2 Sam 8:1 - Kaqchiquel Bible

¹ Chirij k'a ronojel re', ri David xeruch'ek ri aj-Filistea. Kan xuqasaj kiq'ij jumul, y xumej kan ri q'atbel-tzij pa kiq'a'.

2 Sam 8:1 ပူးပေါင်းရင်းမြစ်များ

2 Sam 7:9

Y kan ink'o k'a pe awik'in xabakuchi at beneq-wi, y kan e nuch'akon konojel ri etzelanel awichin. Wakami k'a, kan xtinnimirisaj ri abi' achi'el ri kibi' ri e nima'q taq achi'a' ri ek'o wawe' chuwech re ruwach'ulew.

2 Sam 2:24

Jak'a ri Joab y ri Abisai xkichop chik roqotaxik ri Abner; y xqaq'ij-qa chikiwech toq xe'apon chiri' pa ruwi' ri juyu' richin Amá, ri k'o-pe chuwech ri tinamit Guíah, ri akuchi niq'ax-wi ri bey ri nibe pa tz'iran ruwach'ulew richin Gabaón.

Hebreos 11:33

Konojel rije' xkikuquba' kik'u'x rik'in ri Dios, roma ri' xech'akon chikij ch'aqa' chik ruwach'ulew, pa ruchojmilal xeq'aton-tzij, xkik'ul ri xesuj chike roma ri Dios, xetikir xekikamisaj koj,

Hebreos 11:34

man xek'at ta toq xek'aq pa nimalej taq q'aq', xekolotej chuwech ri espada. Toq maneq chik kuchuq'a', ri Dios xuya' kuchuq'a'. Xech'akon chikij ch'aqa' chik tinamit ri xebanon labal kik'in.

2 Sam 19:9

Chirij re' ri ch'aqa' chik israelita xa nikibila' k'a chikiwech: Ri David xojrelesaj pa kiq'a' ri e etzelanel qichin y xojrukol pa kiq'a' ri aj-Filistea; jak'a xa k'o chi animajineq-el pa qaruwach'ulew roma ri Absalón.

2 Sam 22:44

Ri Jehová kan xirukol k'a chuwech ri koyowal ri winaqi' ri man nikitzeqelibej ta rija'. y kan xuben chuwe richin xinok aj-raqen, pa kiwi'. Y re wakami xuben chike ri winaqi' ri man wetaman ta kiwech chi yinkisamajij.

Wuj Richin Bix Chire ri Dios 18:43

Ri Jehová kan xirukol k'a chuwech ri koyowal ri winaqi' ri man nikitzeqelibej ta rija', kan xuben chuwe richin xinok aj-raqen pa kiwi'. Y re wakami xuben chike ri winaqi' ri man wetaman ta kiwech chi xinkisamajij.

Wuj Richin Bix Chire ri Dios 60:8

Ri Moab xa kan achi'el k'a jun ruk'ojelibal-ya' richin ninch'ej waqen. Ri Edom kan pa ruwi' rija' xtinya-wi ri nuxajab, y kan xkikikot k'a chirij ri ruwach'ulew Filistea toq xtich'akatej, xcha' ri Dios.

1 Sam 7:13

Xech'akatej k'a ri aj-Filistea koma ri aj-Israel y kan man jun bey chik xkimej ri kiruwach'ulew, rokik k'a k'es na ri Samuel, roma kan ja ri Jehová xbanon ri oyowal kik'in ri aj-Filistea.

2 Sam 5:17

Toq xkak'axaj k'a ri aj-Filistea chi ri David xqasex aceite pa ruwi' richin xok kan rey richin Israel, xkimol k'a ki' konojel ri aj-labal richin nibekibana' oyowal rik'in. Y toq rija' xunabej, xbe chupan ri jay richin tobel.

2 Sam 5:25

Ri David kan xuben k'a achi'el xubij ri Jehová chire; kan k'a pa Gabaón xtiker-pe chikikamisaxik ri aj-Filistea y xapon k'a pa Guezer.

Wuj Richin Bix Chire ri Dios 60:2

Kan xaben chi xsilon ri ruwach'ulew y xaben chire chi xjobojo-qa; Tabana' utzil tachojmirisaj chik ri xwopotej-qa, roma beneq ruwech nisilon.