2 Sam 5:9 - Kaqchiquel Bible

⁹ Y chirij ri' ri David kan xk'oje-qa chiri' chupan ri jay richin tobel chiri' pa Sión. Y roma ri' xubini'aj Tinamit Richin ri David. Rija' xunimirisaj-q'anej ri tz'aq ri k'o pa relebel-q'ij chire ri jay richin q'atbel-tzij, y xunojisaj-q'anej chi ulew.

2 Sam 5:9 ပူးပေါင်းရင်းမြစ်များ

1 Rey 9:24

Ri rixjayil ri Salomón, ri rumi'al ri rey richin Egipto, xel k'a el ri chiri' pa rutinamit kan ri rey David y xq'ax k'a q'anej pa rachoch rija' ri xban-q'anej roma ri Salomón. Y k'ari' ri Salomón xutaq'ajuj, xeruben ch'aqa' chik jay y xusutij chi tz'aq.

1 Rey 9:15

Ri rey Salomón xerumol k'a winaqi' richin xban-q'anej ri samaj. Y ri samaj ri', ja ri xban-q'anej ri rachoch ri Jehová, ri rachoch rija', ri tz'aq ri rusutin-rij ri tinamit Jerusalem y ri ulew ri achoq ik'in xtaq'ajux-wi richin chiri' xpabex-q'anej ri tinamit, y chuqa' richin xepabex chik q'anej ri tinamit Hasor, ri Meguido y ri Guézer.

2 Crón 32:5

Y ri Ezequías kan rik'in k'a ronojel uchuq'a' xuteq ruchojmirisaxik ri tz'aq, y xeruben-q'anej jay kichin ri chajinela' pa ruwi', y chuqa' xuben jun chik tz'aq ri xk'oje-pe chuwech ri tz'aq ri kan k'o. Chuqa' xunojisaj chik chi ulew ri chuwech-pe ri tz'aq ri k'o chiri' pa tinamit richin ri rey David. Y xuteq rubanikil k'iy espada y tobel.

1 Rey 11:27

Jare' ri xbanatej toq ri Jeroboam xupaba-ri' chuwech ri rey. Xa roma ri rey Salomón najin chubanik ri tz'aq ri nusutin-rij ri rutinamit kan ri David, ri rutata'. Xa juba' chik k'a ri nrajo' richin nik'achoj-q'anej ri tz'aq ri', richin chi utz nutaq'ajuj kan rik'in ulew.

2 Sam 5:7

Stape' keri' xkibij ri aj-Jebús, ri David xtikir xuch'ek ri kitinamit y xok chupan ri jay richin tobel ri chiri' pa ruwi' ri juyu' Sión. Y roma ri' ri tinamit ri' xubini'aj Ri Rutinamit ri David.

1 Crón 11:8

Ri David xupaba' chik q'anej ri tobel richin Sión, y chuqa' xutaq'ajuj chik ri ulew ri k'o chunaqaj. Rokik ri David nupaba' chik q'anej ri Sión, ri Joab chuqa' xupaba' chik q'anej ri tinamit.

Wuj Kichin ri To'onela' 9:20

Wi man keri' ta, kan tel k'a pe q'aq' rik'in ri Abimélec richin xkixruk'is iwonojel rix aj-Siquem y rix ri ixk'o pa Bet-miló; y chuqa' iwik'in rix tel k'a pe q'aq' richin nuk'is ri Abimélec, xcha' chike.

Wuj Kichin ri To'onela' 9:6

K'ari' xkimol-ki' konojel winaqi' aj-Siquem y konojel ri ek'o pa Bet-miló, y xkiben chire ri Abimélec richin xok rey pa kiwi'; y re' xbanatej chunaqaj ri taq'aj ri akuchi k'o-wi ri paban-abej chukojol ri paten-che' ri ek'o chiri' pa Siquem.

2 Sam 5:8

Richin xech'akatej ri aj-Jebús, ri David xubij k'a chi richin yetikir yekikamisaj, k'o chi ye'ok-el chupan ri rubey ya' ri napon pa tinamit. Y chuqa' xubij chi wakami xtutz'et wi qitzij chi ri e moyi' y ri e jetz' xketikir xtikipaba-ki', roma rija' kan yeretzelaj-wi ri winaqi' ri'. Chiri' k'a peteneq-wi ri ch'abel ri nibix chi ri moyi' y ri e jetz' man ruk'amon ta ye'ok chupan ri rachoch ri Dios.

2 Rey 12:20

Y xeyakatej k'a ka'i' rusamajela' chirij ri Joás y xkikamisaj pa jun jay ri k'o akuchi taq'ajun-q'anej rik'in ulew, y re' k'o pa relebel-q'ij chire ri Jerusalem chunaqaj ri bey ri nibe pa tinamit Silá.

Wuj Richin Bix Chire ri Dios 122:3

Jerusalem, jun tinamit ri banon-q'anej, jun tinamit ri akuchi nikimol-ki' konojel ri qawinaq.

Wuj Richin ri Isaías 29:1

Ri Dios xubij: Toq'ex kiwech ri ek'o pa tinamit Jerusalem,*f6* ri akuchi xk'oje-wi ri David. Kan tiya' k'a ruwi' ka'i-oxi' juna' más richin yixnimaq'ijun.

2 Sam 6:10

Roma ri' man xuk'en ta pe ri káxa chupan ri rutinamit rija'. Y xuch'ob chi más utz nibek'oje' kan pa rachoch ri jun achin rubini'an Obed-edom ri k'o pa tinamit Gat.

1 Rey 2:10

Xken k'a ri David y xapon kik'in ri rute-rutata', y xmuq chupan ri rutinamit kan rija'.

2 Rey 12:21

Y ri xekamisan richin ri Joás ja ri Josacar ruk'ajol ri Simat, y ri Jozabad ruk'ajol ri Somer. Xkimuq k'a ri Joás akuchi e muqun-wi ri rute-rutata' ri pa rutinamit kan ri rey David. Y ri xk'oje' kan pa ruk'exel richin xuq'et-tzij ja ri Amasías ri ruk'ajol.

Wuj Richin ri Nehemías 3:15

Ri Salum ruk'ajol ri Colhozé, aj-raqen pa ruwi' ri tinamit rubini'an Mispá, xuyek chik q'anej ri ruchi' ri tz'aq ri rubini'an Ralaxbel-Ya'. Y xuchojmirisaj y xuya' ch'ich' y che' chirij richin xuch'ayuj kan jebel. Y keri' chuqa' xuyek-q'anej ri tz'aq ri napon-qa chuchi' ri ralaxbel-ya' richin Siloé ri k'o chunaqaj ri ruqejoj ri rey, y napon-qa k'a akuchi nik'is-wi ri grada ri nixule-qa pa rutinamit kan ri rey David.