2 Sam 9:3 - Kaqchiquel Bible

³ Ri David xuk'utuj chire wi rija' retaman chi wi k'a k'o ta kan jun chire ri rijatzul kan ri Saúl, ri k'a k'es na, richin xtujoyowaj ruwech pa rubi' ri Dios. Y ri Sibá xubij chi k'a k'es kan jun ruk'ajol ri Jonatán. Y ri ruk'ajol ri' e xotoxik chi ka'i' raqen.

2 Sam 9:3 ပူးပေါင်းရင်းမြစ်များ

2 Sam 4:4

Y k'o k'a jun ruk'ajol kan ri Jonatán, ri ruk'ajol kan ri Saúl rubini'an Mefi-bóset, ri wo'o' rujuna' toq xeken ri Saúl y ri Jonatán. Ri ixoq ri nitz'eton richin, toq xrak'axaj ri rutzijol ri' ri peteneq pa Jezreel, xuch'elej-el ri ak'ual richin nanimej. Y roma k'a anineq beneq, xutzeq-el. Y roma ri' ri ak'ual xok kan jetz'.

San Lucas 6:36

Tijoyowaj kiwech ri winaqi', kan achi'el ri nujoyowaj qawech roj ri qatata' Dios.

Deut 10:15

Y man rik'in ri', kan xuya' k'a ri rajowabal pa kiwi' ri qati't-qamama', roma ri' xojrucha' roj ri oj kijatzul kan rije' chikikojol konojel ri winaqi', achi'el rubanon wakami.

2 Sam 19:26

Y rija' xubij: Wajaw, rat awetaman chi yin xa man yitikir ta yibiyin. Y roma ri' xinbij chire ri nusamajel chi tuchojmirisaj ri ti nubur richin yich'oke-el chirij richin yatintzeqelibej. Jak'a rija' xa xiruq'ol kan.

Deut 4:37

Rija' xerajo' ri qati't-qamama' y roma ri' xojrucha' roj y rik'in ri ruchuq'a' xojrukol pa ruq'a' ri Egipto.

2 Sam 9:7

Y ri David xubij chire: Man naxibij-awi', roma yin kan xtinjoyowaj awech roma ri ajowabel ri xk'oje' chiqakojol rik'in ri atata' Jonatán. Y roma ri' xtintzolij chik k'a chawe ri ulew ri richin kan ri amama'. Y chuqa' kan jantape' xkawa' wik'in yin, xcha'.

2 Sam 9:13

Y ri Mefi-bóset chiri' k'a pa Jerusalem xk'oje-wi roma ronojel mul niwa' rik'in ri rey. Y re achin re' chi ka'i' raqen e xotoxik y man nitikir ta nibiyin.

2 Sam 19:27

Man xaxe ta k'a xiruq'ol kan, xa kan xutz'uk chuqa' tzij chuwij chawech rat wajaw. Jak'a rat kan janila na'oj k'o awik'in achi'el jun ángel richin ri Dios. Y roma ri' kan tabana' k'a ri utz nuben chawech rat.