2 Sam 5:17 - Kaqchiquel Bible

¹⁷ Toq xkak'axaj k'a ri aj-Filistea chi ri David xqasex aceite pa ruwi' richin xok kan rey richin Israel, xkimol k'a ki' konojel ri aj-labal richin nibekibana' oyowal rik'in. Y toq rija' xunabej, xbe chupan ri jay richin tobel.

2 Sam 5:17 ပူးပေါင်းရင်းမြစ်များ

2 Sam 21:15

Chirij ronojel re' ri aj-Filistea xkichop chik jun bey labal kik'in ri israelita. Y ri David y ri aj-labal xebe richin xbekibana' oyowal kik'in. Jak'a ri David kan janila xkos.

2 Sam 23:14

y ri ch'aqa' chik ek'o-qa pa Belén. Jak'a ri David k'o chiri' akuchi nikito-wi-ki' ri aj-labal.

2 Sam 5:16

ri Elisamá, ri Eliadá y ri Elifélet.

2 Sam 8:1

Chirij k'a ronojel re', ri David xeruch'ek ri aj-Filistea. Kan xuqasaj kiq'ij jumul, y xumej kan ri q'atbel-tzij pa kiq'a'.

2 Sam 8:12

Ri kichin ri aj-Edom, ri aj-Moab, ri aj-Amón, ri aj-Filistea, y ri rijatzul kan ri Amalec. Chuqa' xusuj chire ri Jehová ronojel ri xumej kan ri chuwi-ruq'a' ri Hadad-ézer, ruk'ajol ri Rehob rey richin ri tinamit Sobá.

1 Crón 11:16

Ri David k'o pa jun tobel richin nuto-ri'. Y chupan ri q'ij ri' ri aj-labal aj-Filistea ek'o-qa pa tinamit Belén.

Hebreos 11:33

Konojel rije' xkikuquba' kik'u'x rik'in ri Dios, roma ri' xech'akon chikij ch'aqa' chik ruwach'ulew, pa ruchojmilal xeq'aton-tzij, xkik'ul ri xesuj chike roma ri Dios, xetikir xekikamisaj koj,

1 Sam 29:1

Ri aj-Filistea xekimol konojel ri tzobaj aj-labal chiri' chupan ri tinamit Afec, y ri aj-Israel xek'oje-qa chiri' chunaqaj ri ralaxbel-ya' ri k'o pa Jezreel.