2 Sam 7:14 - Kaqchiquel Bible

¹⁴ Yin xkinok achi'el jun tata'aj chire rija', y rija' xtok achi'el jun nuk'ajol. Y toq rija' xtimakun chinuwech, yin kan xtinchojmirisaj k'a chi xik'a'y, achi'el nuben jun tata'aj rik'in ri ruk'ajol.

2 Sam 7:14 ပူးပေါင်းရင်းမြစ်များ

1 Rey 11:34

Y ri Dios xubij chi ja ri David ri rusamajel ri xucha', y rija' kan xutaqej ri rupixa', y roma ri rajowabal pa ruwi' ri David, man nrelesaj ta ronojel ri ajawaren pa ruq'a' ri Salomón, xa kan k'a xtik'oje' na ri ajawaren pa ruq'a' chijun ruk'aslen.

1 Rey 9:6

Jak'a wi rix y ri iwijatzul xtijech'ej kan iwi' wik'in yin y wi man xtitaqej ta ronojel ri nupixa' ri nuya'on chiwe, y xa xke'isamajij ri ch'aqa' chik dios y kan xtiya' kiq'ij,

1 Crón 17:13

Yin kan xkinok rutata', y rija' xtok nuk'ajol. Man xtinwelesaj ta ri wajowabal ni ri joyowanik chire, achi'el xinben rik'in ri Saúl ri achoq pa ruk'exel xak'oje-wi kan rat.

1 Crón 22:10

Y ri Dios chuqa' xubij chi ja rija' ri xtipaban-q'anej jun jay pa rubi' ri Dios. Rija' kan xtok ruk'ajol ri Dios y ri Dios xtok rutata'; y kan xtujikiba' ri ruq'atbal-tzij richin q'asen pa ruwi' re ruwach'ulew Israel. Keri' xubij ri Jehová chuwe.

1 Crón 28:6

Y chuqa' ri Dios xubij chuwe: Ja ri ak'ajol Salomón jari' ri xtipaban-q'anej ri wachoch y ri ruwa-jay, roma ja rija' ri xincha' richin xtok nuk'ajol y yin xkinok rutata'.

Wuj Richin ri Achin Job 5:17

Jebel ruwa-ruq'ij ri wineq ri nijich'ex roma ri Dios; roma ri', rat Job, kan tak'ulu' ri tijoj-poqonal ri nuya' ri Dios chawe, ri Dios ri k'o ronojel uchuq'a' pa ruq'a'.

Wuj Richin Bix Chire ri Dios 2:7

Yin kan xtinya' rutzijol ri ruch'obonik ri Dios. Ri Jehová kere' rubin chuwe: Rat at nuk'ajol y yin in atata'.

Wuj Richin ri Jeremías 30:11

Yin kan ink'o iwik'in richin yixinkol. Kan xkenk'is k'a konojel tzobaj winaqi' ri akuchi xixintaluj-wi. Jak'a rix kan man xkixink'is ta y kan xtinq'et-tzij pan iwi' rik'in ruchojmilal, roma kan man xkixinya' ta kan choj keri'. Yin Jehová ri yibin.

San Mateo 3:17

Chirij ri' xpe k'a jun ch'abel chila' chikaj y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

1 Corintios 11:32

Y wi ri Dios nuya-pe tijoj-poqonal pan iwi', kan richin k'a yixrutijoj, richin man ta niqaqa ri nimalej ruk'ayewal pan iwi', achi'el ri xtiqaqa pa kiwi' ri winaqi' ri k'a e richin na re ruwach'ulew.

2 Corintios 6:18

*f6*Yin xkinok k'a tata'aj iwichin rix, y rix xkixok numi'al-nuk'ajol, nicha' ri ajaw ri k'o ronojel uchuq'a' pa ruq'a'.

Deut 8:5

Kan tiqatz'eta' k'a jebel, achi'el toq jun tata'aj nuya' ri rutojbalil rumak ri ruk'ajol, kan keri' chuqa' nuben ri Jehová ri qa-Dios, kan oj ruya'on-pe pa tijoj-poqonal.

Hebreos 1:5

¿Achike ta k'a chike ri ángel ri rubin ta ri Dios?*f1* Rat at nuk'ajol y yin in atata': O rubin ta pa ruwi': Yin xkinok achi'el jun tata'aj chire rija', y rija' xtok achi'el nuk'ajol.

Apocalipsis 21:7

Ri xtich'akon xtrichinaj re urtisanik re'. Ja yin k'a xkinok ru-Dios, y rija' walk'ual.

Apocalipsis 3:19

Yin kan yench'olij y yenpixabaj ri yenwajo'. Roma ri' rix kan rik'in k'a ronojel iwánima titzolej chik pe ik'u'x wik'in y tiya' kan ronojel ri imak.