix ri ix banoy-etzelal, xticha' ri ajaw.

Wuj Richin ri Isaías 66:24

Chirij re' xke'el-el richin xtikitz'et konojel winaqi' ri xeken roma xeyakatej chuwij yin. Y ri jut ri xkek'oje' chikij ri kich'akul man jun bey xkeken, y ri q'aq' ri achoq chupan xkebe-wi ri kaminaqi' ri' kan man jun bey xtichup. Y toq xtikitz'et konojel ri winaqi', kan xtimulun kik'u'x chirij. Yin Jehová ri yibin.

Wuj Richin ri Isaías 2:19

Toq ri Jehová xtiyakatej richin nusiloj ri ruwach'ulew, ri winaqi' xtikewaj-ki' chuxe' nima'q taq abej, y chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Wuj Richin ri Isaías 2:10

Roma ri' rix winaqi' tiwewaj-iwi' chikikojol nima'q taq abej, Tiwewaj-iwi' chuxe' taq jul. Tiwewaj k'a iwi' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

San Mateo 22:13

Roma ri' ri rey xubij chike ri rusamajela': Tixima-el ruq'a-raqen re jun achin re' y tibek'aqa' kan k'a kela' pa q'equ'm ri akuchi xaxe oq'ej y qach'ach'en eyaj k'o, xcha'.

Dn 12:2

E k'iy k'a awinaq ri e kaminaqi' chik el, ri xkek'astej chik pe; jujun xkek'astej-pe richin yek'ase' chik richin q'asen, y ch'aqa' chik xkek'astej-pe richin ruk'ixbilal y richin qasanri'il.

Wuj Richin ri Isaías 33:14

Ri pa tinamit Sión konojel winaqi' ri e aj-maki' kan janila xtikixibij-ki'. Konojel ri winaqi' ri maneq Dios chikiwech kan yebaybot roma xibinri'il. Rije' nikibij ri achike xtitikir xtikoch'on ri q'aq' ri', ri kan yaruk'is y man jun bey nichup.

Wuj Richin ri Rutikeribel 4:16

Xel k'a el ri Caín rachibilan ri rixjayil chiri' chuwech ri Jehová y ja ri pa taq ruwach'ulew rubini'an Nod*f6* xebek'oje-wi, y ri ruwach'ulew ri' k'o pa relebel-q'ij chire ri qejoj ri kan nik'ases.

Wuj Richin ri Rutikeribel 3:8

Y chupan k'a ri tiqaq'ij ri' ri Dios nibiyajilan chupan ri qejoj. Y rije' xkak'axaj y junanin xebe chukojol ri che' ri ek'o chiri' y xbekewaj-ki' chuwech rija'.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

Judas 1:13

Chuqa' ri winaqi' ri' xa e achi'el jun palou ri janila nisilon. Kan nibolqo't, y ri itzel taq kibanobal xa achi'el ri woqoq. E achi'el chuqa' ch'umila' ri e eleneq chik el chupan ri kibey ri akuchi k'o chi yesaqirisan-wi. Y roma ri' xa kan e oyoben chik roma ri q'equ'm, ri akuchi xkebek'oje-wi pa ruk'ayewal richin q'asen.

Hebreos 10:29

Y wi keri', ¿man nich'ob ta kami rix chi xa más ruk'ayewal niqaqa pa ruwi' ri wineq ri nuxolq'otij ri rubi' ri Ruk'ajol ri Dios, y nuben chi man jun rejqalen ri rukik'el ri xya'on rejqalen ri jikibel-tzij?, roma ja kik' ri' ri xch'ajch'ojirisan ri ruk'aslen. Chuqa' ri wineq ri nixolq'otin richin, kan nretzelaj chuqa' ri Loq'olej Espíritu ri niya'on utzil pa qawi'.

Tito 2:13

Roma qoyoben ri q'ij toq xtipe chik jun bey, y xtiq'alajin ri ruq'ij-ruk'ojlen ri nimalej qa-Dios Jesucristo ri qakolonel.

Wuj Richin Bix Chire ri Dios 51:11

Man tawelesaj-el ri Loq'olej Espíritu wik'in. Chuqa' man yinaya' kan nej.

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.

2 Pedro 2:17

Y ri man e qitzij ta tijonela' xa maneq kejqalen; xa e achi'el alaxbel-ya' ri xa chaqi'j chik, e achi'el sutz' ri uk'uan roma jun nimalej kaq'iq'. Ri Dios kan ruchojmirisan chik jun nimalej q'equ'm richin tijoj-poqonal chike rije'.

1 Tesalonicenses 5:3

Toq k'a man jani nipe ri Jesucristo, ri winaqi' xtikich'ob chi janila jebel kibanon, y xa jari' k'a toq chaq k'ate' xtoqaqa ri ruk'ayewal pa kiwi'. Xa xtikik'uluwachij achi'el ri nuk'uluwachij jun ixoq ri peteneq alanik chirij, ri chaq k'ate' nok'ulun ri ruq'axo'n. Y keri' k'a ri xtikik'uluwachij ri winaqi' ri', man xkekolotej ta chuwech ri ruk'ayewal.

San Juan 5:14

K'a juba' ri' ri Jesús xberila' chik ri achin ri' pa rachoch ri Dios, y xubij chire chi man chik timakun, richin man nipe ta chik jun yabail ri más k'ayew chirij.

San Mateo 26:24

Kan qitzij wi chi yin, ri xiqaqa-pe achi'el wineq chi'ikojol, kan xkibe-wi k'a pa kamik. Kan xtibanatej achi'el ri tz'ibatel kan. Jak'a toq'ex k'a ruwech ri xtijacho-el wichin yin; utz ta chi man ta xalex, xcha' ri Jesús.

San Mateo 24:30

Jari' toq ri chikaj xtitz'etetej ri wetal yin ri xiqaqa-pe achi'el wineq chi'ikojol, y k'ari' ri winaqi' xke'oq'. Jari' toq konojel k'a kiwech winaqi' ri ek'o chuwech re ruwach'ulew, xkinkitz'et chi ja yin ri yiqaqa-pe pa sutz' ri chila' chikaj, rik'in chik nimalej uchuq'a' y rik'in nimalej nuk'ojlemal.

Wuj Richin Bix Chire ri Dios 16:11

Xtak'ut k'a chinuwech ri bey richin k'aslen. Awik'in rat kan k'o kikoten richin jantape'. Kan jebel k'a ri k'aslen awik'in rat

Wuj Richin ri Achin Job 22:17

Rije' kan kibin k'a chire ri Dios chi keruya' kan kiyon, roma ri Dios ri k'o ronojel uchuq'a' pa ruq'a', man jun ruk'ayewal nitikir nuya' pa kiwi'.

Wuj Richin ri Achin Job 21:14

Rije' kan nikibij k'a chire ri Dios chi keruya' kan kiyon, roma man nikajo' ta nikak'axaj chirij ri rubeyal ri k'aslen ri nrajo' rija'.

Deut 33:2

Y xubij k'a: Ri Jehová k'a pa ruwi' ri juyu' Sinaí xpe-wi; kan k'a pa ruwach'ulew Seír oj rusaqirisan-pe; kan xyik'lun k'a pe pa ruwi' ri juyu' ri k'o pa Parán. Y pa 1,000 ángel ek'o rik'in, y pa rijkiq'a' ruk'amon-pe jun achi'el q'aq' nitzu'un.

Wuj Richin ri Isaías 1:28

Jak'a ri man e nimey ta tzij y ri e aj-maki' xa xkek'is, y chuqa' ri xkemalin kan wichin yin, kan xkeken.