2 Sam 4:12 - Kaqchiquel Bible

¹² K'ari' ri David xuteq kikamisaxik ri ka'i' achi'a' ri'. Xtzak'ix k'a ri kiq'a', ri kaqen y ri kich'akul xbetzeqebex kan chuxikin ri yakbel-ya' richin Hebrón. Chuqa' ri rujolon ri Is-bóset xbek'amer-pe richin xbekimuqu' kan junan rik'in ri Abner chiri' pan Hebrón.

2 Sam 4:12 ပူးပေါင်းရင်းမြစ်များ

2 Sam 3:32

Keri' rumuqik ri Abner xbanatej pan Hebrón. Ri David kan janila xoq' chuchi' ri jul, y chijun tinamit xkoq'ej chuqa'.

2 Sam 1:15

K'ari' ri David xroyoj jun chike ri aj-labal richin nukamisaj ri ala' ri'. Y keri' xch'ay k'a ri ala' ri' richin nikamisex.

San Mateo 7:2

Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.

Wuj Richin Bix Chire ri Dios 55:23

Nu-Dios yin, rat xtaben chi ri winaqi' ri nikiben itzel taq banobel xkeken chi'anin. Xtaben k'a chi ri winaqi' ri kan xaxe ri kamik nikajo' nikiben y e q'olonel, man xkek'ase' ta k'a k'iy juna'. Jak'a yin kan awik'in rat ninkuquba' nuk'u'x jantape'.

2 Sam 21:9

Y re wuqu' re' xejach-el pa kiq'a' ri gabaonita, y rije' xekitzeqeba' chiri' pa jun juyu' chuwech ri Jehová. Keri' xeken ri e wuqu' e rijatzul kan ri Saúl. Re' xbanatej k'a pa nabey taq q'ij, toq xchap ri q'atoj richin cebada.

2 Sam 2:8

Y k'o k'a jun achin rubini'an Abner ruk'ajol ri Ner, y ri Abner aj-raqen pa kiwi' ri aj-labal ri xek'oje' rik'in ri Saúl. Rija' xberuk'ama-pe ri Is-bóset ruk'ajol kan ri Saúl, y xuk'uaj-el chupan ri tinamit Mahanaim.

2 Sam 16:8

Ri Jehová xuya' rutojbalil chawe ronojel ri kamik ri xe'aben rik'in ri rijatzul kan ri Saúl, ri xatok kan pa ruk'exel. Wakami ri Jehová xujech ri aq'atbel-tzij pa ruq'a' ri ak'ajol Absalón. Jak'a ruk'ayewal re' ri xqaqa pan awi' roma ri etzelal ri xe'abanala'; roma rat kan at jun kamisanel-wi, xcha'.