2 Sam 7:24 - Kaqchiquel Bible

²⁴ Roma rat kan xojajikiba' roj ri atinamit Israel richin xojok awichin richin jantape'. Y ja rat Jehová, ri xatok qa-Dios.

2 Sam 7:24 ပူးပေါင်းရင်းမြစ်များ

Deut 26:18

Ri Jehová xubij re wakami chi roj israelita kan oj jun tinamit richin rija' achi'el ri rusujun chiqe, roma ri' kan tiqataqej ronojel ri rupixa'.

1 Pedro 2:10

Ri rubanon kan, man ix jun tinamit ta, jak'a re wakami xixok rutinamit ri Dios. Man ik'ulun ta rutzil rija' jak'a re wakami xik'ul ri rutzil.

San Juan 1:12

Jak'a ri jujun ri xek'ulu richin, toq xoqaqa chuwech re ruwach'ulew, ri kan xkikuquba' kik'u'x rik'in, kan xuben chike chi xe'ok ralk'ual ri Dios.

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin Bix Chire ri Dios 48:14

roma kan ja Dios re' ri qa-Dios roj, tibe-q'ij tibe-seq. Ja rija' ri niyuqen qichin richin jantape'.

Wuj Richin ri Rutikeribel 17:7

Ri jikibel-tzij ri xinben awik'in, chuqa' keri' xtinbenbana' kik'in konojel ri awijatzul, chi wiq chi tanaj ri xkepe chiqawech-apo richin q'asen, chi ja yin xkinok a-Dios y xkinok ki-Dios rije'.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

Os 1:10

K'o k'a jun q'ij ri israelita xkebek'iyer janila, kan xtibekibana' k'a achi'el ri sanayi' ri k'o chuchi' ri palou ri kan man jun nitikir netan ni najlan richin. Pa ruk'exel xtinbij chike chi man e nutinamit ta chik, kan xtinbenbij k'a chike: Rix kan ix walk'ual yin ri in k'aslik Dios, xkicha' chike.

Wuj Richin ri Jeremías 32:38

Rije' xke'ok nutinamit y yin xkinok ki-Dios.

Wuj Richin ri Jeremías 31:1

Chupan ri q'ij ri' ja yin ri xkinok Dios kichin konojel tzobaj winaqi' israelita y rije' xke'ok nutinamit yin.

1 Crón 17:22

Y xaben chiqe chi roj xojok atinamit richin q'asen, y ja rat Jehová, xatok qa-Dios.

2 Sam 7:23

Chuqa' kan man jun chik k'o ri achi'el ta roj ri atinamit Israel, roma kan ja rat ri xakolon-pe kichin ri qati't-qamama' chiri' pan Egipto richin xojok atinamit. Chuqa' kan xaben chi xnimer aq'ij toq xe'aben ri nimalej taq banobel ri kan nak'en rukiy richin chi xe'awelesaj-el ri winaqi' aj wawe' junan kik'in ri ki-dios, chikiwech ri qati't-qamama' toq xe'oqaqa re wawe'.

Deut 27:9

Chirij ri' ri Moisés e rachibilan ri e sacerdote levita, xubij chike ri ruwinaq: Tibana' utzil tiwak'axaj ri ninbij. Wakami roj kan oj rutinamit chik k'a ri Jehová ri qa-Dios.

Ex 15:2

Rat k'a Jehová ri quchuq'a' y ri qabix. Ja rat ri qakolonel. Rat ri qa-Dios ri k'o chi niqaya' aq'ij. Ri at ki-Dios ri qate-qatata' y roj niqanimirisaj ri abi'.

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Wuj Richin ri Rutikeribel 17:8

Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.

Deut 32:6

¿Man ja ta kami rix ri maneq ina'oj y ix ch'ujerineq, richin chi itzel rutojbalil ri niya' chire ri Jehová? ¿Man ja ta kami rija' ri itata'? ¿Man ja ta kami rija' ri tz'ukuy iwichin? ¿Man ja ta kami rija' ri xmolon iwichin y xa jun xuben chiwe?

2 Sam 7:25

Wakami k'a Jehová Dios, tabana' utzil tajikiba' jumul ri ach'abel ri xabij pa nuwi' yin ri asamajel, y pa ruwi' ri wijatzul,