2 Tesalonicenses 1:6 - Kaqchiquel Bible

⁶ Y yalan choj ri xtuben ri Dios toq xtuya' tijoj-poqonal pa kiwi' ri winaqi' ri yebanon chiwe chi rix nitej poqon.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Porque ri Dios pa ruchojmil ndubꞌen atoq nduyaꞌ rukꞌexel chake ri ngebꞌanun itzel chiwa.

Kaqchikel Santa Maria de Jesus

⁶ Ri Dios can choj-ve nuꞌon juzgar nojiel, rumareꞌ jajaꞌ xcaꞌruꞌon castigar ri vinak ri ncaꞌbꞌano chiva chi ntiꞌan sufrir.

Kaqchikel Central Guatemala

⁶ Y yalan choj ri nuben ri Dios. Roma can xtuya' chuka' tijoj-pokonal pa quivi' ri vinek ri yebanon chive chi nitej pokonal. Can xtuben c'a chique chi niquitej pokon chuka' rije'.

Re C'ac'a Testamento pa Kach'abal

⁶ Y re Dios otz rubiyal nuban. Roma can xtuya' chuka' tijoj-pokonal pa quive' re vinak re ye'bano chiva che nitaj pokan. Can xtuban chuka' chique reje' che niquitaj pokan.

Kaqchikel Western Solola

⁶ Y can choj nuben ri Dios. Ruma can xtuya' chuka' tijoj pokonal pa quiwi' ri winek ri yebano chiwe chi nitij pokon pa quik'a'.

2 Tesalonicenses 1:6 ပူးပေါင်းရင်းမြစ်များ

Colosenses 3:25

Jak'a ri yebanon etzelal, xtikik'ul rutojbalil roma ri etzelal nikiben. Roma ri Dios man nutzu' ta ri wineq wi k'o ruq'ij o maneq.

Wuj Richin ri Zacarías 2:8

Ri Jehová k'iytisanel richin ronojel in rutaqon-pe richin ninbij chike ri tinamit ri xe'eleq' chupan ri tinamit Sión y xubij: Xabachike k'a xtinaqo ri tinamit Sión, kan achi'el xa ta chuwe yin nuben-wi.

Apocalipsis 6:10

Y rije' kan rik'in uchuq'a' nikibij: Loq'olej y qitzij qajaw, ¿k'a jampe' k'a xtaq'et-tzij pa kiwi' ri winaqi' ri ek'o chuwech ri ruwach'ulew? ¿K'a jampe' k'a xtaya' ruk'exel chike roma ri qakamik?, yecha'.

Apocalipsis 19:2

Roma ri ruq'atbal-tzij rija' kan qitzij y choj; kan xuya' ruk'ayewal pa ruwi' ri ixoq itzel ruk'aslen, ri xbanon chike ri winaqi' ri ek'o chuwech ri ruwach'ulew richin xeqaqa pa mak, xuya' ruk'ayewal pa ruwi' roma xerukamisaj ri rusamajela' ri Dios, yecha'.

Wuj Richin ri Isaías 49:26

Chuqa' chike ri yetz'ilo iwichin, kan xtinben richin xtikitej-qa-ki' rije', y kan xkeq'aber rik'in ri kikik'el rije' ri xtikiqum, achi'el toq yeq'aber rik'in ri vino. Xtibanatej ronojel re' richin chi'iwonojel xtiwetamaj chi ja yin Jehová, ri in kolonel, ri xiloq'on iwichin, ri k'o nimalej uchuq'a' wik'in richin yixinto' rix israelita.

Ex 23:22

Y wi rix kan ninimaj ri rutzij rija' y niben ronojel ri nubin chire rija' chi k'o chi niben rix, wi keri' yin kan xtinpaba-wi' chikiwech ri ye'etzelan iwichin y xtinya' tijoj-poqonal pa kiwi' ri yebanon chiwe richin nitej poqon.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

Apocalipsis 11:18

Ri tzobaj winaqi' richin re ruwach'ulew yakatajineq koyowal chawij, jak'a kan xoqaqa ri q'ij richin chi ri awoyowal rat xqaqa pa kiwi' rije'. Kan xoqaqa ri q'ij richin naq'et-tzij pa kiwi' ri kaminaqi'. Q'ij richin chi xtaya' rajel ruk'exel chike ri asamajela' y ri e q'alajirisey ri ach'abel, chike ri awalk'ual y ri yeya'on aq'ij, chi ch'uti'q chi nima'q. Kan xoqaqa k'a chuqa' ri q'ij chi rat ye'ak'is ri winaqi' ri yebanon chire ri ruwach'ulew richin nik'is, yecha'.

Apocalipsis 18:24

Kan chupan k'a ri tinamit ri' xbiyin-wi ri kikik'el ri e q'alajirisey ruch'abel ri Dios, ri kik' kichin ri loq'olej ralk'ual ri Dios, y konojel ri e kamisan-el chuwech re ruwach'ulew.

Wuj Richin ri Molojri'il 3:17

Y roma ri' yin xinch'ob pa wánima, ri choj kik'aslen y ri man choj ta kik'aslen ja ri Dios xtibeq'aton-tzij pa kiwi' roma kan xtapon k'a ruq'ijul richin nibanatej ronojel ri'.

Wuj Richin ri Jeremías 50:29

Ke'iwoyoj k'a konojel ri aj-ch'ab, richin chi nibekibana' oyowal kik'in ri aj-Babilonia. Tisutij k'a rij ri tinamit richin chi man jun nanimej-el. Tiya' k'a ri rutojbalil pa kiwi' achi'el ri ruk'amon. Tibana' k'a kik'in achi'el ri xkiben rije', roma kan xkinimirisaj-ki' chinuwech yin, Jehová ri loq'olej Dios richin ri tinamit Israel.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.