2 Sam 7:26 - Kaqchiquel Bible

²⁶ richin kan xtinimirisex ta ri abi' jumul, y ri winaqi' richin chijun ri ruwach'ulew xtiketamaj ta chi kan ja rat ri at Jehová k'iytisanel richin ronojel, ri at qa-Dios roj. Chuqa' kan xtiketamaj ta chi ri wijatzul kan xtik'oje' richin jantape' chawech rat.

2 Sam 7:26 ပူးပေါင်းရင်းမြစ်များ

Wuj Richin ri Rutikeribel 17:18

Chuqa' ri Abraham xubij chire ri Dios: K'ate' ta ri Ismael xtichinan chuqa' juba' rik'in ri awurtisanik rat, xcha'.

2 Sam 7:25

Wakami k'a Jehová Dios, tabana' utzil tajikiba' jumul ri ach'abel ri xabij pa nuwi' yin ri asamajel, y pa ruwi' ri wijatzul,

1 Rey 18:36

Toq xek'achoj chire ronojel re', jari' toq ri Elías ri q'alajirisey ruch'abel ri Dios xpa'e' chikiwech ri winaqi', xch'on, y xubij: Jehová Dios richin ri Abraham, ri Isaac y ri Jacob: Tak'utu' k'a awi' wakami chi kan ja rat ri at qa-Dios richin Israel, y chi yin in asamajel rat y chi yin xinben ronojel re', achi'el ri abin chuwe.

1 Rey 18:37

Kinawak'axaj, Jehová, kinawak'axaj; richin keri' tiketamaj re winaqi' re' chi kan ja rat ri at Jehová Dios, y tabana' chike chi xtitzolej-pe ri kánima awik'in rat, xcha'.

Wuj Richin Bix Chire ri Dios 115:1

Man chiqe ta k'a roj Jehová ri ruwaq'ijaj, xa kan awichin rat, roma ri awajowabal ri man k'isel ta, y roma man yojamalij ta kan.

Wuj Richin Bix Chire ri Dios 61:7

Xtinq'et ta k'a tzij chawech richin q'asen. Kan kinato' rik'in ri awutzil y man kinamalij kan.

Wuj Richin Bix Chire ri Dios 89:36

Ri rijatzul kan xtiq'aton-tzij richin q'asen. Ri rajawaren kan xtiyaloj k'a achi'el ri q'ij;

San Mateo 6:9

Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

San Juan 12:28

K'ari' rija' xch'on rik'in ri Dios y xubij: Nata', kan tabana' k'a chi niq'alajin ta ri aq'ij-ak'ojlen, xcha'. Kan jari' k'a toq ri Dios xch'on-pe chila' chikaj y xubij: Kan nubanon chik k'a keri'. Y xtinben chik k'a jun bey, chi kan niq'alajin-wi ri nuq'ij-nuk'ojlen, xcha'.