2 Sam 8:18 - Kaqchiquel Bible

¹⁸ Ri Benaías ruk'ajol ri Joiadá, ja rija' ri k'o pa kiwi' ri achi'a' ri yechajin ri David. Y ri e ralk'ual ri David, chuqa' e sacerdote.

2 Sam 8:18 ပူးပေါင်းရင်းမြစ်များ

2 Sam 15:18

Y konojel ri e tata'al xeq'ax k'a el chuwech. K'ari' xeq'ax ri e chajiy richin rija'. Y xeq'ax chuqa-el ri e 600 aj-labal ri e aj-Gat. Konojel re' xeq'ax-el chuwech ri David, y rija' e rutzuliben-el.

2 Sam 20:23

Ri Joab xk'oje' k'a kan pa kiwi' ri aj-labal richin chijun ri ruwach'ulew. Ri Benaías ruk'ajol ri Joiadá xk'oje' kan pa kiwi' ri e chajinela' richin ri rey.

2 Sam 20:26

Y ri Irá aj-Jair chuqa' sacerdote richin ri David.

2 Sam 20:7

Roma ri' ri Abisai xeberoyoj k'a pe ri Joab y ri aj-labal ri ek'o rik'in, chuqa' ri e chajiy richin ri rey y ri ch'aqa' chik aj-labal aj-Judá. Chirij ri' xe'el k'a el pa Jerusalem richin xkitzeqelibej ri Sebá.

1 Rey 1:38

K'ari' ri sacerdote Sadoc, ri Natán ri q'alajirisey ruch'abel ri Dios, ri Benaías ri ruk'ajol ri Joiadá, y ri chajinela' richin ri rey xkich'okoba' k'a el ri Salomón chirij ri rukowilej-kiej ri rey, y keri' xebe-qa pa Guihón.

1 Rey 1:44

Y ri rey xeruteq-el ri sacerdote Sadoc, ri Natán ri q'alajirisey ruch'abel ri Dios, ri Benaías ruk'ajol ri Joiadá, y chuqa' ri chajinela' richin ri rey, richin xkich'okoba-el ri Salomón chirij ri rukowilej-kiej.

1 Rey 1:8

Jak'a ri nimalej sacerdote Sadoc, ri Benaías ruk'ajol ri Joiadá, chuqa' ri q'alajirisey ruch'abel ri Dios rubini'an Natán, ri Simí, ri Reí y ri e nima'q taq achi'a' ri e tzeqelibeyon richin ri rey David, konojel re' man xkitzeqelibej ta ri Adonías.

1 Rey 2:25

K'ari' ri rey Salomón chi'anin k'a xuteq rubixik chire ri Benaías ruk'ajol ri Joiadá, richin tukamisaj ri Adonías. Y ri Benaías xunimaj k'a tzij, y xbe chukamisaxik ri Adonías.

1 Rey 4:4

Ri Benaías ruk'ajol ri Joiadá ja rija' aj-raqen kichin ri aj-labal. Ri Sadoc y ri Abiatar ja rije' ri e sacerdote.

1 Rey 4:5

Ri Azarías y ri Zabud ri e ruk'ajol ri Natán xek'oje' chuqa' chupan ri q'atbel-tzij richin ri Salomón. Ri Azarías xok aj-raqen kichin ri q'atoy taq tzij y ri Zabud ja rija' ri xk'oje' más naqaj chire ri rey, y xok rupixabanel.

2 Rey 11:4

Y toq xtz'aqet wuqu' juna', jari' toq ri Joiadá, xuteq koyoxik konojel ri chajinela' richin ri rey y ri chajinela' richin ri rachoch rija'. Y xeruya' chupan ri rachoch ri Jehová y xjunamatej k'a kiwech rik'in, y kan xuben chike chi xkiya' kitzij chiri' chupan ri rachoch ri Jehová. K'ari' xuk'ut chikiwech ri Joás ri ruk'ajol kan ri rey Ocozías.

1 Crón 11:22

Chuqa' ri Benaías, ruk'ajol ri Joiadá aj-Cabseel, chuqa' jun achin kan maneq xibinri'il chuwech. Y k'iy k'a nima'q taq banobel ri xeruben. Rija' xkamisan kichin ri e ka'i' achi'a' ri achi'el kewachin koj, achi'a' aj-Moab ri e ruk'ajol ri Ariel. Y chuqa' jun q'ij toq ruchapon ruqajinen tef, rija' xok-qa pa jun jul y chiri' xukamisaj jun koj.

1 Crón 18:17

ri Benaías ruk'ajol ri Joiadá, jari' ri k'o pa kiwi' ri quereteo y ri peleteo y ri e ruk'ajol ri David ja rije' ri e tata'al y e to'onel richin rija'.

Ez 25:16

Jak'a wakami ja yin xkinok etzelanel kichin ri aj-Filistea. Y kan xkenk'is k'a konojel winaqi' ri ek'o pa taq'aj chuchi' ri palou.

Wuj Richin ri Sofonías 2:5

Kan toq'ex k'a kiwech ri ek'o pa taq'aj chuchi' ri palou. Ri ruch'abel ri Jehová kan nich'on pan iwi' rix aj-Canaán. Rija' kan xkixruk'is rix aj-Filistea, y kan man jun chik xtik'oje' kan chiwe.

1 Sam 30:14

Roj xojok chiri' pa xokon chire ri kiruwach'ulew ri quereteo, ri kiruwach'ulew ri aj-Judá y ri kiruwach'ulew ri e rijatzul kan ri Caleb. Chuqa' xqaya' kan ruq'aq'al ri tinamit Siclag, xcha'.