2 Sam 5:7 - Kaqchiquel Bible

⁷ Stape' keri' xkibij ri aj-Jebús, ri David xtikir xuch'ek ri kitinamit y xok chupan ri jay richin tobel ri chiri' pa ruwi' ri juyu' Sión. Y roma ri' ri tinamit ri' xubini'aj Ri Rutinamit ri David.

2 Sam 5:7 ပူးပေါင်းရင်းမြစ်များ

2 Sam 5:8

Richin xech'akatej ri aj-Jebús, ri David xubij k'a chi richin yetikir yekikamisaj, k'o chi ye'ok-el chupan ri rubey ya' ri napon pa tinamit. Y chuqa' xubij chi wakami xtutz'et wi qitzij chi ri e moyi' y ri e jetz' xketikir xtikipaba-ki', roma rija' kan yeretzelaj-wi ri winaqi' ri'. Chiri' k'a peteneq-wi ri ch'abel ri nibix chi ri moyi' y ri e jetz' man ruk'amon ta ye'ok chupan ri rachoch ri Dios.

2 Sam 5:9

Y chirij ri' ri David kan xk'oje-qa chiri' chupan ri jay richin tobel chiri' pa Sión. Y roma ri' xubini'aj Tinamit Richin ri David. Rija' xunimirisaj-q'anej ri tz'aq ri k'o pa relebel-q'ij chire ri jay richin q'atbel-tzij, y xunojisaj-q'anej chi ulew.

2 Sam 6:10

Roma ri' man xuk'en ta pe ri káxa chupan ri rutinamit rija'. Y xuch'ob chi más utz nibek'oje' kan pa rachoch ri jun achin rubini'an Obed-edom ri k'o pa tinamit Gat.

2 Sam 6:12

Y k'o k'a jun q'ij xapon rutzijol rik'in ri David, chi ri Jehová janila rurtisan ri Obed-edom y konojel ri ek'o rik'in, roma ri káxa k'o pa rachoch. Roma ri' xberelesaj-pe ri káxa chiri' rik'in janila kikoten, richin nuk'uaj chupan ri rutinamit.

2 Sam 6:16

Toq ri káxa ri' xapon pa Jerusalem, jari' toq ri Mical ri rixjayil nitzu'un-pe pa jun ventana. Ri Mical ri' rumi'al kan ri Saúl. Y toq xutz'et-pe chi ri David nitzopiyaj roma kikoten chuwech ri Jehová, jari' toq rija' kan xretzelaj k'a ri rachijil.

1 Rey 2:10

Xken k'a ri David y xapon kik'in ri rute-rutata', y xmuq chupan ri rutinamit kan rija'.

1 Rey 3:1

Ri rey Salomón xk'ule' rik'in ri rumi'al ri rey richin Egipto, y keri' xjunamatej-kiwech, y xek'oje' chiri' pa rutinamit kan ri rey David, rokik chiri' pa Jerusalem najin rupabaxik ri rachoch rija', ri rachoch ri Jehová y ri tz'aq ri nisutin-rij ri tinamit ri'.

1 Rey 8:1

K'ari' ri rey Salomón xuteq k'a koyoxik konojel ri achi'a' ri k'o kiq'ij ri ek'o pa ruwi' ri ruwach'ulew Israel, konojel ri aj-raqen ri ek'o pa kiwi' ri tzobaj y ri e tata'al kichin ri aj pa jay. Y ri winaqi' nikimol-ki' chiri' pa Jerusalem richin nikelesaj-pe ri káxa richin ri rujikibel-tzij ri Jehová pa rutinamit kan ri David ri nibix Sión chire, y nikiq'axaj chupan ri k'ak'a' rachoch ri Jehová.

1 Rey 9:24

Ri rixjayil ri Salomón, ri rumi'al ri rey richin Egipto, xel k'a el ri chiri' pa rutinamit kan ri rey David y xq'ax k'a q'anej pa rachoch rija' ri xban-q'anej roma ri Salomón. Y k'ari' ri Salomón xutaq'ajuj, xeruben ch'aqa' chik jay y xusutij chi tz'aq.

1 Crón 11:7

Chirij ri', ri David xk'oje' kan chupan ri tobel, y roma ri' xkijel ri rubi', y re wakami nibix ri Rutinamit ri David chire.

2 Crón 24:16

y xkimuq k'a pa rutinamit kan ri rey David. Junan xmuq kik'in ri rey, roma kan janila utz xuben chupan ri ajawaren, y chuqa' janila utz ri xuben chuwech ri Dios y ri rachoch.

2 Crón 5:2

K'ari' ri rey Salomón xuteq k'a koyoxik richin jun molojri'il ri chiri' pa Jerusalem konojel ri achi'a' ri k'o kiq'ij, konojel ri e tata'al ri ek'o pa kiwi' ri tzobaj winaqi' richin ri tinamit Israel, y ri e aj-raqen kichin ri aj pa jay, richin nikelesaj-pe ri káxa richin ri rujikibel-tzij ri Jehová chiri' pa rutinamit kan ri David, ri nibix Sión chire y nikiq'axaj chupan ri k'ak'a' rachoch ri Jehová ri chiri' pa Jerusalem.

Wuj Richin ri Nehemías 3:15

Ri Salum ruk'ajol ri Colhozé, aj-raqen pa ruwi' ri tinamit rubini'an Mispá, xuyek chik q'anej ri ruchi' ri tz'aq ri rubini'an Ralaxbel-Ya'. Y xuchojmirisaj y xuya' ch'ich' y che' chirij richin xuch'ayuj kan jebel. Y keri' chuqa' xuyek-q'anej ri tz'aq ri napon-qa chuchi' ri ralaxbel-ya' richin Siloé ri k'o chunaqaj ri ruqejoj ri rey, y napon-qa k'a akuchi nik'is-wi ri grada ri nixule-qa pa rutinamit kan ri rey David.

Wuj Richin Bix Chire ri Dios 132:13

Roma rat Jehová kan jak'a ri tinamit Sión ri acha'on. Jari' k'a ri xawajo' richin chi chiri' yak'oje-wi.

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

Wuj Richin Bix Chire ri Dios 48:12

Kixbiyin y tisutij-rij ri tinamit Sión. Tiwajlaj janipe' jay kichin ri chajinela' k'o pa ruwi' ri tz'aq.

Wuj Richin Bix Chire ri Dios 48:3

Ri Dios kan k'o k'a chupan ri rachoch, kan xuk'ut k'ari' chi kan ja rija' ri qato'onel.

Wuj Richin Bix Chire ri Dios 51:18

Rik'in ri awajowabal rat, kan taya' k'a ri utzil pa ruwi' ri tinamit Sión. Kan tabana' k'a chi xtiyak-el ri tz'aq chirij ri tinamit.

Wuj Richin Bix Chire ri Dios 87:2

Rija' kan janila nrajo' ri tinamit ri', más ke chuwech ri ch'aqa' chik tinamit richin ri Israel.

Wuj Richin Bix Chire ri Dios 9:11

Tibixaj rubi' ri Jehová, ri k'o chiri' pa Sión. Titaluj k'a rutzijol ri pa taq tinamit ri nima'q taq rubanobal.

Wuj Richin ri Isaías 12:6

Kan qojsik'in rik'in kikoten. Kan qojbixan qonojel roj winaqi' aj-Sión, roma ri qa-Dios kan nim chiqakojol.

Wuj Richin ri Isaías 59:20

Chupan ri q'ij ri' ri kolonel xtipe k'a pa tinamit Sión, y konojel ri nuwinaq israelita xtikitzolij-ki' chikij. Ri Jehová kan keri' ri xusuj.

Wuj Richin ri Jeremías 21:13

Rix aj-Jerusalem ri ixk'o chiri' pa taq'aj kojol juyu', kan ikuquban ik'u'x rik'in ri nimalej abej ri k'o chiri'. Rix kan nibij k'a chi man jun xtinaqo iwichin. Chuqa' nibij chi man jun nitikir nok-apo chupan ri itinamit. Yin Jehová ninbij chi kan xkinok etzelanel iwichin.

Wuj Richin ri Miqueas 4:2

Xkepe k'a janila chi winaqi' richin ch'aqa' chik ruwach'ulew, y xtikibixaj re bix re': Qojjote-el pa ruwi' ri juyu' ri richin ri Jehová. Xqojapon k'a pa rachoch ri ki-Dios ri winaqi' israelita. Y rija' xtuk'ut chiqawech ri bey ri niqa' chuwech, richin niqatzeqelibej ri rupixa', xkecha'. Ri Dios xtuk'ut k'a rupixa' pa ruwi' ri juyu' Sión. Kan pa Jerusalem k'a xtel-pe ri ruch'abel ri Jehová.

Romanos 9:33

Toqaqa chi'ik'u'x ri nubij ri Dios chupan ri tz'ibatel kan:*f28* Kan xtinya' chiri' pa Sión jun abej ri xtuben chike ri winaqi' chi xtikipajk'ij kaqen chirij. Jak'a ri nikikuquba' kik'u'x rik'in, kan man xkek'ixbitej ta, xcha'.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Apocalipsis 14:1

K'ari' xintz'et chik k'a chi ri Karne'l pa'el pa ruwi' ri juyu' Sión, e rachibilan e144,000 winaqi'. Y konojel k'a re', kik'uan ri nik'aj kiwech ri rubi' ri Jesucristo y ri rubi' ri Tata'ixel.