2 Sam 7:9 - Kaqchiquel Bible

⁹ Y kan ink'o k'a pe awik'in xabakuchi at beneq-wi, y kan e nuch'akon konojel ri etzelanel awichin. Wakami k'a, kan xtinnimirisaj ri abi' achi'el ri kibi' ri e nima'q taq achi'a' ri ek'o wawe' chuwech re ruwach'ulew.

2 Sam 7:9 ပူးပေါင်းရင်းမြစ်များ

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

2 Sam 22:1

Toq ri David xkolotej yan roma ri Jehová pa kiq'a' ri etzelanel richin, y pa ruq'a' ri Saúl, jari' toq xuben re jun bix re' chire ri Jehová:

2 Sam 22:30

Rik'in ri awuchuq'a' rat, yin yitikir yenk'is jun tzobaj aj-labal. Chuqa' yitikir yentzeq ri nima'q taq tz'aq richin ri kitinamit rije'.

2 Sam 22:43

Kan xenxeq' chi'aqen richin xe'ok poqolaj ri nuk'uaj ri kaq'iq'. Kan xenwelesaj k'a el achi'el toq nik'aq ri ch'abeq pa taq bey.

2 Sam 23:1

Jare' ri ruk'isibel taq ch'abel ri xubij ri David ri ruk'ajol kan ri Isaí: Ri qa-Dios y ri ru-Dios ri Jacob xirucha' richin xinok rey. Rija' xunimirisaj nuq'ij. Y toq xubij chuwe richin yich'on, jari' toq xinben re jun bix re'.

2 Sam 5:10

Y ri rajawaren ri David kan q'ij-q'ij más beneq runimirinen, roma ri Jehová, Dios k'iytisanel richin ronojel k'o rik'in.

2 Sam 8:13

Ri David kan janila k'a xel rutzijol rik'in ri xerubanala' y roma chuqa' kan xeruch'ek ri aj-Edom, y xerukamisaj e 18,000 aj-labal chiri' pa taq'aj ri nibix atz'an chire.

2 Sam 8:14

Xeri' xeruyala' tzobaj chajinela' pa ruwach'ulew Edom. Y konojel ri aj-Edom xek'oje' chuxe' ri q'atbel-tzij richin ri David. Keri' ri Jehová kan xuya' ch'akonik chire ri David xabakuchi xbe-wi.

2 Sam 8:6

Chirij ri' ri David xeruyala' tzobaj chajinela' chupan chijun ri ruwach'ulew Siria. Y ri aj-Siria xe'ok rusamajela' ri David, y kan k'o chi xkitoj chire ri k'atzinel. Keri' ri Jehová xuya' k'a ch'akonik chire ri David xabakuchi xbe-wi.

1 Crón 17:8

Kan ink'o awik'in ri akuchi at beneq-wi, janipe' k'a ri e etzelanel awichin kan xenk'is. Kan xinnimirisaj k'a ri abi', achi'el ri nima'q taq achi'a' ri ek'o chuwech ri ruwach'ulew.

Wuj Richin Bix Chire ri Dios 21:6

Kan jantape' k'a anojisan rik'in urtisanik. Kan janila nikikot, roma kan atk'o rik'in.

Wuj Richin Bix Chire ri Dios 89:23

Yin Jehová xa kan xkenwulaj k'a el chuwech rija' ri e etzelanel richin. Kan xkenk'is-el konojel ri nich'upun kik'u'x chirij.

San Lucas 1:52

Xerelesaj ri nima'q taq q'atoy-tzij chupan ri kajawaren, y xeruya-apo ri xa man jun ok kiq'ij.

Wuj Richin ri Josúe 6:27

Ri Jehová kan xk'oje' rik'in ri Josué y ronojel ri xuben kan xel k'a rutzijol chuwech chijun ruwach'ulew.

1 Sam 18:14

Y ri David kan rik'in na'oj xuben ronojel re', roma ri Jehová kan k'o-wi rik'in.

1 Sam 18:30

Ronojel mul toq ri e tata'al aj-Filistea yebe pan oyowal, ja ri David ri nich'akon chikij, roma ja rija' ri más nitikir chikiwech konojel e richin ri Saúl. Roma ri' kan xel janila jebel rutzijol.

1 Sam 2:8

Nuben chire ri man jun k'o rik'in, richin nrelesaj-pe pa rumeba'il. Jak'a ri molonel nrelesaj-pe pa q'ayis richin nitz'uye' chikikojol ri tata'al, richin niya'ox ruq'ij. Roma ja ri Jehová rajaw ri ruch'okolibal ri ruwach'ulew y pa ruwi' ri' xuch'okoba-wi ri ruwach'ulew.

1 Sam 31:6

Keri' k'a xkiben chupan ri q'ij toq xken ri Saúl, ri e oxi' ruk'ajol, ri uk'uey rukamisabal y konojel ri achi'a' ri e beneq rik'in.

1 Sam 5:10

Y k'ari' xbekiya' chik kan ri káxa pa tinamit Ecrón. Jak'a toq xapon chiri', ri aj-Ecrón xesik'in roma xibinri'il y xkibij chi ri káxa ri' xapon kik'in xaxe richin yeruk'is.