2 Sam 9:7 - Kaqchiquel Bible

⁷ Y ri David xubij chire: Man naxibij-awi', roma yin kan xtinjoyowaj awech roma ri ajowabel ri xk'oje' chiqakojol rik'in ri atata' Jonatán. Y roma ri' xtintzolij chik k'a chawe ri ulew ri richin kan ri amama'. Y chuqa' kan jantape' xkawa' wik'in yin, xcha'.

2 Sam 9:7 ပူးပေါင်းရင်းမြစ်များ

Wuj Richin ri Rutikeribel 43:18

jak'a rije' xa janila xkik'en rukiy y toq ye'apon yan pa rachoch, xkibij-qa chikiwech: Xojk'amer-pe wawe' roma ri méro ri xtzolix-el chiqe chupan ri qa-costal toq xojpe pa nabey mul. Wakami xqojkichop y xtikiben chi xqojxime' kan pa samaj re wawe' y chuqa' ri qabur xkekikusaj richin samaj, xecha' chikiwech.

Wuj Richin ri Rutikeribel 43:23

Y ri samajel xubij chike: Tik'oje' uxlanen pan iwánima y man tixibij-iwi', ri i-Dios, ri ru-Dios chuqa' ri itata', jari' ri xsipan ri beyomel ri' chupan ri i-costal. Roma yin kan xink'ul kan ri méro chuwi-iq'a', xcha' chike. K'ari' xberelesaj-pe ri Simeón y xuk'en-pe k'a kik'in ri rach'alal.

2 Sam 12:8

Xinya' ri rachoch pan aq'a', chuqa' ri ixoqi' ri e richin kan rija'. Chuqa' xinya' chawe ri ajawaren richin ri Israel y ri Judá. Y wi ta ti juba' ok re', yin kan xinya' ta chik más chawe.

2 Sam 19:28

Roma qonojel ri oj aj pa rachoch kan ri numama' kan ruk'amon chi xojakamisaj ta. Man rik'in ri' rat xinawoyoj richin junan yiwa' awik'in pa mesa. ¿Achike ta k'a xtinbij yin chawe rat nu-rey ri k'o chi naben wik'in yin?, xcha'.

2 Sam 19:29

Y ri rey xubij chire: Man nik'atzin ta k'a chi niqabij más ch'abel. Roma wakami ninbij yin chi tich'ara' chiwech rik'in ri Sibá ronojel ri awulew, xcha'.

2 Sam 19:33

Toq man jani keq'ax-pe chupan ri raqen-ya', ri David xubij chire ri Barzilai chi junan keq'ax-apo chupan ri raqen-ya' y tibe rik'in pa Jerusalem, y chiri' nik'oje-wi rik'in.

2 Sam 21:7

Jak'a ri David xukol kan ri ruk'aslen ri Mefi-bóset ruk'ajol kan ri Jonatán, y rumam kan ri Saúl, roma ri ya'on-tzij ri xkiben chuwech ri Jehová ri xk'oje' chikikojol ri David y ri Jonatán.

2 Sam 9:1

K'o k'a jun q'ij ri David xuk'utuj chi wi k'o ta jun chike ri e rijatzul ri rey Saúl ri k'a k'es kan. Keri' xubij roma nrajo' nuben utzil chire roma ri ajowabel ri xk'oje' rik'in ri Jonatán toq xk'ase'.

2 Sam 9:10

Jak'a rat, ri awalk'ual y ri asamajela' ri xkixsamajin ronojel re ulew re', y xtayek ronojel ri xtuwachij, richin chi ri e aj pa rachoch rija' k'o kiway. Jak'a rija' xtiwa' ronojel mul wik'in yin, xcha'. Y ri Sibá ek'o e wolajuj ralk'ual y e juwineq rusamajela'.

2 Sam 9:11

Y ri Sibá xubij chire ri David chi kan xtibanatej ronojel achi'el ri xubij. Y ri Mefi-bóset kan xwa' k'a rik'in ri David achi'el jun chike ri ralk'ual.

2 Sam 9:13

Y ri Mefi-bóset chiri' k'a pa Jerusalem xk'oje-wi roma ronojel mul niwa' rik'in ri rey. Y re achin re' chi ka'i' raqen e xotoxik y man nitikir ta nibiyin.

2 Sam 9:3

Ri David xuk'utuj chire wi rija' retaman chi wi k'a k'o ta kan jun chire ri rijatzul kan ri Saúl, ri k'a k'es na, richin xtujoyowaj ruwech pa rubi' ri Dios. Y ri Sibá xubij chi k'a k'es kan jun ruk'ajol ri Jonatán. Y ri ruk'ajol ri' e xotoxik chi ka'i' raqen.

1 Rey 2:7

Jak'a ri e ralk'ual ri Barzilai ri aj-Galaad, kan tajoyowaj kiwech, y taya' q'ij chike chi yewa' junan awik'in pa mesa, roma ja rije' xeto'on wichin toq yin in animajineq-el chuwech ri awach'alal Absalón.

2 Rey 25:29

Y keri' ri Joaquín man xukusaj ta chik tzieq ri nikikusaj ri samajela' e yuqul pa samaj. Xa ja ri rutziaq rija' ri xukusaj, y kan rik'in k'a ri rey xwa-wi chupan chijun ruk'aslen.

Wuj Richin Bix Chire ri Dios 41:9

Jajun ri wachibil ri achoq ik'in nukuquban-wi nuk'u'x, y chuqa' kan wik'in yin nutej-wi ruway, kan xyakatej chuwij.

Wuj Richin ri Jeremías 52:33

Keri' ri Joaquín man xukusaj ta chik ri tzieq ri xukusaj pa cárcel y kan xwa' k'a rik'in ri rey janipe' q'ij xk'ase-el.

Wuj Richin ri Zacarías 7:9

Yin Jehová k'iytisanel richin ronojel ri yibin. Toq xtiq'et-tzij, kan tibana' k'a pa ruchojmilal. Kan xkixajowan k'a y tik'oje' k'a joyowanik chi'ikojol.

San Mateo 6:11

Tabana' utzil taya' chuqa' ri qaway ri nik'atzin chiqe ronojel q'ij.

San Lucas 22:30

richin keri' xkixwa' y xkixuk'ya' junan wik'in pa mesa, ri pa wajawaren. Y chiri' rix xkixok k'a q'atoy-tzij pa kiwi' ri kablajuj tzobaj richin ri tinamit Israel, xcha'.

Apocalipsis 3:20

Roma yin kan jare' k'a ink'o chik chuchi' ri iwachoch y yinoyon chik apo. Achike k'a ri xtak'axan-pe wichin y nujeq ri ruchi' jay chinuwech, xkinok-apo rik'in, xkiwa' rik'in y rija' xtiwa' wik'in yin.

1 Sam 12:24

Xaxe k'a nik'atzin chi kan nik'oje' rukiy ri Jehová chiwech y kan qitzij tisamajij rik'in ronojel iwánima. Kan toqaqa chi'ik'u'x ronojel ri rubanon iwik'in rix.

1 Sam 20:15

Y wi xa ta ja yin in kamineq chik, tajoyowaj k'a kiwech ri aj pa wachoch, y kan ke'awajo' richin jantape', toq ri Jehová xkerelesaj-el chikijujunal ri etzelanel awichin chuwech re ruwach'ulew. Chuqa' man taya' q'ij richin ri nubi' nelesex o nimestex chupan ri awachoch, xcha' ri Jonatán.

1 Sam 22:23

Wakami k'a kak'oje' kan wik'in yin, y man taxibij-awi'. Ri achike najowan nikamisan awichin rat, chuqa' nrajo' yirukamisaj yin. Kak'oje' k'a wawe' wik'in yin y man jun xtak'uluwachij, xcha' ri David chire.