2 Sam 8:15 - Kaqchiquel Bible

¹⁵ Ri David xq'aton-tzij pa ruwi' chijun ruwach'ulew Israel. Y kan ronojel k'a utz y pa ruchojmilal ri xeruben rik'in ri tinamit.

2 Sam 8:15 ပူးပေါင်းရင်းမြစ်များ

2 Sam 15:3

jari' toq ri Absalón nubij chire chi ronojel ri nubij kan choj, y kan ruk'amon-wi richin ta nichojmirisex rik'in ri rey, jak'a xa man jun achike xtak'axan richin ri chiri'.

2 Sam 20:23

Ri Joab xk'oje' k'a kan pa kiwi' ri aj-labal richin chijun ri ruwach'ulew. Ri Benaías ruk'ajol ri Joiadá xk'oje' kan pa kiwi' ri e chajinela' richin ri rey.

2 Sam 3:12

K'ari' ri Abner xeruteq-el achi'a' uk'uey rutzijol k'a rik'in ri rey David, y xubij-el: Rat awetaman achoq pa ruq'a' k'o-wi chijun ri ruwach'ulew. Roma ri' tijunamatej k'a qawech, y yin xkatinto' richin konojel nuwinaq israelita xkeq'ax kan awik'in rat, xcha'.

2 Sam 5:5

Wuqu' juna' rik'in nik'aj xq'aton-tzij pa ruwi' ri Judá chiri' pan Hebrón. Y juwineq oxlajuj juna' xq'aton-tzij pa ruwi' chijun ruwach'ulew Israel chiri' pa Jerusalem.

2 Sam 8:14

Xeri' xeruyala' tzobaj chajinela' pa ruwach'ulew Edom. Y konojel ri aj-Edom xek'oje' chuxe' ri q'atbel-tzij richin ri David. Keri' ri Jehová kan xuya' ch'akonik chire ri David xabakuchi xbe-wi.

2 Sam 8:16

Ri Joab ri ral ri Seruiá, ja rija' ri aj-raqen pa kiwi' ri aj-labal. Ri Josafat ruk'ajol ri Ahilud, ja rija' ri tz'ibanel richin ri nibanatej ronojel q'ij.

1 Rey 10:9

Tinimirisex k'a ri rubi' ri Jehová ri a-Dios ri utz xarutz'et richin xarutz'uyuba' kan chupan ri tz'uyubel richin xatok rey pa ruwi' ri Israel, roma rija' kan jantape' rajowan-pe ri atinamit Israel. Roma ri' xarukusaj kan rey richin kan ta k'o q'atbel-tzij pa ruchojmilal, xcha'.

1 Rey 4:1

Ri Salomón xok k'a kan rey richin chijun ruwach'ulew Israel.

1 Crón 18:14

Ri David xq'aton k'a tzij chupan chijun ruwach'ulew Israel; kan choj y kan pa ruchojmilal ri xuben rik'in ri tinamit.

Wuj Richin Bix Chire ri Dios 119:121

Ronojel nubanon pa ruchojmilal. Roma ri' man kinamalij kan pa kiq'a' ri yetz'ilo wichin.

Wuj Richin Bix Chire ri Dios 72:2

richin rija' xtiq'aton-tzij pa ruwi' ri tinamit, y richin xtuya' ruchojmilal pa kiwi' ri yetz'ilox.

Wuj Richin Bix Chire ri Dios 75:2

Rat kan kere' k'a nabij: Yin ninq'et-tzij toq ninwajo' yin, kan xtinq'et k'a tzij rik'in ruchojmilal.

Wuj Richin Bix Chire ri Dios 89:14

Rat kan jantape' k'a naq'et-tzij pa ruchojmilal y jantape' naben ri nabij, ri awajowabal kan nitz'etetej.

Wuj Richin ri Isaías 9:7

Ri ruq'atbal-tzij man xtik'is ta, y chuqa' ri uxlanibel-k'u'x ri xtuk'en-pe. Rija' xtibetz'uye' kan pa rutz'uyubal ri David, y xtiberuq'ata-tzij pa ruwi' ri rajawaren rija'. Kan xtiberuq'ata-tzij pa ruchojmilal, y kan nitz'aqet ri xtiberubana' chire. Ri ruq'atbal-tzij, richin tibe-q'ij tibe-seq. Y ri Jehová ri k'o ronojel uchuq'a' pa ruq'a', kan xtutz'et, wi xtibanatej ronojel re'.

Am 5:15

Rix ri ix rijatzul kan ri José, tiwixowaj ri itzel y tiwajo' ri utz. Kan tik'oje' ruchojmilal chikiwech ri to'onela'. Wi keri' xtiben, rik'in juba' xtinjoyowaj iwech yin Jehová ri Dios ri k'o ronojel uchuq'a' wik'in ri yibin.

Am 5:24

Yin ninwajo' chi man kixtane' chubanik ri ruchojmilal, achi'el jun raqen-ya' ri chaq palik nibiyin, y man jun bey nipa'e-qa. Kan ta palik utz niben achi'el ri raqen-ya' ri man jun bey nichaqi'j-qa.

Hebreos 11:33

Konojel rije' xkikuquba' kik'u'x rik'in ri Dios, roma ri' xech'akon chikij ch'aqa' chik ruwach'ulew, pa ruchojmilal xeq'aton-tzij, xkik'ul ri xesuj chike roma ri Dios, xetikir xekikamisaj koj,

1 Sam 14:47

Keri' ri Saúl xok kan chupan ri q'atbel-tzij chiri' pan Israel. Kan xuben k'a oyowal kik'in ri etzelanel richin ri ek'o chunaqaj: Ri aj-Moab, ri aj-Amón, ri aj-Edom, ri aj-Sobá y ri aj-Filistea. Y xabakuchi beneq-wi richin nuben oyowal kan nich'akon-wi.