2 Sam 7:23 - Kaqchiquel Bible

²³ Chuqa' kan man jun chik k'o ri achi'el ta roj ri atinamit Israel, roma kan ja rat ri xakolon-pe kichin ri qati't-qamama' chiri' pan Egipto richin xojok atinamit. Chuqa' kan xaben chi xnimer aq'ij toq xe'aben ri nimalej taq banobel ri kan nak'en rukiy richin chi xe'awelesaj-el ri winaqi' aj wawe' junan kik'in ri ki-dios, chikiwech ri qati't-qamama' toq xe'oqaqa re wawe'.

2 Sam 7:23 ပူးပေါင်းရင်းမြစ်များ

2 Sam 7:24

Roma rat kan xojajikiba' roj ri atinamit Israel richin xojok awichin richin jantape'. Y ja rat Jehová, ri xatok qa-Dios.

1 Crón 17:21

Man jun chik tinamit k'o achi'el roj ri atinamit ri k'o ta jun ru-Dios achi'el rat; roma kan xaxe rat ri xatikir xojakol richin xojok atinamit. Chuqa' xel k'a atzijol chijun ri ruwach'ulew roma ri meyel taq abanobal ri xe'aben. Rat ri xatoqotan kichin ri winaqi' richin ch'aqa' chik ruwach'ulew chikiwech ri qate-qatata' ri xe'awelesaj-pe pan Egipto.

Wuj Richin ri Nehemías 1:10

Y ri xaben kik'in ri qate-qatata' chi xe'akol rik'in ri nimalej y janila awuchuq'a', keri' tabana' qik'in roj ri atinamit.

Wuj Richin Bix Chire ri Dios 106:22

stape' rija' xbanon meyel taq banobel chupan ri ruwach'ulew richin ri Cam; banobel ri man jun bey e tz'eton chiri' pa Kaqa-Palou.

Wuj Richin Bix Chire ri Dios 111:9

Xuteq k'a pe ri kolotajik chire ri rutinamit; ri jikibel-tzij ri rubanon, kan jari' ri k'o jantape'. Ri rubi' rija' kan loq'olej-wi y kan k'o rukiy.

Wuj Richin Bix Chire ri Dios 145:6

Xtitzijox k'a ri samaj ri xaben rik'in uchuq'a' ri kan nak'en rukiy. Y yin kan xtintaluj k'a rutzijol ri animirinen.

Wuj Richin Bix Chire ri Dios 147:20

Y re' kan man rubanon ta kik'in ri man nikitzeqelibej ta rija'. Ri man ketaman ta ri rupixa'. Kan tinimirisex k'a ruq'ij ri Jehová.

Wuj Richin Bix Chire ri Dios 40:5

Kan janila k'a k'iy ri meyel taq abanobal. Ri ach'obonik pa qawi' roj kan k'iy-wi. Kan man jun k'a achoq ik'in ta xkitikir xkatinjunamaj-wi. Yin man yitikir ta nintzijoj ronojel re', roma janila k'iy.

Wuj Richin Bix Chire ri Dios 44:3

Rije', man roma ta ri kikamisabal xe'ok kan chuwech ri ruwach'ulew ri', ni man ja ta ri kuchuq'a' rije' ri xekolo. Kan ja ri awijkiq'a' y ri asaqil rat kik'in rije' ri xbanon chike chi xech'akon, Kere' xaben kik'in roma kan xeqa' chawech.

Wuj Richin Bix Chire ri Dios 65:5

Kan nak'uluba' k'a pe ri qach'abel rik'in meyel taq banobel y pa ruchojmilal, ja rat nimalej Dios ri at qakolotajik, awik'in k'a rat kikuquban-wi kik'u'x konojel ri winaqi' richin chijun ri ruwach'ulew, konojel ri ek'o chuchi' taq palou ri k'a janila nej ek'o-wi.

Wuj Richin Bix Chire ri Dios 66:3

Kan kere' k'a tibixaj chire ri Dios: ¡Janila k'a e meyel ri abanobal! Roma ri runimirinen ri awuchuq'a', nikiqasaj-ki' chawech ri e etzelanel awichin.

Ex 12:12

Y chupan chuqa' ri aq'a' ri' xkiq'ax chupan chijun ri ruwach'ulew richin Egipto y kan xkenkamisaj k'a konojel ri e nabey taq al alaboni' chikikojol ri winaqi'. Y keri' chuqa' chikikojol ri kawej. Y xtinq'et k'a tzij pa kiwi' ri dios richin Egipto. Ja yin Jehová ri yibin.

Ex 33:16

Roma wi rat xa man xkabe ta qik'in, xa man xtetamex ta chi yin y ri atinamit qilon utzil chawech. Jak'a wi kan xkabe qik'in xtiq'alajin k'a chi kan oj atinamit y kan ja k'a rat ri at ch'arayon-pe qichin chikikojol ri ch'aqa' chik tinamit, ri ek'o chuwech re ruwach'ulew, xcha' ri Moisés chire.

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Ex 9:15

Wi ta yin wajowan, xatinkamisaj yan ta rik'in ri nima'q taq ruk'ayewal y xaken yan ta rat y konojel ri awinaq y kan xixk'is yan ta el chi'iwonojel chuwech re ruwach'ulew.

Ex 9:16

Jak'a yin kan qitzij ri ninbij chawe chi kan nuya'on-wi ri ak'aslen, richin chi ri nibanatej awik'in, xtuben chi niq'alajin ri wuchuq'a' yin; y keri' kan xtinimirisex k'a ri nubi', chuwech chijun re ruwach'ulew.

Wuj Richin ri Jeremías 32:20

Rat kan xaben k'a nima'q y meyel taq banobel ri chiri' pan Egipto y k'a re q'ij wakami naben wawe' pan Israel y chikikojol ri winaqi'. Keri' xnimer ri abi' k'a re wakami.

Wuj Richin ri Jeremías 32:21

Kan xe'awelesaj k'a pe ri awinaq Israel chupan ri ruwach'ulew Egipto rik'in nima'q y meyel taq banobel. Rik'in nimalej awuchuq'a' xaben chike ri aj-Egipto chi e k'iy chike rije' kan xkik'en janila rukiy.

Ez 20:9

Xinwajo' ta xinben kere', jak'a xa man xinben ta, richin man niqasex ta nuq'ij chikikojol ri ch'aqa' chik tzobaj winaqi', roma xinya' nutzij richin xenwelesaj-pe pan Egipto.

Wuj Richin ri Q'axanri'il 6:27

Y ri Dios xubij chik: Keri' rije' xtikinataj ri nubi' pa ruwi' ri nutinamit Israel y yin kan xtinya' ri urtisanik pa kiwi', xcha'.

Efesios 1:6

Tiqaya' ruq'ij-ruk'ojlen ri Dios roma ri utzil ri qak'ulun rik'in, roma ri ruk'ajol, ri kan janila wi nrajo'.

Deut 10:21

Kan tiqanimirisaj k'a ri rubi' ri Jehová, roma kan xuben k'a nima'q taq banobel ri kan nak'en rukiy qoma roj, y re' kan xqatz'et.

Deut 15:15

Man timestaj chi roj chuqa' xojxime' pa samaj chiri' pan Egipto, y ri Jehová ri qa-Dios xojrelesaj-pe chiri'. Roma ri' wakami ninbij re jun ruchojmilal re' chiwe.

Deut 33:29

Ri Jehová xkolon iwichin, y kan xuya' janila urtisanik chiwe. Ri Jehová kan yixruchajij y kan yixruto'. Rija' nuben oyowal pan ik'exel rix richin yixch'akon chikij ri etzelanel iwichin, y kan ja rix xkixk'oje' pa kiwi' rije', xcha' ri Moisés.

Deut 9:26

Y xink'utuj k'a utzil chire ri Jehová y xinbij: ¡Ajaw Jehová!, nink'utuj utzil chawe chi man tak'is re tinamit re', roma re' kan awichin rat, rat xakolon-pe richin rik'in ri animirinen, rat xatelesan-pe richin chiri' pan Egipto rik'in ri nimalej awuchuq'a'.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Wuj Richin ri Josúe 7:9

Roma ri aj-Canaán y konojel ri ek'o chuwech re ruwach'ulew xtikak'axaj re xbanatej; xtikisutij-qij, y kan xqojkik'is k'a jumul chuwech re ruwach'ulew. ¿Achike k'a xtaben wakami richin nanimirisaj ri utzilej atzijol?, xcha'.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.