2 Sam 5:6 - Kaqchiquel Bible

⁶ K'ari' ri David e rachibilan-el ri aj-labal xebe pa Jerusalem richin nibekibana' oyowal kik'in ri winaqi' ri ek'o chiri', ri nibix jebuseo chike. Ri winaqi' ri' xech'on rik'in ri David, y xkibij chire chi rije' man xketikir ta xke'ok-apo chiri', roma xa kan jajun ri e moyi' y ri e jetz' ri xtikipaba-ki' chikiwech. Keri' xkibij roma xkich'ob chi ri David man xtikir ta xtok-apo.

2 Sam 5:6 ပူးပေါင်းရင်းမြစ်များ

Wuj Richin ri Rutikeribel 14:18

Chuqa' ri Melquisedec rey ri k'o pa ruwi' ri jun tinamit rubini'an Salem y chuqa' sacerdote richin ri nimalej Dios, ri Dios ri man jun chik achi'el rija'. Ri Melquisedec ri' ruk'amon k'a pe kaxlan-wey y vino.

2 Sam 22:30

Rik'in ri awuchuq'a' rat, yin yitikir yenk'is jun tzobaj aj-labal. Chuqa' yitikir yentzeq ri nima'q taq tz'aq richin ri kitinamit rije'.

Wuj Richin Etamabel-Tzij 21:22

Ri tinamit akuchi ek'o achi'a' ri kan maneq xibinri'il chikiwech, xa tikirel chi nitzaq pa ruq'a' jun aj-na'oj, y chuqa' rija' kan nitikir yeruwulaj ri nimalej taq tz'aq ri sutiyon-rij ri tinamit, ri man jun xch'obon chi nitzaq.

Wuj Richin ri Jeremías 21:13

Rix aj-Jerusalem ri ixk'o chiri' pa taq'aj kojol juyu', kan ikuquban ik'u'x rik'in ri nimalej abej ri k'o chiri'. Rix kan nibij k'a chi man jun xtinaqo iwichin. Chuqa' nibij chi man jun nitikir nok-apo chupan ri itinamit. Yin Jehová ninbij chi kan xkinok etzelanel iwichin.

Wuj Richin ri Jeremías 37:10

Roma stape' rix xke'ik'is konojel ri aj-labal aj-Babilonia y yek'oje' ta kan jujun achi'a' ri e sokotajineq, re achi'a' re' xkeyakatej k'a pe y xtikiya' ruq'aq'al ri itinamit, xcha' ri Dios chuwe.

Hebreos 7:1

Ri Melquisedec xok rey richin ri tinamit Salem, y chuqa' sacerdote richin ri nimalej Dios. Rija' xbe chuk'ulik ri qamama' Abraham y xrurtisaj toq tzolijineq-pe pa labal y ch'akowineq chik kan chikij ri e kaji' rey.

Wuj Richin ri Josúe 10:3

K'ari' ri Adonisédec xuteq rubixik chike ri ch'aqa' chik rey kichin ri amorreo; ri Hoham rey richin ri tinamit Hebrón, ri Piram rey richin ri tinamit Jarmut, ri Jafía rey richin ri tinamit Laquis y ri Debir rey richin ri tinamit Eglón. Y xubij k'a chike:

Wuj Richin ri Josúe 15:63

Ri rijatzul kan ri Judá man xetikir ta xekelesaj-pe ri jebuseo ri ek'o chiri' pa Jerusalem, xa xek'oje-qa chikikojol rije' k'a re wakami.

Wuj Richin ri Josúe 18:28

Selá, Élef, Jebús ri chuqa' nibix Jerusalem chire, Guibeá y Quiriat; ronojel re' e kajlajuj tinamit rik'in kokoj kitinamit. Jare' ri xkichinaj ri e rijatzul ri Benjamín, achi'el ri kajlabal chi kach'alal-ki'.

Wuj Kichin ri To'onela' 1:21

Jak'a ri tzobaj richin ri Benjamín man xekoqotaj ta pe ri e rijatzul ri Jebús ri ek'o pa Jerusalem. Y roma ri' ri tzobaj richin ri Benjamín y ri tzobaj richin Jebús xek'oje-qa junan ri chiri'.

Wuj Kichin ri To'onela' 1:8

Ri tzobaj richin Judá e rachibilan-el ri tzobaj richin Simeón xkichop oyowal kik'in ri aj-Jerusalem y xekich'ek, y xekikamisaj chi espada konojel winaqi', y k'ari' xkiya' ruq'aq'al ri tinamit ri'.