2 Sam 3:35 - Kaqchiquel Bible

³⁵ Chirij re' ri winaqi' ri' xbekisuju' ruway ri David roma xa xqaq'ij yan. Jak'a ri David xuya' rutzij y xubij chi ri Dios kan xtuya' ta k'a ruk'ayewal pa ruwi' rija' wi k'o xtutej chupan ri q'ij ri'.

2 Sam 3:35 ပူးပေါင်းရင်းမြစ်များ

2 Sam 1:12

Y rije' xebison, xe'oq' y xemewayin chijun ri q'ij ri' k'a toq xokoq'a' na qa, roma ri rukamik ri Saúl y ri Jonatán y roma konojel ri aj-labal israelita y ri ch'aqa' chik kiwinaq ri xekamisex chi espada.

2 Sam 12:17

Y ri achi'a' ri k'o kiq'ij ri ek'o pa rachoch, xebe rik'in richin nikiyek-q'anej pan ulew. Jak'a rija' man xrajo' ta, y man xutej ta ruway kik'in.

2 Sam 3:34

Stape' xa man ximon ta ri ruq'a-raqen, xken k'a pa kiq'a' ri e kamisanel, xcha'. Y konojel k'a ri winaqi' xe'oq' chik q'anej jun bey.

2 Sam 3:36

Y konojel k'a ri ek'o-apo chiri' kan xqa' chikiwech ri xubij y ronojel ri xuben rija'.

2 Sam 3:9

Jak'a re wakami, yin kan ja ta k'a ri Jehová ri xtiya'on-pe ruk'ayewal pa nuwi' wi man xkiq'ax ta rik'in ri David, roma ri Jehová kan rik'in jikibel-tzij rusujun ri q'atbel-tzij pa ruq'a' rija'.

1 Crón 10:12

jari' xeyakatej-el konojel aj-labal, ri man jun xibinri'il chikiwech, xbekik'ama-pe ri ruch'akul ri Saúl y ri kich'akul ri e ruk'ajol, y xebekiya' kan chiri' pa Jabés. Xekimuq k'a kan chuxe' jun paten-che', y kan xemewayin k'a wuqu' q'ij.

Wuj Richin ri Jeremías 16:7

Man jun k'a xtik'amon-pe q'utun richin yekiq'ejela' ri ek'o pa bis. Chuqa' man jun xtik'amon-pe vino, stape' kan ja ri te'ej o ri tata'aj ri niken.

Ez 24:17

Jak'a pan ewel ninya' q'ij chawe chi yajiq'ijo'x chirij. Man tak'ut chi yabison ni man tawelesaj ri kuchubel-ajolon, ni ri axajab. Chuqa' man tatz'apej apalej, ni man tatej q'utun richin bis, xcha' ri Jehová chuwe.

Ez 24:22

Y rix xtibebana' achi'el ri xinben yin chire ri Ezequiel: Man xtitz'apej ta ri ipalej retal richin bis, ni man xtitej ta q'utun richin bis.

Wuj Kichin ri To'onela' 20:23

roma rije' kan xejote' k'a q'anej pa rachoch ri Jehová ri jun q'ij kan y chijun q'ij xe'oq' chuwech k'a toq xok na pe ri aq'a'. Rije' xkik'utuj k'a chire ri Jehová wi utz yebe chik jun bey richin nibekibana' oyowal kik'in ri aj-Benjamín, ri e kach'alal. Y ri Jehová kan xubij k'a chi utz yeyakatej chik el chikij.

Wuj Kichin ri To'onela' 20:26

Y roma ri' konojel ri aj-labal israelita y konojel ri winaqi' xebe chik jun bey pa rachoch ri Jehová, y xetz'uye' y xe'oq' chuwech, y man xewa' ta ri jun q'ij ri' k'a toq xok na ri aq'a'; y xkisuj kamelabel ri niporox chijun y chuqa' xkisuj sipanik richin nikiq'alajirisaj chi junan kiwech rik'in rija'.

Wuj Richin ri Rut 1:17

Akuchi k'a xkaken-wi rat, chiri' chuqa' xkiken-wi yin y chiri' xkimuq-wi; kan k'a ja na k'a ri kamik ri xtich'aron qichin. Y wi k'o ta chik jun ri nich'aron qichin y ninq'ej ruwi' ri nutzij, xa kan tiqaqa k'a ruk'ayewal pa nuwi' yin, ri nuya-pe ri Jehová, xcha' ri Rut.

1 Sam 3:17

Y ri Elí xuk'utuj chire: ¿Achike xubij ri Dios chawe? Nink'utuj jun nimalej utzil chawe richin man tawewaj ri achike xbix chawe. Wi rat man xtabij ta chuwe ri xbix chawe, ri Dios kan ta xtuya' k'a ri ruk'ayewal pan awi' rat, xcha' chire.