2 Sam 7:18 - Kaqchiquel Bible

¹⁸ K'ari' ri rey David xok-apo chupan ri jay ri banon rik'in tzieq, y xbek'oje' chuwech ri Jehová richin nich'on rik'in. Y xubij: Nimalej Jehová, ¿in achike ta k'a yin y ri wijatzul richin chi oj ato'on-pe k'a re wawe'?

2 Sam 7:18 ပူးပေါင်းရင်းမြစ်များ

Wuj Richin Bix Chire ri Dios 8:4

jari' toq ninch'ob-qa, ¿Achike ta k'a ok ri wineq richin chi naquqa-pe rij y richin chi nachajij?

1 Crón 17:16

K'ari' ri rey David xch'on rik'in ri Jehová, y xubij: Jehová Dios, ¿in achike ta k'a ok yin, y e achike ta k'a ri ek'o pa wachoch richin xinaya' k'a pa jotol?

1 Sam 18:18

Jak'a ri David xubij chire ri Saúl: Wajaw yin ¿Achike ta k'a nuq'ij yin? ¿Y achike ta k'a kiq'ij ri e wach'alal y ri aj pa rachoch ri nata' wawe' pan Israel richin nawajo' yinok aji'?, xcha'.

Wuj Richin ri Rutikeribel 32:10

Yin man ruk'amon ta k'a richin xink'ul ronojel utzil re xaya' chuwe, y kan abanon wik'in ronojel ri qitzij. Toq yin xiq'ax-el pa ruwi' re raqen-ya' Jordán, man jun nuk'uan-el, xaxe re ti nuch'ame'y y wakami xitzolin-pe y e peteneq e ka'i' tzobaj winaqi' wik'in.

Ex 3:11

Jari' toq ri Moisés xubij chire ri Dios: ¿In achike ta k'a yin, richin chi ja yin ri yinateq-el k'a rik'in ri rey, y yenwelesaj-pe pan Egipto ri nuwinaq ri junan wijatzul kik'in?, xcha'.

1 Sam 15:17

K'ari' ri Samuel xubij: Stape' pa nabey, rat xana-awi' chi man jun awejqalen. ¿Man banon ta kami chawe chi at jun aj-raqen pa kiwi' ri israelita? Y ri Jehová xarukusaj kan rey pa ruwi' ri tinamit.

Efesios 3:8

Xa ja yin ri man kan ta más wejqalen chikiwech konojel qach'alal. Man rik'in ri' ri Dios xuya' ri rutzil chuwe richin nintzijoj ri rutzil ri Cristo chiwe rix ri man ix judío ta. Y ri utzil ri' kan janila nim, y man tikirel ta niq'ax chiqawech.

Wuj Kichin ri To'onela' 6:15

Jak'a ri Gedeón xubij: Wajaw yin, ¿in achike ta k'a ok yin richin chi ja yin ri yikolon kichin ri nuwinaq? Roma yin xa yipe pa jun jay winaqi' ri maneq ok ruchuq'a', ri richin ri tzobaj richin kan ri Manasés, y chuqa' xa in ch'i'p chikikojol ri wach'alal, xcha'.

1 Sam 9:21

Y ri Saúl xubij: ¿Achike roma nabij chuwe yin re ch'abel re'? Roma yin xa in rijatzul kan ri Benjamín, jun tzobaj ri janila ko'ol ok chikikojol konojel tzobaj richin ri Israel. Pa ruwi' re', ri e aj pa wachoch yin xa kan maneq ok qejqalen chikiwech ri ch'aqa' chik jay winaqi' richin ri tzobaj richin ri Benjamín, xcha'.

Wuj Richin ri Isaías 37:14

Y toq ri Ezequías xuk'ul k'a ri wuj chuwi-kiq'a' ri aj-Asiria y xusik'ij, jari' toq xjote-el pa rachoch ri Jehová y kan xurik' k'a ri wuj ri' chuwech rija'.

2 Sam 7:17

Y ronojel re' xuq'alajirisaj ri Natán chire ri David.

Wuj Richin ri Rutikeribel 32:11

Kinakolo' k'a wakami pa ruq'a' ri wach'alal Esaú, roma janila ninxibij-wi' chuwech; rik'in juba' yirukamisaj yin y ri ak'uala' y ri kite'.

Wuj Richin ri Rut 2:10

K'ari' ri Rut xulukuba-qa-ri' y kan xuqasaj-qa-ri' k'a pan ulew chuwech ri Booz y xubij chire: ¿Achike roma rat janila utzil naben chuwe, y yin xa man in awinaq ta?, xcha' chire.

2 Sam 23:5

Y keri' k'a xtuben ri Dios kik'in ri wijatzul yin. Keri' xtuben roma rija' kan xuben jun jikibel-tzij wik'in richin jantape'. Ri jikibel-tzij ri' kan xuben pa ruchojmilal. Roma ri' rija' xkiruto' jantape', y ronojel ri nurayibel, kan xtuya'.

1 Crón 29:14

¿In achike ta k'a yin richin yitikir ninsuj chawe ronojel re sipanik re'? ¿Achike ta k'a ri nutinamit richin yetikir nikisuj chawe ronojel re sipanik re'? Roma ronojel re' kan awik'in rat nipe-wi, y roma ri' roj niqaya' chik apo chawe ri qak'ulun.