2 Sam 5:4 - Kaqchiquel Bible

⁴ Ri David juwineq lajuj k'a rujuna' chiri' toq xutikeriba' xuq'et-tzij. Y kawineq juna' xq'aton-tzij.

2 Sam 5:4 ပူးပေါင်းရင်းမြစ်များ

Wuj Richin ri Rutikeribel 41:46

Ri José k'o k'a juwineq lajuj rujuna' toq xuchop nusamajij ri rey ri richin Egipto. Y xuchop k'a nel chubanik ri rusamaj y xretamaj chijun ri ruwach'ulew Egipto.

1 Rey 2:11

Ri David xq'aton-tzij pa ruwi' ri ruwach'ulew Israel kawineq juna'. Wuqu' juna' xq'aton-tzij pa tinamit Hebrón, y juwineq oxlajuj juna' pa tinamit Jerusalem.

1 Crón 26:31

Ri Jerías rijatzul kan ri Hebrón. Y ri David xerucha' kan 2,700 achi'a' ri kan e rach'alal richin xe'ok aj-raqen pa ruwi' ri rusamaj ri Dios y ri rey chiri' pa relebel-q'ij chire ri raqen-ya' Jordán. Y ronojel re' xbanatej chupan ri juna' kawineq chire ri q'atbel-tzij richin ri rey David, toq xuteq kajlaxik ri e rijatzul kan ri Hebrón. Konojel ri achi'a' ri' aj pa tinamit Jazer richin Galaad.

1 Crón 29:27

Kawineq k'a juna' xuq'et-tzij. Wuqu' juna' xq'aton-tzij pan Hebrón, y juwineq oxlajuj juna' pa Jerusalem.

1 Crón 3:4

Re e waqi' ruk'ajol ri David xe'alex pan Hebrón, akuchi xq'aton-wi tzij wuqu' juna' rik'in nik'aj. Y chirij ri' xq'aton-tzij juwineq oxlajuj juna' pa ruwi' ri Jerusalem,

Wuj Richin ri Q'axanri'il 4:3

Ke'iwajlaj k'a konojel ri k'o juwineq lajuj kijuna' k'a kawineq lajuj, richin nikiben ri samaj chupan ri wachoch richin molojri'il.

San Lucas 3:23

Chupan ri q'ij ri', ri Jesús k'o la'eq juwineq lajuj rujuna'. Kan jari' k'a toq xuchop ri rusamaj. Y chikiwech ri winaqi', ri Jesús ruk'ajol ri José. Y ri José ruk'ajol kan ri Elí.