2 Sam 6:15 - Kaqchiquel Bible

¹⁵ Ri David y konojel ri winaqi' israelita ri kik'uan ri káxa kan yesik'in k'a rik'in kikoten y nikixupula' k'a ri ki-trompeta.

2 Sam 6:15 ပူးပေါင်းရင်းမြစ်များ

2 Sam 6:14

Y rija' rukusan k'a el jun rutziaq ri banon rik'in lino. Y janila k'a kikoten k'o rik'in y roma ri' kan nitzopiyaj rik'in ronojel ruchuq'a' chuwech ri Jehová.

2 Sam 6:16

Toq ri káxa ri' xapon pa Jerusalem, jari' toq ri Mical ri rixjayil nitzu'un-pe pa jun ventana. Ri Mical ri' rumi'al kan ri Saúl. Y toq xutz'et-pe chi ri David nitzopiyaj roma kikoten chuwech ri Jehová, jari' toq rija' kan xretzelaj k'a ri rachijil.

1 Crón 15:16

Y ri David xubij k'a chuqa' chike ri aj-raqen pa kiwi' ri e levita chi kecha'ox ri bixanela' y nikibixaj bix richin kikoten, chuqa' kecha'ox ri q'ojomanela' rik'in jalajoj ruwech q'ojom achi'el ri salterio, ri arpa y ri platillo.

1 Crón 15:25

K'ari' ri David y ri achi'a' ri k'o kiq'ij richin ri Israel y ri aj-raqen kichin ri aj-labal, rik'in k'a kikoten xbekik'ama-pe ri káxa richin ri rujikibel-tzij ri Dios pa rachoch ri Obed-edom.

1 Crón 15:28

Keri' k'a konojel ri aj-Israel yekikot kik'uan ri káxa richin ri rujikibel-tzij ri Jehová; y nikireq k'a kichi' roma kikoten. Chuqa' nikixupuj ri trompeta y ri uk'a'; y nikiq'ojomaj ri platillo, ri salterio, y ri arpa.

Wuj Richin Bix Chire ri Dios 132:18

Jak'a kik'in ri e etzelanel kichin xtaben chike chi xtisach kik'u'x. Jak'a ri e rijatzul kan ri David jantape' k'a xkebe pa jotol.

Wuj Richin Bix Chire ri Dios 149:5

Kan kekikot k'a ri kan nikiben ri nubij rija'. Kan kebixan k'a stape' ek'o chik pa kich'at.

Wuj Richin Bix Chire ri Dios 150:3

Tibixaj ri rubi' ri Dios rik'in ri xupubel. Tibixaj ri rubi' rik'in ri salterio y ri arpa.

Wuj Richin Bix Chire ri Dios 47:1

Chinimalej iwonojel rix winaqi', tipaq'apa' ri iq'a'. Tiya' k'a ruq'ij ri Dios rik'in kikoten.

Ez 46:10

Y ri q'atoy-tzij k'o chi nok-apo pa nabey y chiri' nik'oje-wi, k'a toq yek'is na pe konojel winaqi', k'ari' nel-pe rija'.