2 Sam 6:20 - Kaqchiquel Bible

²⁰ Xeri' ri David xbe pa rachoch richin xberuya' urtisanik pa kiwi' konojel ri ek'o chiri'. Y jari' toq xok'ul k'a el roma ri Mical ri rixjayil, y xubij chire ri David: ¿Kan jebel ok ri xaben rat, rey richin Israel chi xach'anaba-awi' chikiwech ri ixoqi' aj-ik'a' kichin ri asamajela'? ¿Kan man xak'ix ta k'a, chi xa xaben achi'el xa ta at jun xabachike achin?, xcha'.

2 Sam 6:20 ပူးပေါင်းရင်းမြစ်များ

2 Sam 6:16

Toq ri káxa ri' xapon pa Jerusalem, jari' toq ri Mical ri rixjayil nitzu'un-pe pa jun ventana. Ri Mical ri' rumi'al kan ri Saúl. Y toq xutz'et-pe chi ri David nitzopiyaj roma kikoten chuwech ri Jehová, jari' toq rija' kan xretzelaj k'a ri rachijil.

2 Sam 6:14

Y rija' rukusan k'a el jun rutziaq ri banon rik'in lino. Y janila k'a kikoten k'o rik'in y roma ri' kan nitzopiyaj rik'in ronojel ruchuq'a' chuwech ri Jehová.

Wuj Kichin ri To'onela' 9:4

Xeri' rije' xkiya-el oxk'al lajuj raqen saqipueq chire ri Abimélec, ri yakel chiri' pa rachoch ri dios Baal-berit, y rik'in ri' ri Abimélec xerutoj-el itzel taq achi'a' ri e q'ori' richin xebe chirij.

Marcos 3:21

Toq ri e rach'alal ri Jesús xkinabej-pe, xe'apon richin nibekik'ama-pe, roma xkich'ob chi ri Jesús xa xch'ujer.

Wuj Richin Bix Chire ri Dios 101:2

Ninrayibej chi choj ta ri nuk'aslen. Keri' toq rat xkape wik'in richin yinato'. Yin kan rik'in ruch'ajch'ojil wánima xtinq'et-tzij chupan ri wachoch.

Wuj Richin Bix Chire ri Dios 30:1

Jehová, kan xkatinnimirisaj k'a, roma kan xinakol. Kan man xaya' ta k'a q'ij chi ri e etzelanel wichin xekikot ta chuwij.

Wuj Richin ri Achin Job 30:8

Rije' xa e junan k'a kik'in ri itzel taq winaqi', ni maneq rubi' kite-kitata' kik'uan, rije' xa e elesan-el chupan ri kiruwach'ulew.

1 Crón 16:43

Chirij ronojel re' konojel xetzolin k'a chi taq kachoch, y chuqa' ri David xtzolin chirachoch richin xerurtisaj ri aj pa rachoch.

2 Sam 6:18

Toq ri David xk'achoj richin xusuj ri ka'i' sipanik ri', xerurtisaj ri ruwinaq pa rubi' ri Jehová ri k'iytisanel richin ronojel.

Wuj Richin ri Josúe 24:15

Wi man niqa' ta chiwech nisamajij ri Jehová, kan ticha' k'a wakami ri achike ri nisamajij; wi ja ri dios ri xkisamajij ri qate-qatata' toq xek'oje' ri juk'an chik chire ri raqen-ya' Éufrates, o ja ri ki-dios ri amorreo ri akuchi ixk'o-wi wakami. Jak'a yin y ri e aj pa wachoch kan ja k'a ri Jehová ri xtiqasamajij, xcha'.

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

San Juan 13:6

Jak'a toq xapon rik'in ri Simón Pedro richin nuch'ej ri raqen, ri Pedro xubij chire ri Jesús: Wajaw, ¿kan nach'ej chuqa' waqen yin?, xcha'.

Marcos 14:66

Toq ri Pedro k'o ri chuwa-jay-qa, k'o k'a jun xten raj-ik' ri nimalej sacerdote ri xapon ri chiri'.

1 Sam 14:49

Ja kibi' re' ri e ralk'ual ri Saúl: Ri Jonatán, ri Isví y ri Malquisúa. Y chuqa' ek'o e ka'i' rumi'al: Ri nimalaxel rubini'an Merab y ri chaq'laxel rubini'an Mical.

2 Sam 6:19

Y k'ari' xujech chike chikijujunal ri ek'o chiri' jun kaxlan-wey, juba' ti'ij y jun wey ri banon rik'in uva ri chaqirisan. Chirij ri' chikijujunal ri winaqi' xetzolej-el pa taq kachoch.

Wuj Richin ri Molojri'il 7:17

Man taben chi ja rat ri más at itzel chikiwech ri ch'aqa' chik, ni man taben chi ja rat ri más at nakanik chikiwech ri ch'aqa' chik. Roma xa jari' ri xtibanon chawe richin yaken yan el, y xa man jani tapon ruq'ijul richin ri akamik.

1 Sam 18:20

Jak'a ri Mical ri jun chik rumi'al ri Saúl, janila nrajo' ri David y re' xapon rutzijol rik'in ri Saúl, y rija' kan xqa' chuwech toq xrak'axaj re'.