2 Sam 8:11 - Kaqchiquel Bible

¹¹ Y ronojel re beyomel re' ri David kan xujech pa ruq'a' ri Jehová, achi'el ri rubanon-pe rik'in ri beyomel ri e ruk'amon-pe chuwi-kiq'a' ri tzobaj winaqi' richin ri ruwach'ulew:

2 Sam 8:11 ပူးပေါင်းရင်းမြစ်များ

1 Rey 7:51

Keri' xk'achoj rubanik ronojel ri samaj ri yek'atzin chupan ri rachoch ri Jehová, ri xubij ri rey Salomón. Chirij re' xuk'uaj-el ronojel ri samajibel ri banon rik'in q'anapueq y saqipueq, ri ruya'on kan ri David ri rutata', y xeruyek k'a pa jun jay richin yakonabel ri k'o pa rachoch ri Jehová.

Wuj Richin ri Miqueas 4:13

Ri Jehová nubij chike ri aj-Sión: ¡Kixyakatej richin nich'ey ri trigo! Yin xtinya' iwuchuq'a' achi'el ruchuq'a' jun achij wákix ri k'o ruk'a' ri banon rik'in q'eqapueq y ri rupi'ch banon rik'in q'enq'oj-pueq. Rix xke'ik'is janila tzobaj winaqi' richin ri ruwach'ulew. Xtimej ri beyomel ri xk'oje' kik'in roma ri kamisanik y xtiya' chuwe yin, ri in rajaw ri ruwach'ulew.

1 Crón 29:2

Rik'in k'a janila uchuq'a' xinmol ruchi' ronojel re', ri k'atzinel chire ri rachoch ri qa-Dios: ri q'anapueq, ri saqipueq, ri q'enq'oj-pueq, ri q'eqapueq, che' pa ruk'iyal, abej ónike, jalajoj kiwech taq abej ri k'o janila kejqalen y chuqa' abej mármol.

1 Crón 18:11

Ronojel re' ri xbeya'ox kan chire ri rey David, xujech chire ri Jehová, achi'el ri xuben kik'in ri xrelesaj-pe chuwi-kiq'a' ri winaqi' edomita, moabita, amonita, amalecita y ri aj-Filistea.

2 Sam 8:10

jari' toq xuteq-el ri ruk'ajol rubini'an Joram rik'in ri rey David, richin xberuq'ejela'. Y xberubij utzilej taq ch'abel chire roma xtikir xuch'ek ri Hadad-ézer, roma ri Toi etzelanel chuqa' richin ri Hadad-ézer. Ri Joram ruk'uan k'a el jalajoj ruwech samajibel ri banon rik'in saqipueq, q'anapueq y ri banon rik'in q'enq'oj-pueq richin nusipaj chire ri David.

2 Crón 5:1

Y toq xk'achoj ronojel re samaj re' ri ruchilaben ri Salomón richin ri rachoch ri Jehová, xuk'uaj-el junan rik'in ronojel ri samajibel ri banon rik'in q'anapueq y saqipueq ri ruch'aron kan ri David, y xberuya' kan chupan ri jay akuchi k'o-wi ri beyomel richin ri Jehová.