2 Sam 9:1 - Kaqchiquel Bible

¹ K'o k'a jun q'ij ri David xuk'utuj chi wi k'o ta jun chike ri e rijatzul ri rey Saúl ri k'a k'es kan. Keri' xubij roma nrajo' nuben utzil chire roma ri ajowabel ri xk'oje' rik'in ri Jonatán toq xk'ase'.

2 Sam 9:1 ပူးပေါင်းရင်းမြစ်များ

1 Sam 20:42

K'ari' ri Jonatán xubij chire: Kabiyin k'a rik'in uxlanibel-k'u'x roma chi oj ka'i' xqaya' yan qatzij pa rubi' ri Jehová. Ja ri Jehová ri xtik'oje' awik'in rat y xtik'oje' wik'in yin. Y kan ja rija' xtik'oje' kik'in ri awijatzul rat y keri' chuqa' kik'in ri e wijatzul yin, xcha'. Xbe k'a ri David, y ri Jonatán xtzolej kan pa tinamit.

San Mateo 25:40

Y yin ri in rey xtinbij k'a: Kan qitzij wi k'a ri ninbij chiwe chi roma keri' xiben kik'in ri wach'alal ri maneq kiq'ij, xa kan chuwe k'a yin xiben-wi ri utzil xiben chike, xkicha'.

1 Pedro 3:8

Pa ruk'isibel ninbij chiwe chi chi'iwonojel xa jun iwech tibana', kan tina' chuqa' rix ri q'axo'n ri nuna' ri iwach'alal. Tiwajowala-iwi' chi'iwach'alal. Tijoyowala' iwech y man tinimirisaj-iwi'.

Marcos 9:41

Xabachike k'a ri nuben utz iwik'in pa nubi' yin, stape' xa juba' iya' ri nuya', kan qitzij k'a chi kan k'o rajel-ruk'exel xtuk'ul roma ri', xcha'.

1 Rey 2:7

Jak'a ri e ralk'ual ri Barzilai ri aj-Galaad, kan tajoyowaj kiwech, y taya' q'ij chike chi yewa' junan awik'in pa mesa, roma ja rije' xeto'on wichin toq yin in animajineq-el chuwech ri awach'alal Absalón.

2 Sam 1:26

Yin yibison janila awoma rat Jonatán, roma rat kan at achi'el jun wach'alal. Kan janila k'a at jebel xaben wik'in; janila jebel ri awajowabal ri xak'ut chinuwech yin; kan más k'a jebel chuwech ri kajowabal ri ixoqi'.

Wuj Richin Etamabel-Tzij 27:10

Ri awachibil rat y ri e rachibil ri atata', kan man k'a ke'amestaj, roma ri q'ij toq xkaqaqa pa jun ruk'ayewal, man nik'atzin ta chi ja na ri rachoch ri awach'alal ri nakanoj; kan achi'el nubij ri tzij: Más nitikir yaruto' jun wineq ri k'o naqaj, ke chuwech ri awach'alal ri xa nej k'o-wi.

San Mateo 10:42

Xabachike k'a wineq ri xa stape' juba' ruya' nusipaj chire ri más ruqasan-ri' chike ri nutijoxela' yin, kan qitzij k'a ninbij chiwe chi kan k'o-wi rajel ruk'exel ri xtuk'ul, xcha' ri Jesús.

2 Sam 9:7

Y ri David xubij chire: Man naxibij-awi', roma yin kan xtinjoyowaj awech roma ri ajowabel ri xk'oje' chiqakojol rik'in ri atata' Jonatán. Y roma ri' xtintzolij chik k'a chawe ri ulew ri richin kan ri amama'. Y chuqa' kan jantape' xkawa' wik'in yin, xcha'.

2 Sam 21:7

Jak'a ri David xukol kan ri ruk'aslen ri Mefi-bóset ruk'ajol kan ri Jonatán, y rumam kan ri Saúl, roma ri ya'on-tzij ri xkiben chuwech ri Jehová ri xk'oje' chikikojol ri David y ri Jonatán.