2 Sam 5:11 - Kaqchiquel Bible

¹¹ Ri chiri' pa tinamit Tiro k'o k'a jun rey rubini'an Hiram. Y rija' xeruteq k'a uk'uey rutzijol rik'in ri David. Ri achi'a' ri' kik'uan k'a el tiox-che', y e kachibilan-el ajanela' y achi'a' ri yesamajin abej richin nikipaba-q'anej ri rachoch ri David.

2 Sam 5:11 ပူးပေါင်းရင်းမြစ်များ

2 Sam 5:12

K'ari' ri David xq'ax chuwech chi kan ja ri Jehová ri xjikiban kan richin chupan ri ajawaren, y roma ri' ri ajawaren kan janila xnimer chuwech roma ri rajowabal ri Dios pa ruwi' ri tinamit Israel.

2 Sam 7:1

Kere' k'a xbanatej toq ri rey David k'o chik pa rachoch, toq ri Jehová xuya' yan uxlanenri'il chire chikiwech ri e etzelanel richin ri ek'o chunaqaj.

2 Sam 7:2

Ri David xch'on k'a rik'in ri q'alajirisey ruch'abel ri Dios ri rubini'an Natán, y xubij: Yin wakami ink'o chupan jun jay banon rik'in tiox-che', jak'a ri káxa richin ri rujikibel-tzij ri Dios xa chupan jun jay ri banon rik'in tzieq k'o-wi kan, xcha'.

1 Rey 5:15

Pa ruwi' re' ri rey Salomón xuteq koyoxik chuqa' e 70,000 rusamajela' ri ye'uk'uan ejqa'n, y e 80,000 achi'a' ri yechoyon abej y nikiben rutzil chiri' chuwi' taq juyu'.

1 Rey 5:18

Y ri samajela' ri yechoyon abej, ri xekichojmirisala' ri che' richin ri rachoch ri Jehová, ek'o aj chiri' pan Israel, ek'o aj-Sidón y ek'o aj-Guebal chuqa'.

1 Crón 14:1

K'o k'a jun rey rubini'an Hiram richin ri ruwach'ulew Tiro, ri rey ri' xuto' ri David richin xupaba-q'anej ri jay ri akuchi niq'aton-tzij. Xeruteq-el rik'in ri David, achi'a' ri k'o kiq'ij, aj-tz'aq y ajanela'. Chuqa' xkik'uala-el tiox-che' richin xkipaba' kan ri jay.

Wuj Richin ri Esdras 3:7

Y xkiya' k'a méro chike ri aj-tz'aq y chike ri ajanela' ri xkebesamej. Y chuqa' xkiya' kiway-kuk'ya' y aceite, chike ri aj-Sidón y ri aj-Tiro, richin chi nikik'en-pe tiox-che' k'a pa Líbano y nikik'uaj k'a pa Jope pa ruwi' ya'. Y ronojel re' xban roma ri Ciro, rey richin Persia, kan xuya' q'ij chike.

Wuj Richin Bix Chire ri Dios 30:1

Jehová, kan xkatinnimirisaj k'a, roma kan xinakol. Kan man xaya' ta k'a q'ij chi ri e etzelanel wichin xekikot ta chuwij.

Ez 26:2

Rat Ezequiel, ninbij k'a chawe chi ri winaqi' aj-Tiro xa xetze'en k'a chirij ri Jerusalem. Kan xesik'in k'a y xkibij chi xetzaq ri ruchi' ri Jerusalem y wuluwik rubanon. Y roma ri' wakami nikich'ob chi xkebeyomer-q'anej rije'.

Wuj Richin ri Josúe 19:29

Ri k'ulba't ri' nuchojmij-ri' y napon rik'in ri tinamit Ramá y chuqa' napon k'a rik'in ri tinamit ri sutin-rij rik'in tz'aq rubini'an Tiro, y niq'ax-el pa tinamit Hosá, y nik'is chiri' chuchi' ri palou. Numej chuqa' ri tinamit ri kibini'an Mahaleb, Aczib,