2 Sam 8:6 - Kaqchiquel Bible

⁶ Chirij ri' ri David xeruyala' tzobaj chajinela' chupan chijun ri ruwach'ulew Siria. Y ri aj-Siria xe'ok rusamajela' ri David, y kan k'o chi xkitoj chire ri k'atzinel. Keri' ri Jehová xuya' k'a ch'akonik chire ri David xabakuchi xbe-wi.

2 Sam 8:6 ပူးပေါင်းရင်းမြစ်များ

2 Sam 10:19

Toq xkitz'et konojel ri rey, ri yeto'on richin ri Hadad-ézer chi ri israelita xech'akon, jari' xkitun-apo-ki' kik'in ri aj-Israel richin xekisamajij. Y kan jari' toq ri aj-Siria man xekito' ta chik ri amonita roma xibinri'il.

2 Sam 23:14

y ri ch'aqa' chik ek'o-qa pa Belén. Jak'a ri David k'o chiri' akuchi nikito-wi-ki' ri aj-labal.

2 Sam 3:18

Wakami k'a, kan keri' xtibanatej, roma ri Jehová xch'on yan rik'in ri David y xubij chire chi k'a ja rija' xtikolon ri tinamit Israel pa kiq'a' ri aj-Filistea y pa kiq'a' konojel ri e etzelanel qichin, xcha' chike.

2 Sam 5:10

Y ri rajawaren ri David kan q'ij-q'ij más beneq runimirinen, roma ri Jehová, Dios k'iytisanel richin ronojel k'o rik'in.

2 Sam 7:9

Y kan ink'o k'a pe awik'in xabakuchi at beneq-wi, y kan e nuch'akon konojel ri etzelanel awichin. Wakami k'a, kan xtinnimirisaj ri abi' achi'el ri kibi' ri e nima'q taq achi'a' ri ek'o wawe' chuwech re ruwach'ulew.

2 Sam 8:14

Xeri' xeruyala' tzobaj chajinela' pa ruwach'ulew Edom. Y konojel ri aj-Edom xek'oje' chuxe' ri q'atbel-tzij richin ri David. Keri' ri Jehová kan xuya' ch'akonik chire ri David xabakuchi xbe-wi.

2 Sam 8:2

Y xeruch'ek chuqa' ri aj-Moab, y xuben chike ri aj-labal chi xejupe-qa pan ulew pa jun cholaj. K'ari' xuben chi ri ruwinaq xkirik' jun kolo' pa kiwi', y xretaj jun tzobaj ri aj-Moab. Y ri achi'a' ri' xekolotej-el. K'ari' xretaj chik ka'i' mul, y janipe' chike ri achi'a' ri e jupul chuxe' ri kolo', jari' ri xekamisex. Keri' xuben chike k'a xeruk'is na konojel ri e jupul chiri'. Y roma ri' ri aj-Moab xe'ok rusamajela' ri David, y k'o chi xkitoj chire ri k'atzinel.

2 Sam 8:7

Ri David xumej-el chuwi-kiq'a' ri aj-raqen pa kiwi' ri aj-labal aj-Siria ri tobel e banon rik'in q'anapueq. Ronojel re' xuk'uaj-el pa Jerusalem.

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

2 Rey 1:1

Toq xken yan ri rey Acab, ri winaqi' aj-Moab xeyakatej chikij ri israelita stape' ek'o chuxe' ri kiq'atbal-tzij.

2 Rey 14:28

Y ri Jeroboam xuben k'iy labal y kan xuch'ek. Chuqa' xeruk'en chik kan ri ruwach'ulew Damasco y ri Hamat. Y ronojel ri xuben tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 18:7

Ri Jehová kan xk'oje' k'a rik'in rija', y xabakuchi nibe-wi richin nuben oyowal, kan utz k'a nel chuwech ronojel ri nuben. Y kan xyakatej k'a chirij ri rey richin Asiria y kan man xrilij ta ri rey ri'.

2 Rey 3:4

Ri rey richin ri ruwach'ulew Moab rubini'an Mesá; rija' rajaw jun nimalej tzobaj awej, y kan nutoj ri k'o chi nitoj chire ri rey richin Israel. Ronojel juna' nuya' 100,000 alaji' taq karne'l y ri kisumal e 100,000 achija' karne'l.

1 Crón 18:13

Y ri David xeruya' kan chajinela' chijun ri ruwach'ulew Edom. Y keri' konojel ri aj chiri' xeyuqe' pa samaj rik'in ri David. Ri Jehová kan xuya' k'a ch'akonik pa ruq'a' ri David xabakuchi xbe-wi.

2 Crón 17:2

Xeruya' k'a aj-labal ri chiri' pa taq tinamit ri e sutin-kij chi tz'aq ri e richin ri rajawaren rija', y chuqa' xeruya' chajinela' ri chiri' pa taq tinamit richin Efraín, tinamit ri e ruch'akon kan ri Asá.

Wuj Richin Bix Chire ri Dios 140:7

Jehová, rat at nimalej nukolonel. Rat kan yinachajij k'a chupan ri q'ij richin oyowal.

Wuj Richin Bix Chire ri Dios 60:10

¿Man ja ta kami rat Jehová ri xa oj amalin kan, y man at beneq ta chik qik'in toq yojbe pa labal?

Wuj Richin Etamabel-Tzij 21:31

Ri kiej, richin chi nuk'uex pa jun oyowal, kan nitijox k'a jebel, jak'a ri ch'akonik richin ri oyowal, ri' ja ri Jehová ri nibanon.

1 Sam 13:3

K'ari' ri Jonatán xeruchop chi oyowal ri aj-Filistea ri akuchi ek'o-wi-qa ri k'o pa tinamit Guibeá, y xketamaj k'a ri ch'aqa' chik aj-Filistea. K'ari' ri Saúl xuteq rubixik chi tixupux ri trompeta chupan chijun ri ruwach'ulew, richin xeroyoj konojel ri ruwinaq richin nikiben oyowal.

1 Sam 14:1

Y ri Jonatán ri ruk'ajol ri Saúl xubij chire ri ruto'onel ri nuk'uan ri rukamisabal: Jo', y qojq'ax-apo la juk'an k'a akuchi ek'o-wi-qa la aj-Filistea, xcha'. Y rija' man xubij ta kan chire ri rutata'.

1 Sam 14:15

Y xpe k'a jun nimalej xibinri'il chike konojel ri achi'a' aj-Filistea ri ek'o chiri', ri ek'o pa juyu', ri chajinela' y konojel ri e beneq pan eleq'. Chuqa' kan xuben k'a jun nimalej silonel chiri'. Y ronojel re' kan ja ri Dios ri xtaqon-pe pa kiwi' rije'.

1 Sam 14:6

Y ri Jonatán kan kere' k'a rubin chire ri ruto'onel: Jo', qojq'ax-apo kik'in la winaqi' la', ri man ketaman ta ruwech ri Dios. Rik'in juba' ri Jehová xqojruto', roma chuwech rija' man jun k'ayew richin yojch'akon, stape' man oj k'iy ta, xcha'.