2 Sam 3:9 - Kaqchiquel Bible

⁹ Jak'a re wakami, yin kan ja ta k'a ri Jehová ri xtiya'on-pe ruk'ayewal pa nuwi' wi man xkiq'ax ta rik'in ri David, roma ri Jehová kan rik'in jikibel-tzij rusujun ri q'atbel-tzij pa ruq'a' rija'.

2 Sam 3:9 ပူးပေါင်းရင်းမြစ်များ

1 Sam 15:28

K'ari' ri Samuel xubij: Ri Jehová xtrelesaj-el ri q'atbel-tzij pan aq'a' achi'el xretzetej ri nutziaq yin, y xtuya' k'a chire jun chik qawinaq ri más utz chawech rat.

1 Rey 19:2

Y kan jari' toq ri Jezabel xuteq-el jun uk'uey rutzijol rik'in ri Elías richin nubij chire: Ri dios e wichin yin kan xtikiya' k'a ruk'ayewal pa nuwi' y kan xkinkikamisaj, wi ke taq wa chua'q man at nukamisan ta, achi'el xaben rat chike ri achi'a' ri xesamajin kichin ri Baal, xcha-el.

1 Crón 12:23

Kan janila k'a e k'iy aj-labal xjunamatej-kiwech rik'in ri David pa tinamit Hebrón, richin xkijech ri q'atbel-tzij pa ruq'a' ri David, roma xa xken ri Saúl; y ronojel re' xbanatej achi'el ri rubin ri Jehová chire ri David.

1 Sam 28:17

Rija' xuben achi'el ri xinq'alajirisaj chawe, roma ri Jehová xrelesaj ri q'atbel-tzij pan aq'a', y xuya' yan pa ruq'a' ri David ri awachibil.

Wuj Richin ri Rut 1:17

Akuchi k'a xkaken-wi rat, chiri' chuqa' xkiken-wi yin y chiri' xkimuq-wi; kan k'a ja na k'a ri kamik ri xtich'aron qichin. Y wi k'o ta chik jun ri nich'aron qichin y ninq'ej ruwi' ri nutzij, xa kan tiqaqa k'a ruk'ayewal pa nuwi' yin, ri nuya-pe ri Jehová, xcha' ri Rut.

2 Sam 19:13

Keri' chuqa' tibij chire ri Amasá chi roma rija' kan jun chike ri wach'alal, roma ri' ninya' nutzij chuwech ri Dios chi kan xtinben chire chi ja rija' xtok aj-raqen pa kiwi' ri aj-labal, pa ruk'exel ri Joab, xcha'.

2 Sam 3:35

Chirij re' ri winaqi' ri' xbekisuju' ruway ri David roma xa xqaq'ij yan. Jak'a ri David xuya' rutzij y xubij chi ri Dios kan xtuya' ta k'a ruk'ayewal pa ruwi' rija' wi k'o xtutej chupan ri q'ij ri'.

1 Sam 25:22

Ri Dios kan ta xtuya' nimalej ruk'ayewal pa nuwi' yin, wi ri chua'q toq xtiseqer-q'anej k'a k'es na ri Nabal o jun chike ri achi'a' ri ek'o rik'in rija', xcha-qa.

1 Sam 14:44

Y ri Saúl xubij: Kan ja ri Dios xtiya'on rutojbalil-mak pa nuwi' wi rat man xkaken ta, xcha'.

1 Sam 3:17

Y ri Elí xuk'utuj chire: ¿Achike xubij ri Dios chawe? Nink'utuj jun nimalej utzil chawe richin man tawewaj ri achike xbix chawe. Wi rat man xtabij ta chuwe ri xbix chawe, ri Dios kan ta xtuya' k'a ri ruk'ayewal pan awi' rat, xcha' chire.

2 Sam 19:14

Keri', konojel ri winaqi' aj-Judá xa jun kiwech xkiben y xkiteq rubixik chire ri David chi titzolin-pe y keruk'ama-pe konojel ri ek'o rik'in.

1 Rey 2:23

Y ri rey Salomón xuya' k'a rutzij pa rubi' ri Jehová y xubij chi ja ri Dios xtiya'on ruk'ayewal pa ruwi' rija' wi man xtukamisaj ta ri Adonías roma ri xuk'utuj.