2 Sam 7:11 - Kaqchiquel Bible

¹¹ toq xenya' ri to'onela' pa kiwi'. Jak'a re wakami xtinya' uxlanen chawe chikiwech konojel ri e etzelanel awichin. Keri' chuqa' yin ninjikiba-nutzij chi ri awijatzul man xtichup ta qa.

2 Sam 7:11 ပူးပေါင်းရင်းမြစ်များ

2 Sam 7:1

Kere' k'a xbanatej toq ri rey David k'o chik pa rachoch, toq ri Jehová xuya' yan uxlanenri'il chire chikiwech ri e etzelanel richin ri ek'o chunaqaj.

2 Sam 7:19

Y re' xa kan ti juba' ok chawech rat Nimalej Jehová, roma stape' yin xa in jun asamajel, man rik'in ri' rat kan xach'on yan apo chirij ri wijatzul ri chinuwech-apo. ¿Kan kere' kami naben kik'in konojel winaqi', rat nimalej Jehová?

2 Sam 7:27

Jehová k'iytisanel richin ronojel, ri at qa-Dios roj; rat xaq'alajirisaj k'a chuwe chi kan xtapaba-q'anej ri wijatzul. Roma ri' kan xpe pa wánima richin yich'on awik'in.

1 Rey 11:38

Y wi xtanimaj ronojel ri xtubij chawe, y wi xtatzeqelibej ri rubey y utz xtaben chuwech rija', y wi xtataqej ronojel ri rupixa'; wi keri', ri Jehová kan xtik'oje' awik'in y kan xkerujikiba' k'a ri aj pan awachoch chupan ri q'atbel-tzij achi'el xuben chire ri rijatzul ri David, y xtujech k'a ri tinamit Israel pan aq'a'.

1 Rey 2:24

Y ri Salomón chuqa' xubij: Ja ri Dios ri xya'on q'ij richin ja yin xik'oje' kan pa ruk'exel ri David ri nata', y chuqa' rija' kan xutaqej ri rubin chi kan ja ri wijatzul yin ri xkek'oje' chupan ri ajawaren, y roma ri' chuwech ri Jehová, ninbij chi kan k'atzinel chi nikamisex ri Adonías, xcha'.

1 Crón 17:10

toq yin xenya' ri e chojmirisey ri yebanatej pan iwi'. Yin kan xtinqasaj kiq'ij konojel ri etzelanel awichin, y kan ninq'alajirisaj k'a chawe chi kan xkek'iyer k'a ri awijatzul.

1 Crón 22:10

Y ri Dios chuqa' xubij chi ja rija' ri xtipaban-q'anej jun jay pa rubi' ri Dios. Rija' kan xtok ruk'ajol ri Dios y ri Dios xtok rutata'; y kan xtujikiba' ri ruq'atbal-tzij richin q'asen pa ruwi' re ruwach'ulew Israel. Keri' xubij ri Jehová chuwe.

Wuj Richin ri Achin Job 34:29

Wi ri Dios nik'oje' kan choj keri' y man jun nuben richin yeruto' ri winaqi', ¿k'o kami nitikir nich'ojin chire? Wi ta nrewaj ruwech, ri winaqi' kan man jun chik xtito'on kichin. Rija' kan rutz'uliben k'a stape' ta jun tinamit o xaxe jun wineq.

Wuj Richin Bix Chire ri Dios 106:42

Xetz'ilox k'a koma ri e etzelanel kichin. Kan xkitej k'a poqon pa kiq'a'.

Wuj Richin Bix Chire ri Dios 127:1

Wi ta k'o jun wineq nupaba-q'anej jun jay y ri Jehová man ta nuto', xa kan man jun k'a nuq'ajuj chi nisamej ri aj-tz'aq. Wi ta ri chajinela' nikichajij jun tinamit y ri Jehová man ta yeruto', xa kan man jun k'a rejqalen chi yek'ase' ri chajinela' ri'.

Wuj Richin Bix Chire ri Dios 46:9

Ja rija' ri nibanon chi nichup ri labal chuwech chijun ri ruwach'ulew. Yeruq'ajala' k'a ri rute-ch'ab y ri kum. Ri tobel kan yeruporoj pa q'aq'.

Wuj Richin Etamabel-Tzij 14:1

Jun ixoq aj-na'oj kan nitikir-wi nuben chi kow yek'oje' ri aj pa rachoch; jak'a ri xa maneq runa'oj, xa ja rija' yetalun-el kichin.

Hebreos 11:33

Konojel rije' xkikuquba' kik'u'x rik'in ri Dios, roma ri' xech'akon chikij ch'aqa' chik ruwach'ulew, pa ruchojmilal xeq'aton-tzij, xkik'ul ri xesuj chike roma ri Dios, xetikir xekikamisaj koj,

1 Sam 2:35

K'ari' yin xtincha' jun sacerdote ri kan nuben ri ninbij chire y nuben ri ninwajo' yin. Xkenyek-q'anej ri rijatzul rija' richin q'asen, y xkesamej k'a junan rik'in ri rijatzul ri rey ri nucha'on yin.

1 Sam 25:28

Yin nink'utuj utzil chawe richin takuyu' numak yin ri in samajel, roma kan jikil chi ri Jehová xtuben chawe chi ri aq'atbel-tzij xtijike' kik'in ri awijatzul. Xtuben kere' roma rat kan ja wi ri oyowal richin rija' naben. Y man jun ta k'a etzelal xtaqajbej chupan chijun ri ak'aslen.