2 Sam 6:21 - Kaqchiquel Bible

²¹ K'ari' ri David xubij chire: Kan qitzij na wi chi xitzopiyaj, jak'a kan chuwech ri Jehová, roma ja rija' xicha'on richin xinok tata'al richin ri tinamit. Rija' kan xirucha' richin xinok kan pa ruk'exel kan ri atata' y pa kik'exel kan ri axibal. Roma ri' wi yin ninwajo', kan k'a xkitzopiyaj na richin xtinya' ruq'ij ri Jehová.

2 Sam 6:21 ပူးပေါင်းရင်းမြစ်များ

2 Sam 5:2

Y kan qitzij na wi chi ja ri Saúl ri xq'aton-tzij pa qawi'. Jak'a xa kan ja rat ri at uk'uayon ri bey chikiwech ri aj-labal. Chuqa' ri Jehová rubin chawe chi rat xkatok yuq'unel y tata'al qichin roj tinamit Israel, xecha'.

2 Sam 6:14

Y rija' rukusan k'a el jun rutziaq ri banon rik'in lino. Y janila k'a kikoten k'o rik'in y roma ri' kan nitzopiyaj rik'in ronojel ruchuq'a' chuwech ri Jehová.

2 Sam 6:16

Toq ri káxa ri' xapon pa Jerusalem, jari' toq ri Mical ri rixjayil nitzu'un-pe pa jun ventana. Ri Mical ri' rumi'al kan ri Saúl. Y toq xutz'et-pe chi ri David nitzopiyaj roma kikoten chuwech ri Jehová, jari' toq rija' kan xretzelaj k'a ri rachijil.

2 Sam 6:22

Wakami kan más k'a xtinben ke chuwech ri xatz'et, y kan más k'a xtinqasaj nuq'ij achi'el ri nabij rat. Jak'a kan xtik'oje' k'a nuq'ij chikiwech ri ixoqi' aj-ik'a' ri achoq pa kiwi' xach'on-wi-qa rat, xcha'.

2 Sam 6:5

Ri David y ri ch'aqa' chik israelita yetzopilan k'a e beneq, yebixan k'a chuwech ri Jehová rik'in jalajoj ruwech q'ojom.

2 Sam 7:8

Wakami, yin Jehová k'iytisanel richin ronojel, ninbij k'a chawe rat David chi ja yin ri xinelesan-pe awichin chikikojol ri karne'l richin xatok tata'al pa ruwi' ri nutinamit Israel.

1 Crón 15:29

Y toq ri káxa richin ri rujikibel-tzij ri Dios xapon pa rutinamit ri David, ri rumi'al kan ri Saúl rubini'an Mical ri rixjayil ri David, xtzu'un-pe pa ventana y xutz'et-pe ri rey David nitzopiyaj roma kikoten; y ri ixoq ri' kan xrixowaj ri David ri rachijil.

Hechos 13:22

Toq ri Dios xrajo' chi ri Saúl xel chupan ri q'atbel-tzij, xuya' ri David richin chi xok rey. Ri Dios kan xubij k'a chirij ri rey David: Kan k'o-wi jun ri xtuben ri nurayibel y kan niqa' chinuwech. Yin kan nintz'et k'a chi ri xtibanon keri' ja ri David ri ruk'ajol ri Isaí. Keri' xubij ri Dios.

1 Corintios 10:31

Roma ri' yin ninbij chiwe chi toq yixwa-yixuk'ya' o xabachike chik ri niben, kan tibana' k'a richin niya' ruq'ij-ruk'ojlen ri Dios.

1 Sam 13:14

Jak'a re wakami ri aq'atbal-tzij xa man xtiyaloj ta. Roma ri Jehová xukanoj yan jun achin ri kan niqa' chuwech Rija'. Y kan xucha' richin xtok tata'al pa ruwi' ri rutinamit, roma rat xa man xaben ta ri xubij ri Jehová chawe, xcha'.

1 Sam 15:28

K'ari' ri Samuel xubij: Ri Jehová xtrelesaj-el ri q'atbel-tzij pan aq'a' achi'el xretzetej ri nutziaq yin, y xtuya' k'a chire jun chik qawinaq ri más utz chawech rat.

1 Sam 16:1

Chirij re' ri Jehová xubij k'a chire ri Samuel: ¿K'a jampe' k'a yatane' chi oq'ej chirij ri Saúl? Roma ja yin ri xibin chire chi man rey ta chik pa ruwi' ri Israel. Wakami tanojisaj k'a ri uk'a' rik'in aceite y xkabe rik'in ri Isaí aj-Belén, roma jun chike ri ruk'ajol rija' nucha'on richin nibe'ok rey, xcha'.

1 Sam 16:12

K'ari' ri Isaí xuteq k'a royoxik, y toq xapon xukusaj-apo. Y ri David kan kaqkoj ri ruwi' y ri runaq'-ruwech kan janila jebel ok y kan jebel ok ri nitzu'un. Y ri Jehová xubij chire ri Samuel: Kayakatej y taqasaj ri aceite pa ruwi', roma ja rija' ri nucha'on richin nok kan rey, xcha'.