2 Sam 4:8 - Kaqchiquel Bible

⁸ Y xkik'en k'a pe ri rujolon ri Is-bóset rik'in ri David pan Hebrón y xkibij chire: Re' jare' ri rujolon ri Is-bóset ri ruk'ajol kan ri Saúl ri etzelanel awichin, ri xajowan richin xarukamisaj rat. Jak'a re wakami ri Jehová xuya' ruk'exel chire ri Saúl y ri rijatzul roma ri man utz ta ri xkich'ob chawij, xecha'.

2 Sam 4:8 ပူးပေါင်းရင်းမြစ်များ

1 Sam 25:29

Stape' kan k'o jun yakatajineq chawij y kan at ruq'eleben richin yarukamisaj, jak'a rat man jun xtak'uluwachij, roma rat kan atk'o pa ruq'a' ri Jehová ri qa-Dios. Jak'a ri kik'aslen ri etzelanel awichin kan xkek'aq ta roma ri Dios achi'el nik'aq jun abej rik'in ri ikeq'.

2 Sam 22:48

Ja ri Dios ri niya'on ri rutojbalil pa kiwi' ri e etzelanel wichin. Ja rija' ri yejachon pa nuq'a' ri winaqi' ri man nikitzeqelibej ta rija'.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

Apocalipsis 6:10

Y rije' kan rik'in uchuq'a' nikibij: Loq'olej y qitzij qajaw, ¿k'a jampe' k'a xtaq'et-tzij pa kiwi' ri winaqi' ri ek'o chuwech ri ruwach'ulew? ¿K'a jampe' k'a xtaya' ruk'exel chike roma ri qakamik?, yecha'.

San Mateo 2:20

Y xubij chire: Kayakatej y tak'uaj-el ri ak'ual rachibilan ri rute' y kixtzolin pa ruwach'ulew Israel. Roma ri xe'ajowan chi xkikamisaj ta ri ak'ual, xa xeken yan el, xcha'.

Wuj Richin Bix Chire ri Dios 71:24

Yin kan chijun q'ij xaxe k'a ri ruchojmilal ri naben rat, ri xtinbij. Roma ri xkajo' chi xinkiya' ta pa k'ayew xa xek'ixbitej y xsach kik'u'x.

2 Sam 18:31

Chupan ri ramaj ri' xapon ri achin etíope y xuya' ri utzilej rutzijol chire ri David, y xubij: Wajaw, wakami ri Jehová xarukol yan pa kiq'a' ri xeyakatej chawij, xcha'.

2 Sam 18:19

K'ari' ri Ahimaas ruk'ajol ri Sadoc xubij chi xtibe chi'anin richin niberuya' ri utzilej rutzijol chire ri David, chi ri Jehová xuya' yan rutojbalil pa kiwi' ri e etzelanel richin.

1 Sam 24:4

Jari' toq ri aj-labal e richin ri David xkibij chire: Ja q'ij re' ri rubin ri Jehová chawe, chi xtujech ri Saúl pan aq'a'. Tabana' k'a rik'in achike nawajo' rat, xecha'. K'ari' ri David xyakatej-q'anej y eqal-eqal xtzale-apo rik'in, y chiri' xutzak'ij kan juba' ri ruchi' ri rutziaq ri Saúl.

1 Sam 23:15

K'ari' ri David xebek'oje' chik pa k'echelaj, ri k'o pa tz'iran ruwach'ulew richin Zif, roma xretamaj chi yekanox roma ri Saúl richin yerukamisaj.

1 Sam 20:1

K'ari' ri David xel-pe chiri' pa Naiot richin Ramá richin xpe rik'in ri Jonatán, y xubij chire: ¿Achike k'a nubanon yin? ¿Achike k'a numak nubanon chuwech ri atata' richin yirukanoj y kan nrajo' yirukamisaj?, xcha'.

1 Sam 19:15

K'ari' ri Saúl xeruteq chik el ri rusamajela' richin nibekikanoj ri David, y xubij-el chike: Tiwelesaj-pe, stape' pa ruch'at k'o-wi. Tik'ama-pe chuwe richin ninkamisaj, xcha'.

1 Sam 18:11

Y xuch'ob chi nuch'ik ri David chuwech ri jay, y xuk'eq ka'i' mul ri rukamisabal chirij ri David y rija' kan chi e ka'i' mul xtikir xujel.

2 Sam 2:8

Y k'o k'a jun achin rubini'an Abner ruk'ajol ri Ner, y ri Abner aj-raqen pa kiwi' ri aj-labal ri xek'oje' rik'in ri Saúl. Rija' xberuk'ama-pe ri Is-bóset ruk'ajol kan ri Saúl, y xuk'uaj-el chupan ri tinamit Mahanaim.

1 Sam 19:1

Ri rey Saúl xubij chire ri Jonatán y chike konojel ri aj-raqen, richin nibekikamisaj kan ri David, jak'a ri Jonatán janila nrajo' ri David.