2 Sam 8:16 - Kaqchiquel Bible

¹⁶ Ri Joab ri ral ri Seruiá, ja rija' ri aj-raqen pa kiwi' ri aj-labal. Ri Josafat ruk'ajol ri Ahilud, ja rija' ri tz'ibanel richin ri nibanatej ronojel q'ij.

2 Sam 8:16 ပူးပေါင်းရင်းမြစ်များ

1 Rey 4:3

ri Elihóref y ri Ahías ri e ruk'ajol ri jun achin rubini'an Sisá, jare' ri e ka'i' rutz'ibanela'. Ri Josafat ruk'ajol ri Ahilud ja rija' ri nichajin ri wuj richin ri yebanatej chupan ri ruwach'ulew.

1 Crón 11:6

Toq man jani tuch'ek ri tinamit Sión, ri David xubij chike ri e aj-labal israelita: Ri xtich'akon pa nabey chikij ri jebuseo, jari' xtinya' kan aj-raqen pa kiwi' ri ch'aqa' chik aj-labal, xcha'. Y ri nabey ri xch'akon, ja ri Joab ral ri Seruiá. Y ja rija' ri xok kan aj-raqen pa kiwi' ri aj-labal israelita.

2 Sam 19:13

Keri' chuqa' tibij chire ri Amasá chi roma rija' kan jun chike ri wach'alal, roma ri' ninya' nutzij chuwech ri Dios chi kan xtinben chire chi ja rija' xtok aj-raqen pa kiwi' ri aj-labal, pa ruk'exel ri Joab, xcha'.

2 Sam 2:13

Y k'o k'a jun achin rubini'an Joab ral ri jun ixoq rubini'an Seruiá. Y rija' xerachibilaj-el ri aj-labal ri ek'o rik'in ri David. Xe'el k'a pe pan Hebrón richin xbekik'ulu-ki' kik'in ri achi'a' e richin ri Israel ri chiri' chuchi' ri yakbel-ya' ri k'o chiri' pa Gabaón. Y ri aj-Judá xetz'uye' k'a re juk'an pe ruchi'. Y ri aj-Israel xetz'uye' ri juk'an chik apo.

2 Sam 8:15

Ri David xq'aton-tzij pa ruwi' chijun ruwach'ulew Israel. Y kan ronojel k'a utz y pa ruchojmilal ri xeruben rik'in ri tinamit.

2 Rey 18:18

K'ari' rije' xesik'in chirij ri Ezequías. Y e oxi' aj-raqen richin ri Ezequías xe'el richin xokik'ulu-ki' kik'in ri aj-raqen richin ri Senaquerib. Y rije' kibini'an; Eliaquim, ruk'ajol ri Hilquías, aj-raqen pa ruwi' ri rachoch ri rey; ri Sebná aj-tz'ib; y ri Joah ruk'ajol ri Asaf, ri nipixaban richin ri rey.

2 Sam 18:2

Jun tzobaj xk'oje' pa ruq'a' ri Joab. Jun chik tzobaj xk'oje' pa ruq'a' ri Abisai ri rach'alal. Y ri jun chik tzobaj xuya' pa ruq'a' ri Itai aj-Gat. Y k'ari' ri rey xubij chike ri winaqi' chi rija' chuqa' nibe kik'in pan oyowal.