2 Tesalonicenses 1:5 - Kaqchiquel Bible

⁵ Ronojel re' nuq'alajirisaj chi ri Dios kan choj wi nuq'et-tzij, y nuk'ut chi rix kan ruk'amon chi yixok pa rajawaren. Y roma ri' toq rix nik'owisaj tijoj-poqonal re wakami.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Y rikꞌin ri keriꞌ ndiqꞌasaj pa ikꞌaslen, ndiqꞌalajin chi ri Dios pa ruchojmil nduqꞌet tzij, ndiqꞌalajin chuqaꞌ chi pa ruwech rijaꞌ rukꞌulun chi ngixok chupan ri ru-reino, ri achoq roma ndiqꞌasaj kꞌayew wokami.

Kaqchikel Santa Maria de Jesus

⁵ Riqꞌuin reꞌ nikꞌalajin chi ri Dios can choj-ve nuꞌon juzgar nojiel. Y nucꞌut chi rakalien chi nquixuoc pa ru-reino ri Dios, mareꞌ ntiꞌan sufrir vacame.

Kaqchikel Central Guatemala

⁵ Ri Dios can choj vi nuk'et tzij. Y romari' ruyo'on ivuchuk'a' richin chi ix tiquirinek icoch'on ri tijoj-pokonal, richin queri' ruc'amon chi yixoc pa rajavaren o pa ruk'a' ri Dios. Xa roma c'a ri' tok rix nic'ovisaj pokonal re vacami.

Re C'ac'a Testamento pa Kach'abal

⁵ Roma re Dios can choj-va nuban juzgar. Y mare' ruyi'on ivuchuk'a' chin che yex icoch'on re tijoj-pokonal, chin quire' ruc'amon che yixoc pa ruk'a' re Dios. Xa roma re' tak yex nik'asaj tijoj-pokonal vocame.

Kaqchikel Western Solola

⁵ Y riq'ui c'a re' nik'alajin wi chi ri Dios can pa ruchojmilal wi nuk'et tzij. Y rumari' ruya'on iwuchuk'a' riche (rixin) chi riyix yix cowinek icoch'on ri tijoj pokonal ri', riche (rixin) chi queri' can ruc'amon chi yixoc pa rajawaren ri Dios ri achoj ruma nik'axaj tijoj pokonal re wacami.

2 Tesalonicenses 1:5 ပူးပေါင်းရင်းမြစ်များ

Wuj Richin ri Achin Job 8:3

¿Nuben kami ri Dios chi nuxotoba' rubanik ri ruq'atoj-tzij? ¿Nuben kami rija', ri k'o ronojel uchuq'a' pa ruq'a', chi nuxotoba' rubanik ri chojmilal?

Wuj Richin Bix Chire ri Dios 111:7

Ronojel ri nuben rija', jari' ri qitzij y kan pa ruchojmilal. Ri nubij chupan ri rupixa' kan jari' k'a ri nuben.

Wuj Richin Bix Chire ri Dios 33:5

Rija' kan niqa' k'a chuwech chi kan xaxe ta ri ruchojmilal nibanatej. Y re ruwach'ulew kan nojineq k'a chire ri rajowabal ri man k'isel ta.

Wuj Richin Bix Chire ri Dios 50:6

K'ari' ri kaj xtuq'alajirisaj k'a ri ruchojmilal richin rija', roma kan ja ri Dios ri qitzij q'atoy-tzij.

Wuj Richin Bix Chire ri Dios 72:2

richin rija' xtiq'aton-tzij pa ruwi' ri tinamit, y richin xtuya' ruchojmilal pa kiwi' ri yetz'ilox.

Wuj Richin Bix Chire ri Dios 99:4

Ri rey kan niqa' chuwech ri ruchojmilal. Kan ja rija' ri yoyon re ruchojmilal re' pan Israel. Kan xuben k'a ri ruchojmilal y ri q'atoj-tzij pa kiwi' ri winaqi' israelita.

Wuj Richin ri Jeremías 9:24

Jak'a wi k'o ta jun ri nuna' ri' chi runimirisan-ri', kan tunimirisaj k'a ri' roma retaman chi ja yin Jehová y kan ronojel ninben rik'in ajowabel, ruchojmilal y joyowanik, roma kan jari' ri niqa' chinuwech. Yin Jehová ri yibin.

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

San Lucas 20:35

Jak'a ri ya'on q'ij chike richin ye'ok pa rajawaren ri Dios, y ri xkek'astej-el chikikojol ri kaminaqi', man xkek'ule' ta chik, ni man xkeyatej ta chuqa' el kimi'al-kik'ajol richin yek'ule'.

San Lucas 21:36

Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

Hechos 13:46

Ri Pablo y ri Bernabé man k'a xkixibij ta ki' chikiwech richin xech'on kik'in y xkibij: Kan nik'atzin k'a chi nabey na chiwech rix ri qawinaq noqabij-wi ri ruch'abel ri Dios, jak'a rix xa man niqa' ta chiwech. Rik'in ri' kan niq'alajin k'a chi man ruk'amon ta chiwe rix ri k'aslen ri man k'isel ta. Roma ri' kik'in ri winaqi' ri man e judío ta ri yojbe-wi.

Hechos 14:22

Ri tinamit ri xebeq'ax-wi-pe, xkikuqubala' k'a kan kik'u'x ri qach'alal, y xkibila' kan chike chi tikuqer kik'u'x rik'in ri Jesucristo. Nikibila' k'a chi rik'in tijoj-poqonal ye'ok pa rajawaren ri Dios.

Romanos 2:5

Xa kowirineq ri iwánima, y man niwajo' ta niya' kan ri mak. Y rik'in ri', xa nimol ruk'ayewal chiwij. Kan xtiqaqa k'a ri royowal ri Dios pan iwi' chupan ri q'ij toq rija' xtuq'et-tzij.

Romanos 8:17

Y roma oj ralk'ual chik ri Dios, roj kan xqojichinan k'a chuqa' junan rik'in ri Cristo. Jak'a nik'atzin chi man tiqapoqonaj niqatej poqon, achi'el xutej poqon rija', richin keri' xtiqak'ul qaq'ij junan rik'in rija'.

Efesios 4:1

Y roma ri' yin, ri xinok pa cárcel roma ninsamajij ri Dios, ninbij chiwe chi nik'atzin nik'uaj jun k'aslen ri ruk'amon, roma ja ri Dios ri xoyon qichin richin xojok ralk'ual.

Filipenses 1:28

Chuqa' man k'a tixibij-iwi' chikiwech ri ye'etzelan iwichin, keri' xtibeq'alajin-pe chi rix iwilon chik ri kolotajik. Y rije' xa e richin chik ri tojbel-mak. Y re' kan ja ri Dios ri banayon-pe richin kan keri' xtibanatej.

Colosenses 1:12

Niqajo' chi kan kixmatioxin chire ri Tata'ixel, roma rubanon chiqe qonojel chi ruk'amon richin niqichinaj ri k'o chila' chikaj. Junan k'a xqojichinan kik'in ri ch'aqa' chik ralk'ual ri Dios, ri chiri' chupan ri ajawaren richin saqil.

1 Tesalonicenses 2:14

Qach'alal, rix xiben achi'el nikiben ri ch'aqa' chik molaj qach'alal. Rix xban poqon chiwe koma ri iwinaq, achi'el xban chike ri molaj qach'alal judío koma ch'aqa' chik judío ri man kikuquban ta kik'u'x rik'in ri Cristo.

2 Tesalonicenses 1:11

Roma ri' beneq-ruwech yojch'on rik'in ri Dios pan iwi' rix, richin chi xtuben ta chiwe chi yixtikir nik'uaj jun k'aslen utz ri ruk'amon chiwe chi'iwonojel ri xojoyox roma rija'. Y xtuben ta chiwe chi yixtikir niben ronojel ri utz ri nirayij, y ri samaj ri ichapon roma ikuquban ik'u'x rik'in ri Jesucristo.

2 Timoteo 2:12

Wi niqakoch' tijoj-poqonal roma rija', napon na ri q'ij toq junan xtiqaq'et-tzij rik'in. Y wi niqabij chi man qetaman ta ruwech, chuqa' rija' xtubij chi man retaman ta qawech.

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

Apocalipsis 16:7

Y jari' toq yin xinwak'axaj chi k'o jun ri nich'on-pe rik'in ri porobel, y nubij: Kan keri' wi ajaw Dios ri k'o ronojel uchuq'a' awik'in, kan niq'alajin k'a chi ri aq'atbel-tzij kan qitzij y kan choj, xcha'.

Apocalipsis 19:2

Roma ri ruq'atbal-tzij rija' kan qitzij y choj; kan xuya' ruk'ayewal pa ruwi' ri ixoq itzel ruk'aslen, ri xbanon chike ri winaqi' ri ek'o chuwech ri ruwach'ulew richin xeqaqa pa mak, xuya' ruk'ayewal pa ruwi' roma xerukamisaj ri rusamajela' ri Dios, yecha'.

Apocalipsis 3:4

Man rik'in-wi-ri, ri chiri' pa Sardes k'a ek'o jujun ri man kitz'ilobisan ta ri kitziaq.Y jere' k'a ri xkebiyin wik'in yin, kikusalon seq taq tzieq, roma jari' ruk'amon chike.