2 Sam 6:19 - Kaqchiquel Bible

¹⁹ Y k'ari' xujech chike chikijujunal ri ek'o chiri' jun kaxlan-wey, juba' ti'ij y jun wey ri banon rik'in uva ri chaqirisan. Chirij ri' chikijujunal ri winaqi' xetzolej-el pa taq kachoch.

2 Sam 6:19 ပူးပေါင်းရင်းမြစ်များ

Wuj Richin ri Nehemías 8:10

Y xeri' yin xinbij chike: Kixbiyin y tibetija' ti'ij y tibequmu' vino y tisipaj juba' chike ri man jun k'o kik'in richin nikitej, roma re q'ij re' kan ch'aron chire ri Jehová. Man jun tibison, xa kan kixkikot k'a chi'iwonojel, roma ri kikoten ri nuya' ri Jehová jari' ri quchuq'a', xicha'.

Efesios 4:8

Roma ri', chupan ri ruch'abel ri Dios nubij chirij ri Cristo: Toq xjote-q'anej chila' chikaj, xeruk'uaj-el ri ek'o pa ximonri'il. Y xuya' k'a pe jalajoj sipanik chiqe roj ri winaqi'.*f3*

Hechos 20:35

Yin kan xink'ut k'a chiwech chi nik'atzin chi yixsamej richin nich'ek iméro richin chi rik'in ri' ye'itobej ri nik'atzin kito'ik. Toqaqa k'a chi'ik'u'x ri rubin kan ri ajaw Jesús chi más nikikot ránima ri wineq ri nisipan ke chuwech ri nik'ulun jun sipanik, xcha'.

Ez 45:17

Y ri q'atoy-tzij ri' ja rija' ri nijachon ri chikopi' richin yeporox y ri k'atzinel ri nuk'uaj ri sipanik richin jalajoj ruwech ixin y ri vino ri nikusex pa nimaq'ij richin k'ak'a' ik', pa taq q'ij richin uxlanen y ri k'atzinel pa taq jalajoj ruwech nimaq'ij ri niban pa ruwach'ulew Israel. K'o chi nujech-apo ri kamelabel richin kuyubel-mak, ri sipanik richin jalajoj ruwech ixin, ri chikop ri niporox jumul y ri sipanik ri niq'alajirisan chi junan iwech wik'in. Y keri' nink'en chik iwech.

2 Crón 30:24

Y roma ri' ri Ezequías, rey richin Judá, xusipaj chike ri winaqi' e 1,000 nima-alaji' achija' taq wákix y e 7,000 karne'l y tzuntzun. Chuqa' ri e tata'al xkisipaj chike ri winaqi' e 1,000 alaji' achija' taq wákix y e 10,000 karne'l y tzuntzun. Y k'ari' e k'iy chik sacerdote ri xkich'ajch'ojirisaj-ki'.

2 Crón 7:10

Y chirij chik ri nimaq'ij ri', chupan ri q'ij juwineq oxi', chire ri ruwuq ik', ri Salomón xerutaluj-el ri winaqi', richin xebe chi taq kachoch rik'in kikoten pa taq kánima roma ri xuben ri Jehová rik'in ri ánima David, rik'in ri Salomón y rik'in ri rutinamit Israel.

1 Crón 16:3

Chirij re' ri David xusipaj oxi' ruwech kaxlan-wey chike; jun choj kaxlan-wey, jun ponon kaxlan-wey banon rik'in dátil, y jun chik banon rik'in uva chaqirisan. Y re' xusipaj chike konojel aj-Israel ri ek'o chiri'; chi achi'a' chi ixoqi'.

1 Rey 8:66

Y toq xk'is ri nimaq'ij ri', ri ruka'n q'ij chik, ri Salomón xerutaluj-el ri winaqi', y rije' kan xkinimirisaj ri rubi' rija', y k'ari' xebe chi taq kachoch rik'in janila kikoten pa taq kánima, roma ronojel ri utzil ri xuben ri Jehová rik'in ri ánima David ri rusamajel, y chuqa' rik'in ri rutinamit Israel.

2 Sam 6:18

Toq ri David xk'achoj richin xusuj ri ka'i' sipanik ri', xerurtisaj ri ruwinaq pa rubi' ri Jehová ri k'iytisanel richin ronojel.

2 Sam 6:20

Xeri' ri David xbe pa rachoch richin xberuya' urtisanik pa kiwi' konojel ri ek'o chiri'. Y jari' toq xok'ul k'a el roma ri Mical ri rixjayil, y xubij chire ri David: ¿Kan jebel ok ri xaben rat, rey richin Israel chi xach'anaba-awi' chikiwech ri ixoqi' aj-ik'a' kichin ri asamajela'? ¿Kan man xak'ix ta k'a, chi xa xaben achi'el xa ta at jun xabachike achin?, xcha'.

1 Crón 16:43

Chirij ronojel re' konojel xetzolin k'a chi taq kachoch, y chuqa' ri David xtzolin chirachoch richin xerurtisaj ri aj pa rachoch.

Wuj Richin ri Nimalej Bix 2:5

Kan taya' k'a uva chaqirisan chuwe richin chi nik'oje' chik juba' wuchuq'a', y taya' k'a manzana chuwe roma k'a ninwajo' na más ajowabel.

Os 3:1

Ri Jehová xch'on chik k'a jun bey wik'in yin Oseas y xubij chuwe: Wakami kan tawajo' chik jun bey jun ixoq itzel ruk'aslen ri ajowan koma ch'aqa' chik achi'a'. Kan tawajo' k'a achi'el ri wajowabal yin Jehová, kik'in ri tinamit Israel. stape' ri winaqi' ri' xa kan xekitzeqelibej ch'aqa' chik dios. Y kan niqa' chikiwech ri kaxlan-wey ri banon rik'in uva ri sujun chik chikiwech ri Baal, xcha' chuwe.

Wuj Richin ri Josúe 22:6

Ri Josué kan xerurtisaj k'a el richin xkichop-el ri kibey richin xebe pa taq kachoch.