2 Sam 6:12 - Kaqchiquel Bible

¹² Y k'o k'a jun q'ij xapon rutzijol rik'in ri David, chi ri Jehová janila rurtisan ri Obed-edom y konojel ri ek'o rik'in, roma ri káxa k'o pa rachoch. Roma ri' xberelesaj-pe ri káxa chiri' rik'in janila kikoten, richin nuk'uaj chupan ri rutinamit.

2 Sam 6:12 ပူးပေါင်းရင်းမြစ်များ

2 Sam 5:7

Stape' keri' xkibij ri aj-Jebús, ri David xtikir xuch'ek ri kitinamit y xok chupan ri jay richin tobel ri chiri' pa ruwi' ri juyu' Sión. Y roma ri' ri tinamit ri' xubini'aj Ri Rutinamit ri David.

1 Rey 8:1

K'ari' ri rey Salomón xuteq k'a koyoxik konojel ri achi'a' ri k'o kiq'ij ri ek'o pa ruwi' ri ruwach'ulew Israel, konojel ri aj-raqen ri ek'o pa kiwi' ri tzobaj y ri e tata'al kichin ri aj pa jay. Y ri winaqi' nikimol-ki' chiri' pa Jerusalem richin nikelesaj-pe ri káxa richin ri rujikibel-tzij ri Jehová pa rutinamit kan ri David ri nibix Sión chire, y nikiq'axaj chupan ri k'ak'a' rachoch ri Jehová.

1 Rey 8:3

Y toq xe'apon ri achi'a' ri k'o kiq'ij, jari' toq ri e sacerdote xbekitzeqej-pe ri káxa

1 Rey 8:4

y xkik'uaj k'a q'anej, y ri ch'aqa' chik sacerdote ri e levita ri xe'uk'uan y xkik'uaj-el chuqa' ri rachoch ri Dios ri banon rik'in tzieq y ronojel ri samajibel ri kan ek'o kan chiri'.

1 Crón 15:15

Ri e levita xbekelesaj-pe ri káxa ri', y xkiju-pe ka'i' che' pa taq ruxikin richin xkiya-pe chuwi-kitele'n, achi'el rubin kan ri Jehová chire ri Moisés.

1 Crón 15:25

K'ari' ri David y ri achi'a' ri k'o kiq'ij richin ri Israel y ri aj-raqen kichin ri aj-labal, rik'in k'a kikoten xbekik'ama-pe ri káxa richin ri rujikibel-tzij ri Dios pa rachoch ri Obed-edom.

1 Crón 16:16

Re jikibel-tzij re' ri xuben rik'in ri Abraham, re yo'ontzij re' ri xuben rik'in ri Isaac,

1 Crón 26:4

Ri Dios kan xrurtisaj ri Obed-edom rik'in e janila ruk'ajol. Y jare' ri rucholajen ri kibi', ri Semaías, ri Jozabad, ri Joah, ri Sacar, ri Natanael, ri Amiel, ri Isacar y ri Peultai.

2 Crón 5:2

K'ari' ri rey Salomón xuteq k'a koyoxik richin jun molojri'il ri chiri' pa Jerusalem konojel ri achi'a' ri k'o kiq'ij, konojel ri e tata'al ri ek'o pa kiwi' ri tzobaj winaqi' richin ri tinamit Israel, y ri e aj-raqen kichin ri aj pa jay, richin nikelesaj-pe ri káxa richin ri rujikibel-tzij ri Jehová chiri' pa rutinamit kan ri David, ri nibix Sión chire y nikiq'axaj chupan ri k'ak'a' rachoch ri Jehová ri chiri' pa Jerusalem.

San Mateo 10:42

Xabachike k'a wineq ri xa stape' juba' ruya' nusipaj chire ri más ruqasan-ri' chike ri nutijoxela' yin, kan qitzij k'a ninbij chiwe chi kan k'o-wi rajel ruk'exel ri xtuk'ul, xcha' ri Jesús.