2 Sam 5:12 - Kaqchiquel Bible

¹² K'ari' ri David xq'ax chuwech chi kan ja ri Jehová ri xjikiban kan richin chupan ri ajawaren, y roma ri' ri ajawaren kan janila xnimer chuwech roma ri rajowabal ri Dios pa ruwi' ri tinamit Israel.

2 Sam 5:12 ပူးပေါင်းရင်းမြစ်များ

2 Sam 7:16

Ri awijatzul y ri aq'atbal-tzij kan xtijike' k'a richin q'asen, xcha' ri Dios.

1 Rey 10:9

Tinimirisex k'a ri rubi' ri Jehová ri a-Dios ri utz xarutz'et richin xarutz'uyuba' kan chupan ri tz'uyubel richin xatok rey pa ruwi' ri Israel, roma rija' kan jantape' rajowan-pe ri atinamit Israel. Roma ri' xarukusaj kan rey richin kan ta k'o q'atbel-tzij pa ruchojmilal, xcha'.

1 Crón 14:2

Keri' toq xq'ax chuwech ri David chi kan ja ri Jehová xya'on kan rey pa ruwi' ri tinamit Israel, roma kan janila utz beneq ri ruq'atbal-tzij pa ruwi' ri ruwach'ulew.

Dn 2:30

Keri' chuqa' chinuwech yin kan xuq'alajirisaj yan chuqa' ri achike nel chi tzij re achik' re'. Re' man nel ta k'a chi tzij chi yin k'o más na'oj wik'in chikiwech konojel winaqi'. Xa kan richin k'a chi niq'alajin chawech ri nel chi tzij ri achik', y richin niq'ax chawech ri ch'obonik ri xepe pan ajolon.

Ester 4:14

Wi man jun xtanojij, y man jun xtabij chupan re q'ij re', xkepe ch'aqa' chik winaqi' ri xkekolon qichin roj judío. Jak'a rat xkaken, y keri' xkek'is ri rijatzul ri atata'. ¡Rik'in juba' xa roma ri' xatok kan reina richin yojato' chupan re jun ruk'ayewal re'!, xcha-el ri Mardoqueo chire.

2 Crón 2:11

K'ari' ri Hiram rey richin Tiro xuteq-pe jun wuj rik'in ri Salomón, y kere' nubij: Ri Jehová janila nrajo' ri rutinamit, y roma ri' ja rat xarukusaj kan rey pa ruwi' ri ruwach'ulew Israel.

2 Sam 5:11

Ri chiri' pa tinamit Tiro k'o k'a jun rey rubini'an Hiram. Y rija' xeruteq k'a uk'uey rutzijol rik'in ri David. Ri achi'a' ri' kik'uan k'a el tiox-che', y e kachibilan-el ajanela' y achi'a' ri yesamajin abej richin nikipaba-q'anej ri rachoch ri David.

2 Sam 5:13

Toq ri David xel-pe pan Hebrón y xapon pa Jerusalem xek'oje' ch'aqa' chik ru-concubina y rixjayil. Chuqa' xek'oje' chik k'iy ralk'ual kik'in ri ixoqi' ri'.

Wuj Richin ri Q'axanri'il 24:7

Rix israelita y ri iwijatzul xkixk'iyer janila, achi'el jun qejoj ri banon-qa chuchi' jun raqen-ya'. Ri i-rey xtok más nim chuwech ri rey Agag, y ri rajawaren kan xtik'oje' ruk'ojlen.