2 Sam 4:11 - Kaqchiquel Bible

¹¹ Jak'a iwik'in rix itzel taq achi'a' kan más k'a xtik'o ruwi' ri xtinben chiwe roma xikamisaj jun achin chiri' pa rachoch toq niwer pa ruch'at, ri xa man jun rumak. Wakami k'a ninben ruk'exel chiwe y xkixinwelesaj k'a el jumul chuwech re ruwach'ulew. xcha' chike.

2 Sam 4:11 ပူးပေါင်းရင်းမြစ်များ

Wuj Richin Bix Chire ri Dios 9:12

Ri Dios kan ye'oqaqa chuk'u'x ri ek'o pa tijoj-poqonal y nrak'axaj ri kich'owen; y kan nuya' k'a rutojbalil chike ri kamisanela'.

1 Juan 3:12

Man tiqaben achi'el xuben ri Caín ojer kan. Rija' kan richin-wi ri Itzel-Wineq y kan xukamisaj ri Abel ri ruchaq'. ¿Y achike k'a roma xukamisaj? Roma ri rubanobal kan e itzel jak'a ri rubanobal ri Abel kan e choj.

Wuj Richin ri Habacuc 1:12

Chirij re' yin xich'on chik rik'in ri Dios y xinbij: Jehová, rat ri at Dios ri atk'o-pe pa rutikeribel. Nimalej Jehová ja rat ri at Loq'olej nu-Dios yin, y at richin tibe-q'ij tibe-seq. Ja rat Jehová xayako-pe kichin re winaqi' re' chiqij, richin xtikiya' ri rutojbalil-mak pa qawi'. Ja rat nimalej to'onel xabanon kichin re winaqi' re', richin xtikiya' ri tijoj-poqonal pa qawi'.

Wuj Richin ri Habacuc 1:4

Ri apixa' xa kan maneq chik rejqalen niban chire. Xa kan man jun chik ruchojmilal nibanatej. Ri e banoy etzelal kan jantape' k'a e kitzeqeliben ri choj kik'aslen. Y ri winaqi' xa nikixotoba' ri ruchojmilal.

Wuj Richin ri Jeremías 10:11

Ja rat xabin chuwe chi ninbij chike ri nuwinaq chi ri wachibel ri' man ja ta rije' xebanon ri kaj, ni ri ruwach'ulew. Y rije' kan xkek'is k'a el chuwech re ruwach'ulew y man jun k'a chike rije' xtik'oje' kan.

Wuj Richin Etamabel-Tzij 25:26

Kan achi'el chuqa' jun ralaxbal-ya', ri nitukuk ruwech o ralaxbal-ya', ri xa ya' chuw ri k'o chupan; keri' k'a ri chojmilej wineq, ri xa man kow ta k'o ri ruk'aslen chikiwech ri aj-maki'.

Wuj Richin Etamabel-Tzij 2:22

Jak'a ri aj-maki' kan xtiqupix-el ri kik'aslen chuwech re ruwach'ulew, y ri nikiq'ej ruwi' ri ruch'abel ri Dios, kan xkek'uq-el re wawe'.

Wuj Richin Bix Chire ri Dios 109:15

Ri kimak rije' kan jantape' ta xtik'oje' chuwech ri Jehová. Rija' xtuyoj ta k'a jumul ri kibi' chuwech re ruwach'ulew.

1 Rey 2:32

Kan ja ri Jehová xtiya'on ruk'ayewal pa ruwi' ri Joab roma xerukamisaj chi espada ri Abner, ruk'ajol ri Ner, y ri Amasá, ruk'ajol ri Jéter, y rije' kan más k'a e utz chuwech rija'. Jak'a ri nata' kan man xretamaj ta toq ri Joab xerukamisaj ri e ka'i' achi'a' ri': ri Abner, aj-raqen kichin ri aj-labal richin ri Israel, y ri Amasá, aj-raqen pa kiwi' ri aj-labal richin ri Judá.

2 Sam 3:39

Jak'a yin stape' qasan aceite pa nuwi' richin xinok rey, wakami ninna' chi xa man jun wuchuq'a' k'o, roma ri Joab y ri Abisai xa kan ik'owineq chik ruwi' kuchuq'a' chinuwech yin. Y roma ri' ninbij chi kan ja ta k'a ri Jehová xtiya'on rutojbalil chike roma ri itzel ri xkiben, xcha'.

2 Sam 3:27

Y toq ri Abner xapon chik pan Hebrón, jari' toq ri Joab xuk'uaj-el chuchi' ri tinamit richin nitzijon rik'in pa ruyonil. Jari' toq xuchuq'ij chirupan. Y ri Abner xken kan chiri'. Y keri' ri Joab xuben ruk'exel chire roma xukamisaj ri Asael ri rach'alal.

Ex 21:12

Wi k'o ta jun wineq nuch'ey jun chik wineq y ri xch'ay xa niken, ri xbanon, xtikamisex chuqa'.

Ex 9:15

Wi ta yin wajowan, xatinkamisaj yan ta rik'in ri nima'q taq ruk'ayewal y xaken yan ta rat y konojel ri awinaq y kan xixk'is yan ta el chi'iwonojel chuwech re ruwach'ulew.

Wuj Richin ri Rutikeribel 7:23

Keri' k'a xbanatej toq xek'is konojel chuwech re ruwach'ulew, nitiker-el rik'in ri wineq y napon k'a rik'in ronojel kiwech taq chikopi', ri nikiqirirej-ki' y ri aj-xik' taq chikopi'; konojel re' xerumes k'a el. Xaxe chik ri Noé y ri ek'o rik'in chupan ri nima-barco ri xek'ase' kan.

Wuj Richin ri Rutikeribel 6:13

jari' toq rija' xubij chire ri Noé: Xinch'ob chi yenk'is konojel ri k'o kik'aslen chuwech ri ruwach'ulew, roma ri ruwach'ulew k'isineq pa ruk'ayewal, roma ri itzel taq kirayibel y roma ri' xkenmes k'a el konojel chuwech re ruwach'ulew.

Wuj Richin ri Rutikeribel 4:11

Wakami k'a xtinben chawe chi kan xtiqaqa ri itzel pan awi', roma xaben chire ri ruwach'ulew chi xuk'ul ri rukik'el ri achaq' ri xakamisaj. Y man jun bey chik xtasamajij ri ulew.

2 Sam 16:8

Ri Jehová xuya' rutojbalil chawe ronojel ri kamik ri xe'aben rik'in ri rijatzul kan ri Saúl, ri xatok kan pa ruk'exel. Wakami ri Jehová xujech ri aq'atbel-tzij pa ruq'a' ri ak'ajol Absalón. Jak'a ruk'ayewal re' ri xqaqa pan awi' roma ri etzelal ri xe'abanala'; roma rat kan at jun kamisanel-wi, xcha'.