2 Sam 9:11 - Kaqchiquel Bible

¹¹ Y ri Sibá xubij chire ri David chi kan xtibanatej ronojel achi'el ri xubij. Y ri Mefi-bóset kan xwa' k'a rik'in ri David achi'el jun chike ri ralk'ual.

2 Sam 9:11 ပူးပေါင်းရင်းမြစ်များ

2 Sam 19:26

Y rija' xubij: Wajaw, rat awetaman chi yin xa man yitikir ta yibiyin. Y roma ri' xinbij chire ri nusamajel chi tuchojmirisaj ri ti nubur richin yich'oke-el chirij richin yatintzeqelibej. Jak'a rija' xa xiruq'ol kan.

2 Sam 19:17

Rija' e ruk'uan-el e 1,000 achi'a' aj-Benjamín, y chuqa' ri Sibá ri samajel pa rachoch kan ri Saúl, e rachibilan-el e wolajuj ruk'ajol y e juwineq rusamajela'. Xkiq'axaj k'a apo ri raqen-ya' richin xe'apon rik'in ri rey David.

2 Sam 9:10

Jak'a rat, ri awalk'ual y ri asamajela' ri xkixsamajin ronojel re ulew re', y xtayek ronojel ri xtuwachij, richin chi ri e aj pa rachoch rija' k'o kiway. Jak'a rija' xtiwa' ronojel mul wik'in yin, xcha'. Y ri Sibá ek'o e wolajuj ralk'ual y e juwineq rusamajela'.

2 Sam 9:12

Y ri Mefi-bóset k'o k'a jun ti ruk'ajol ri rubini'an Micaías. Keri' konojel ri e aj pa rachoch ri Sibá xe'ok samajela' richin ri Mefi-bóset.

2 Sam 9:13

Y ri Mefi-bóset chiri' k'a pa Jerusalem xk'oje-wi roma ronojel mul niwa' rik'in ri rey. Y re achin re' chi ka'i' raqen e xotoxik y man nitikir ta nibiyin.

2 Sam 19:24

Chuqa' ri Mefi-bóset ri rumam kan ri rey Saúl xbe richin xberuk'ulu' ri David, y kan man atiwineq ta k'a, ni man ruchojmirisan ta ri rusumal-ruchi', ni man jalowineq ta. Kan keri' k'a xuch'ob richin nuben chupan ri q'ij toq xbe ri rey k'a toq xtzolin chik na rik'in uxlanibel-k'u'x.

2 Sam 15:15

Y ri e tata'al xkibij chire chi kan xtikiben ronojel ri xubij rija' chike.